ថ្ងៃទី២៩ ខែមិថុនា ឆ្នាំ២០៥០
គេហទំព័រកំពុងសាកល្បង
សាខាកាកបាទក្រហមកម្ពុជា ខេត្តកំពង់ចាម ប្រារព្ធព្រះ​រា​ជពិធី​ចម្រើនព្រះជន្ម ថ្វា​យហ្លួងម៉ែ ព្រះ​ប្រ​ធានកិ​ត្តិយ​ស​កាកបាទក្រហមកម្ពុជា ជាទីគោ​រពសក្កា​រ:ដ៏ខ្ពង់ខ្ពស់បំផុត គម្រប់​ ៨៦ យាងចូល ៨៧ ព្រះវស្សា
Mon,20 June 2022 (Time 10:49 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 9នាក់)


(កំពង់ចាម)៖ឯកឧត្តម អ៊ុន ចាន់ដា​ អភិបាលនៃគណៈ​អភិបាលខេត្តកំពង់ចាម និងជា​ប្រធាន​គណៈ​កម្មាធិ​ការសាខាកាកបាទក្រហ​មកម្ពុជាខេត្ត ឯកឧត្តម ខ្លូត ផន ប្រធានក្រុមប្រឹក្សាខេត្ត រួមជា​មួយ​ព្រះវត្ត​មាន ព្រះនា​គសត្ថា ព្រះបាឡាត់​គណខេត្ត ព្រះមន្ត្រីសង្ឃ ព្រមទាំងគ​ណ:កិត្តិយសសាខា ថ្នាក់​ដឹកនាំ សមាជិក សមាជិកា គណៈកម្មាធិការ​សាខា ប្រធានក្រុមកាកបាទក្រហមកម្ពុជា មន្ទីរ​អង្គភាព​ជុំវិញខេត្ត មន្ត្រីប្រតិ​បត្តិ យុវជន អ្នកស្ម័គ្រចិត្តកា​កបាទក្រហមកម្ពុជា ព្រមទាំង អនុសាខា​ក្រុងកំព​ង់​ចាម- ស្រុកកំពង់សៀម ប្រមាណ​២០០ នាក់ កាលពីព្រឹកថ្ងៃទី១៨ ខែមិថុនា ឆ្នាំ២០២២ បាននិ​មន្ត និង​អញ្ជើញ ចូលរួមក្នុង ព្រះរាជពិធីបុណ្យចម្រើនព្រះជន្ម សម្តេចព្រះមហា​ក្សត្រី នរោត្តម មុនីនាថ សីហនុ ព្រះវររា​ជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ព្រះប្រធាន​កិត្តិយស កាក​បាទក្រហមកម្ពុជា ជាទីគោរព​​សក្ការ:ដ៏ខ្ពង់ខ្ពស់បំផុត គម្រប់ព្រះជន្ម ៨៦ យាងចូល ៨៧ព្រះវស្សា ដែលបា​នប្រព្រឹត្តទៅនាសា​លសន្និសីទសាលាខេត្តកំពង់ចាម ។

ឯកឧត្តម អ៊ុន ចាន់ដា អភិបាលខេត្ត និងជាប្រ​ធានគណៈកម្មាធិការសាខា ក្នុងនាម ឯកឧត្តម​ប្រធានក្រុ​មប្រឹក្សាខេត្ត ព្រមទាំង គណៈកិត្តិយស គណៈ:កម្មាធិការ និងសហការី នៃសាខាកា​កបាទក្រ​ហមកម្ពុជា ខេត្តកំពង់ចាម និងប្រជាពលរ​ដ្ឋទូទាំងខេត្ត សូមព្រះបរមរាជានុញ្ញាត លើកហ​ត្ថប្រណ​ម្យបង្គំ ទូលថ្វាយព្រះសព្ទសាធុការពរជ័យ បវរសួស្តី សិរីវឌ្ឍនមង្គល គ្រប់ប្រការ ថ្វាយ​សម្តេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ព្រះប្រធានកិ​ត្តិយសកាក​បាទក្រហមកម្ពុជា​ ជាទីគោរពសក្ការៈដ៏ខ្ពង់ខ្ពស់បំផុត សូម​ព្រះអង្គមានព្រះរាជសុខភាពល្អបរិបូរណ៍ ព្រះ​បញ្ញាញាណភ្លឺថ្លា ព្រះកាយ​ពលមាំមួន និងព្រះជន្មាយុយឺនយូរជាងរយព្រះវស្សា ចាកផុត​ពីព្រះរោ​គាព្យាធិ​នានា ដើម្បីគង់ប្រថា​ប់ជាមហាម្លប់ដ៏ត្រ​ជាក់ត្រជុំដល់ប្រជានុរាស្រ្ត ជាកូន ចៅ ចៅ​ទួត របស់ព្រះអង្គ ប្រកប​ដោយសុខដុមរមនា ជារៀងដរាបតទៅ ។

បន្ទាប់ពី ព្រះនាគសត្ថា​ ស៊ាង លាង ព្រះបា​ឡាត់គណខេត្ត និងព្រះមន្ត្រីសង្ឃ ៨អង្គ បាន សូត្រ​ពុទ្ធជ័យ​មង្គល ចម្រើនព្រះបរិត្តទៅតាមទំនៀមទំលាប់ប្រពៃណីយ សាសនា ដើម្បីឧទ្ទិសព្រះរាជ​កុសលថ្វាយ​សម្ដេចព្រះមហាក្សត្រី នរោត្តមមុនីនាថ សីហនុ ព្រះវររាជមាតាជាតិ ខ្មែរ ព្រះប្រធាន​កិត្តិយសកា​កបាទក្រហមកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត​ រួចមក ឯកឧត្តម អ៊ុនចាន់ដា និង ឯកឧត្តមខ្លូត ផន ព្រមទាំង ថ្នាក់ដឹកនាំ បានអញ្ជើញ វេរភត្តហារ ​ប្រគេនព្រះសង្ឃចំនួន ៩អង្គ ដោយ​ក្នុងមួយអង្គ ៖ ចង្ហាន់ ១ស្រាក់ , ផ្លែឈើ ស្រស់ ១កន្ត្រក, សាដក ១ និងបច្ច័យចំនួន ១០ម៉ឺនរៀល ។ ដោយ​ឡែក ព្រះបាឡាត់គណ​ខេត្ត បច្ច័យ ២០ម៉ឺនរៀល និងព្រះវិន័យធរគណខេត្តបច្ច័យ ១៥ម៉ឺ​នរៀល ។ឧបត្ថម្ភ ទីប្រឹក្សា- យុវជនកាកបាទក្រហមកម្ពុជា ១​១៥នាក់ ម្នាក់ៗ ថវិកា ២០,០០០រៀល និង អ្នកស្ម័គ្រចិត្ត ភូមិ ចំនួន ២១នាក់ ម្នាក់ៗ ថវិកា ៥០,០០០រៀល៕

ព័ត៌មានគួរចាប់អារម្មណ៍

តុលាកា​រខេត្តកណ្តាល សម្រេច​ឃុំខ្លួន ក្រុមសង្ឃក្លែងក្លាយ​​ចំនូន១​៨នាក់ ដាក់​ពន្ធនាគា​រ​ជាបណ្តោះ​អា​សន្ន (ឆន្ទៈកូនខ្មែរ)

ព័ត៌មានគួរចាប់អារម្មណ៍

សន្និបាតបូកស​រុបការងារ​បោះឆ្នោត ជ្រើស​រើសក្រុមប្រឹក្សាឃុំ សង្កាត់ (ឆន្ទៈកូនខ្មែរ)

ព័ត៌មានគួរចាប់អារម្មណ៍

គណៈកម្មាធិការគណបក្សប្រជាជនកម្ពុជា ខេត្តប៉ៃលិន បានប្រារព្ធមិទ្ទីញខួបអនុស្សារីយ៍​លើកទី​៧១ ថ្ងៃបង្កើតគណបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២២) (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកឧត្តមសេនីយ៍ត្រី សឹង្ហ ទុំ អញ្ជើញអប់រំផ្សព្វផ្សាយស​ភាពការណ៍​ព័ត៌មា​នថ្មីៗ ដល់​នាយ-​ពលទាហានចំណុះទីបញ្ជាការ កងពល (ឆន្ទៈកូនខ្មែរ)

ព័ត៌មានគួរចាប់អារម្មណ៍

អាវុធហត្ថបញ្ជូនខ្លួ​នជនស​ង្ស័យម្នាក់ រួមនឹងវត្ថុតាង​គ្រឿងញៀន​មួយចំនួន ទៅសាលាដំបូង​ខេត្តប​ន្ទាយ​មានជ័យ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
46564 នាក់
ម្សិលមិញ :
10473 នាក់
សប្តាហ៍នេះ :
104318 នាក់
ខែនេះ :
437159 នាក់
3 ខែនេះ :
1292989 នាក់
សរុប :
9230309 នាក់