ឯកឧត្តម ឧត្ដមសេនីយ៍ឯក គង់ ប៊ុនលី អញ្ជើញជាអធិបតីក្នុងពិធីម្ពោធសមិទ្ធផលនានា នៅវត្តនន្ទសិរិគន្ធរាម ស្រុកមង្គលបូរី
(បន្ទាយមានជ័យ)៖សមិទ្ធផលនានា រួមមានសួនច្បារ របមាត់សឹ្ទង ផ្លូវបេតុង សួនពុទ្ធរូប កាឡូឡា មណ្ឌលពោធិព្រឹក្ស និងសាលាពុទិ្ធកសិក្សា នៅវត្តនន្ទសិរិគន្ធរាម ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ ត្រូវបានធ្វើពិធីសម្ពោធឆ្លង និងកាត់ខ្សែបូរ នាថ្ងៃអាទិត្យ ទី២៦ ខែមិថុនា ឆ្នាំ២០២២ ក្រោមអធិបតីភាពឯកឧត្តម ឧត្ដមសេនីយ៍ឯក គង់ ប៊ុនលី មេបញ្ជាការរង នៃបញ្ជាការដ្ឋានកងអង្គរក្ស និងជាជំនួយការផ្ទាល់សមេ្តចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវ ព្រះឧត្ដមសីល ញ្ញាណធុលសុធា ព្រះមេគណខេត្ត ព្រះអង្គ គ្រូ សុវណ្ណថេរោ ដេតរដ្ឋា ព្រះចៅអធិការវត្តនន្ទសិរិ គន្ធរាម បានមានសង្ឃដីកា បញ្ជាក់ថា រាល់សមិទ្ធផល ដែលបានកើតឡើង ព្រមទាំងបានប្រារព្ធធ្វើបុណ្យឆ្លង នាឱកាសនេះ គឺបានមកពីការចូលរួមសទ្ធាជ្រះថ្លា ពីសប្បុរសជនជិតឆ្ងាយក្នុង និងក្រៅប្រទេស ព្រមទាំងប្រជាពុទ្ធបរិស័ទ ចំណុះជើងវត្តបង្កើតបានជាសមិទ្ធផលទាំងអស់ សម្រាប់ប្រើប្រាស់ និងសម្រាប់គោរពបូជា ក្នុងនោះផងដែរ សមិទ្ធផលថ្មីៗទាំង៦ ខាងលើនេះ ត្រូវចំណាយអស់ថវិកាប្រមាណជា ជាង១០ម៉ឺនដុល្លារសហរដ្ឋអាមេរិក ។
នាឱកាសនោះឯកឧត្តមគង់ ប៊ុនលី បានសម្តែងការ កោតសរសើរ និងអរគុណដោយស្មោះ ចំពោះបងប្អូនប្រជាពលរដ្ឋ សប្បុរសជន ជិតឆ្ងាយ ដែលបានរួមសាមគ្គីគ្នា ចូលរួមកសាងបាននូវសមិទ្ធផលនានាជាច្រើន ក្នុងវត្តនេះ ហើយជាទឹកចិត្តសទ្ធាជ្រះថ្លាជាបុណ្យ កុសលដ៏ធំធេងមិនអាចកាត់ថ្លៃ បានហើយក៏ជាការចូលរួមចំណែកជាមួយរដ្ឋាភិបាល ដើម្បីបន្តអភិវឌ្ឍលើគ្រប់វិស័យ មិនថាពុទ្ធចក្រ ឬអាណាចក្រក្តី។
ឯកឧត្តមគង់ ប៊ុនលី មានប្រសាសន៍បន្តថា រាល់សមិទ្ធផលទាំងអស់ ដែលបានកើតឡើងលើគ្រប់វិស័យនាពេលនេះ គឺអាស្រ័យប្រទេសជាតិយើងមានសុខសន្តិភាពពេញលេញ ក្រោមការដឹកនាំដ៏ ត្រឹមត្រូវរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។ ជាចុងក្រោយ ឯកឧត្ដម បានធ្វើការផ្តាំផ្ញើរ ដល់ប្រជាពលរដ្ឋ ពុទ្ធបរិស័ទទាំងអស់ ព្រមទាំងព្រះសង្ឃ អាចារ្យ គណៈកម្មការ ត្រូវបន្តរួមសាមគ្គីគ្នាឲ្យបានល្អ ដោយជៀសវាងការប្រកាន់បក្សពួក ដែលអាចធ្វើឲ្យពុទ្ធបរិស័ទ បាត់បង់ជំនឿ ធ្វើឲ្យអាប់ឱនដល់ព្រះពុទ្ធសាសនា នៃយើងសំខាន់ទប់ស្កាត់កុំឲ្យមានជាជម្លោះ អធិករណ៍កើតឡើង ដើម្បីឲ្យសមទៅនឹងពាក្យថា វត្តអារាមជាឃ្លាំងសម្រាប់ផ្ទុកក្បួនច្បាប់ គម្ពីរដីកា ទំនៀមទម្លាប់ប្រពៃណី អក្សរសាស្ត្រជាតិ ។បញ្ចប់កម្មវិធីគណអធិបតីបានចែកជូននូវ អំណោយដល់លោកតា លោកយាយចូលរួម ព្រមទាំងកាត់ខ្សែបូរអភិសេកព្រះអង្គធំ និងរាប់បាត្រដល់ ព្រះសង្ឃផងដែរ ៕
.jpg)
.jpg)