ឯកឧត្តម គួច ចំរើន ដឹកនាំកិច្ចប្រជុំពន្លឿនការផ្តល់សេវា នៅច្រកចេញចូលតែមួយខេត្ត ក្រុង ស្រុក
ខេត្តព្រះសីហនុ:ក្នុងកិច្ចប្រជុំពន្លឿនការផ្តល់សេវានៅច្រកចេញចូលតែមួយខេត្ត ក្រុង ស្រុក ក្នុងខេត្តព្រះសីហនុ នារសៀលថ្ងៃទី២៨ ខែមករា ឆ្នាំ២០២២ ដោយមានការចូលរួមពីលោកអភិបាលរងខេត្ត អភិបាលក្រុង ស្រុក មន្ទីរ អង្គភាពពាក់ព័ន្ធក្នុងខេត្តព្រះសីហនុនោះ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានលើកឡើងថា ការផ្តល់សេវានាពេលបច្ចុប្បន្ននៅមានការយឺតយ៉ាវ យើងត្រូវមានការទទួលខុសក្នុងការជម្រុញ និងពន្លឿនសេវាបំរើអតិថិជនឱ្យបានលឿន ឆាប់សម្រាប់ឆ្នាំ២០២២ នេះ ទន្ទឹមនោះយើងត្រូវធ្វើកាបេ្តជ្ញាចិត្តការផ្តល់សេវាឱ្យបានលឿន និងមានតម្លាភាព។
មន្ត្រីរបស់យើងដែលមានភារកិច្ចទទួលខុសត្រូវផ្តល់សេវានៅតាមច្រកចេញចូលតែមួយបំរើសេវាសាធារណៈជូនអតិថិជនឱ្យបានទាន់ពេលវេលា។
ឯកឧត្តមអភិបាលខេត្តបានបញ្ជាក់ថា រាជរដ្ឋាភិបាលបានដាក់ចេញនូវគោលនយោបាយកំណែទម្រង់តាមបែបវិមជ្ឈការ និងវិសហមជ្ឈការនៅថ្នាក់ក្រោមជាតិ បានផ្តល់អំណាចដល់ថ្នាក់ក្រោមជាតិ ដើម្បីបំរើសេវាជូនប្រជាពលរដ្ឋ ហើយមានសេវានៅផ្នែកខ្លះធ្វើបានល្អ ក៏ប៉ុន្តែផ្នែកខ្លះនៅតែមានការយឺតយ៉ាវ ដូច្នេះយើងត្រូវទទួលការខុសត្រូវប្រកបដោយឆន្ទៈក្នុងការដោះស្រាយសេវាជូនអតិថិជនទាំងអស់គ្នា៕
