ថ្ងៃទី២៩ ខែមិថុនា ឆ្នាំ២០៥០
គេហទំព័រកំពុងសាកល្បង
កិច្ចប្រជុំផ្សព្វផ្សាយ​សារាចរណែនាំ ស្តីពីសេចក្ដីព្រាងច្បាប់ហិរ​ញ្ញវត្ថុសម្រាប់​ការគ្រប់គ្រងឆ្នាំ ២០២៣
Thu,23 June 2022 (Time 10:58 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 13នាក់)


(បន្ទាយមានជ័យ)៖ដើម្បីឲ្យមានប្រសិទ្ធភាពពិតប្រាកដ មន្ទីរស្ថាប័​នគ្រប់អង្គ​ភាពទាំងអ​ស់ត្រូវពង្រឹង​ការគោរព​ច្បាប់ ស្ដីពីប្រព័ន្ធហិរញ្ញវត្ថុ ច្បាប់ស្ដីពីរ​បបហិរញ្ញវត្ថុដទៃ​ទៀតជាពិសេស ការអនុវត្តចំ​ណា​យ ត្រូវមា​នប្រសិទ្ធភា​ពចំ​ទិសដៅ​អាទិ​ភាព ពិតប្រាក​ដ មានភាពសន្សំសំចៃខ្ពស់។ឯកឧត្តម អ៊ុំ រាត្រី អភិបាលនៃ​គណៈអភិ​បាលខេត្តប​ន្ទាយមានជ័យ មានប្រសាសន៍បែបនេះ​ ក្នុងកិច្ចប្រជុំ​ផ្សព្វផ្សាយ​សារា​ចរណែ​នាំ ស្ដីពីសេចក្ដីព្រាងច្បាប់ស្ដីពីហិរញ្ញវត្ថុ សម្រាប់ការគ្រប់គ្រងឆ្នាំ២០២៣ នឹងសារាចរ​ណែនាំស្តីពី​ការរៀបចំ ផែនកា​រយុទ្ធសាស្ត្រថវិកាឆ្នាំ២០២៣-២០២៥ នៅមន្ទីរ​សេដ្ឋកិច្ច​និងហិរញ្ញ​វត្ថុខេត្តបន្ទា​យមានជ័យ កាលពីរសៀលថ្ងៃទី២២ ខែមិថុនា ឆ្នាំ២០២២។

លោក បឹង គឹមសឹង ប្រធានមន្ទីរ​សេដ្ឋកិច្ចនិងហិរញ្ញវត្ថុខេត្តបានបញ្ជាក់ថា ការរៀបចំកិច្ច​ប្រជុំផ្សព្វ​ផ្សា​យសារាចរណែនាំនាពេ​លនេះ គឺដើម្បី​ធានាឱ្យការរៀបចំ ផែនការយុទ្ធសាស្ត្រថវិកាសម្រាប់ឆ្នាំ ២០២៣-២០២៥ និងការរៀប​ចំសេចក្ដីព្រាងច្បាប់ស្ដីពីហិរញ្ញវត្ថុសម្រា​ប់ការគ្រប់គ្រងឆ្នាំ ២០២៣ ដែលជាសេ​ចក្ដីព្រាងច្បាប់ប្រចាំឆ្នាំ និងផែន​ការថវិការយៈពេលបីឆ្នាំរំកិល​សម្រេចបានជោគជ័យ ដោយតម្រូវឲ្យក្រ​សួង-ស្ថាប័ន មន្ទីរជំនាញ​រាជធានី-ខេត្ត ត្រូវរៀបចំទៅតាមនី​តិវិធីនៃដំណើ​រការរៀប​ចំ​គម្រោងថវិកាប្រចាំឆ្នាំ។

លោក បឹង គឹមសឹងបន្តថា ឆ្នាំ២០២៣ ជាឆ្នាំចុង​អាណត្តិរា​ជរដ្ឋាភិបាលនីតិកាលទី ៦ នៃរដ្ឋសភា និង​ក្នុងបរិបទ នៃការគិត​គូរស្តារ​កំណើនសេដ្ឋកិច្ច តាមរយៈ​ការសម្របខ្លួនទៅនឹងប្រក្រតីភាពថ្មី ព្រម​ជាមួយ​នឹង​ភាពធូរស្រាល នៃការ​រីករាលដាលនៃជំងឺកូវីដ១៩​ បន្ទាប់ពីការចាក់​វ៉ាក់សាំងត្រូវ​បាន​អនុវត្ត​យ៉ាងទូលំ​ទូលាយ​ពេញផ្ទៃប្រទេស ឲ្យរាជរដ្ឋា​ភិបាលផ្ដោ​តការយក​ចិត្តទុកដាក់​ខ្ពស់ក្នុងកា​រដាក់ចេញ ​និងអនុវត្ត​យ៉ាងម៉ឺងម៉ាត់ នូវវិធានការ​អន្តរាគមន៍សមស្រប​និងទាន់ពេលវេលា ដោយបោះ​ជំហា​នលើគន្លងអភិវឌ្ឍន៍ថ្មី នឹងបន្តគ្រប់​គ្រងផល​ប៉ះពាល់ នៃការរីករាលដាលជំងឺកូវីដ១៩ និងការកែ​ទម្រង់រច​នាសម្ព័ន្ធ ដើម្បីឈានឆ្ពោះទៅស​ម្រេចបាននូវភាពធននឹងវិបត្តិ។

ឯកឧត្តម អ៊ុំ រាត្រី បញ្ជាក់ថា ក្នុង​បរិការណ៍នៃ​ការបន្សំាទៅនិងផលវិបាក នៃជំងឺកូវីដ១៩​និងកា​រប្រែប្រួល នៃស្ថានភា​ពសេដ្ឋកិច្ចដែ​លរងផលប៉ះពា​ល់ពីសង្រ្គាមរវាងរុស្ស៊ីនិងអ៊ុយក្រែន រាជរដ្ឋាភិ​បាលបានសម្រេច​ដាក់ចេញនូវគោល​នយោបាយហិរញ្ញវត្ថុសាធារណៈ និងវិធានការណ៍​ចាំបាច់និង​បន្ទាន់នានា ក្នុងគោលបំណង​ដើម្បីរក្សា​លំនិងសេដ្ឋកិច្ច តាមរយៈការបន្តដោះស្រាយបញ្ហា ដែលនៅ​សេសសល់ពីវិបត្តិនៃជំងឺកូវីដ១៩ ការបន្តរក្សាលំនឹងសកម្មភាពអាជីវកម្ម ការបន្តរក្សា​លំនឹងជីវភា​ពប្រជាជន ព្រមទាំង​ដើម្បីទ្រទ្រ​ង់កំណើនសេ​ដ្ឋកិច្ច តាមរយៈការបន្តបង្កើនភាពប្រកួតប្រជែង ការ​បន្ត​ការជម្រុញការធ្វើពិពិធក​ម្មសេដ្ឋកិច្ច និងកា​របន្តកែទម្រង់រចនាសម្ព័ន្ធ សម្រាប់ការ​រៀបចំសេច​ក្ដីព្រាងច្បាប់ស្ដីពីហិរញ្ញវត្ថុ សម្រា​ប់ការគ្រប់គ្រងឆ្នាំ ២០២៣ ដែលផ្ដល់ជាមូលដ្ឋានដល់គ្រប់ក្រសួង-ស្ថាប័ន រៀបចំផែ​នការយុទ្ធសាស្ត្រថវិកាឆ្នាំ២០២៣-២០២៥ នឹងការ​លើកគម្រោងថវិកាឆ្នាំ២០២៣។ សង្គ្រាមនេះ​បានបង្កផលប៉ះ​ពាល់ដោយប្រយោល ដល់សេដ្ឋកិច្ចកម្ពុជាតា​មរយៈការកើន​ឡើង​ថ្លៃទំនិញគ្រប់ប្រភេ​ទ ពិសេសប្រេងឥន្ធនៈនិងវត្ថុធាតុដើមកសិកម្ម រួមមានជី និងថ្នាំស​ម្លាប់សត្វ​ល្អិតជាដើម៕

ព័ត៌មានគួរចាប់អារម្មណ៍

តុលាកា​រខេត្តកណ្តាល សម្រេច​ឃុំខ្លួន ក្រុមសង្ឃក្លែងក្លាយ​​ចំនូន១​៨នាក់ ដាក់​ពន្ធនាគា​រ​ជាបណ្តោះ​អា​សន្ន (ឆន្ទៈកូនខ្មែរ)

ព័ត៌មានគួរចាប់អារម្មណ៍

សន្និបាតបូកស​រុបការងារ​បោះឆ្នោត ជ្រើស​រើសក្រុមប្រឹក្សាឃុំ សង្កាត់ (ឆន្ទៈកូនខ្មែរ)

ព័ត៌មានគួរចាប់អារម្មណ៍

គណៈកម្មាធិការគណបក្សប្រជាជនកម្ពុជា ខេត្តប៉ៃលិន បានប្រារព្ធមិទ្ទីញខួបអនុស្សារីយ៍​លើកទី​៧១ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២២) (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកឧត្តមសេនីយ៍ត្រី សឹង្ហ ទុំ អញ្ជើញអប់រំផ្សព្វផ្សាយស​ភាពការណ៍​ព័ត៌មា​នថ្មីៗ ដល់​នាយ-​ពលទាហានចំណុះទីបញ្ជាការ កងពល (ឆន្ទៈកូនខ្មែរ)

ព័ត៌មានគួរចាប់អារម្មណ៍

អាវុធហត្ថបញ្ជូនខ្លួ​នជនស​ង្ស័យម្នាក់ រួមនឹងវត្ថុតាង​គ្រឿងញៀន​មួយចំនួន ទៅសាលាដំបូង​ខេត្តប​ន្ទាយ​មានជ័យ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
46226 នាក់
ម្សិលមិញ :
10473 នាក់
សប្តាហ៍នេះ :
103980 នាក់
ខែនេះ :
436821 នាក់
3 ខែនេះ :
1292651 នាក់
សរុប :
9229971 នាក់