សន្និបាតបូកសរុបការងារ ដឹកនាំរបស់គណ:កម្មាធិការគណបក្សឃុំផ្គាំ រយ:ពេល៥ឆ្នាំ ២០១៧-២០២២
ខេត្តបន្ទាយមានជ័យ៖នៅរសៀលថ្ងៃទី១៣ ខែមករា ឆ្នាំ២០២២ លោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារចុះជួយស្រុកស្វាយចេក បានអញ្ជើញជាអធិបតីក្នុងសន្និបាតបូកសរុបការងារ ដឹកនាំរបស់គណបក្សរយ:ពេល៥ឆ្នាំ២០១៧ - ២០២២ និងផ្សព្វផ្សាយគោលនយោបាយអភិវឌ្ឍន៍ឃុំផ្គាំ រយ:ពេល៥ឆ្នាំ ២០២២- ២០២៧បន្ត និងប្រកាសទទួលស្គាល់សមាភាពបេក្ខជនពេញសិទ្ធិ និងបម្រុង សម្រាប់ឈរឈ្មោះបោះឆ្នោត ក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ខាងមុខនេះ។
ពិធីនេះបានប្រព្រឹត្តទៅនៅស្នាក់ការបក្សប្រជាជនកម្ពុជាឃុំផ្គាំ ស្រុកស្វាយចេក ខេត្តបន្ទាយមានជ័យ ដោយលោក លឿង សុភ័ក្តិ ប្រធានគណៈកម្មាធិការគណបក្សស្រុកស្វាយចេក ,លោក ដា តឹង មានការអញ្ជើញចូលរួមពីប្រធានក្រុមប្រឹក្សាស្រុក លោក អ៊ុន សំអន អនុប្រធានគណកម្មាធិការ ខ២៧ និងជាប្រធានក្រុមការងារចុះជួយឃុំផ្គាំ ព្រមទាំងសមាជិកសមាជិការបក្សចំនួន១៨៦នាក់ ស្រី២០នាក់ផងដែរ។
នាឱកាសនោះលោក សិទ្ធិ ឡោះ សមាជិកអចិន្ត្រៃយ៍គណៈកម្មាធិការគណបក្សខេត្ត និងជាប្រធានក្រុមការងារចុះជួយស្រុកស្វាយចេក លោកក៏បានសំណូមពរដល់សមាជិកបក្សទាំងអស់ ត្រូវមានសាមគ្គីភាពផ្ទៃក្នុងឲ្យបានល្អ ធ្វើយ៉ាងណាអនុវត្តន៍គោលនយោបាយ រក្សាចាស់ បង្កើតថ្មី បម្រើសេវាសាធារណ: ដោះស្រាយបញ្ហាប្រឈម និងសំណូមពររបស់ពលរដ្ឋឲ្យទាន់ពេលវេលា យកបេះដូងប្រជាពលរដ្ឋឲ្យ ដើម្បីទទួលបានសម្លេងគាំទ្រ និងឈ្នះឆ្នោតនៅពេលខាងមុខ។ជាងនេះទៅទៀតលោកក៏បានផ្តាំផ្ញើរដល់សមាជិកបក្សទាំងអស់ ត្រូវបន្តអនុវត្តន៍វិធានការសុខាភិបាល និងប្រមុខរាជរដ្ឋាភិបាលកម្ពុជាគឺ ៣កុំ និង៣ការពារ ឲ្យបានខ្ជាប់ខ្ជួនទើបគេចផុតពីជម្ងឺឆ្លងនានាពិសេសជំងឺកូវី១៩តែម្តង៕
