ដោយសារខ្យល់កន្ត្រាក់ បានធ្វើឲ្យរោងត្រួតពិនិត្យ របស់កងកម្លាំងនៅកន្លែងបិតខ្ទប់ និងផ្សារមង្គលដួលរលំរាបដល់ដី បណ្តាលឲ្យសង្គត់លើរថយន្ត និងខួចខាតសម្ភារៈមួយចំនួន
ខេត្តបន្ទាយមានជ័យ៖ភ្លៀងលាយឡំទៅដោយខ្យល់កន្ត្រាក់ខ្លាំង នៅវេលាម៉ោងប្រមាណ២០យប់ ថ្ងៃទី៥ ខែឧសភា ឆ្នាំ២០២១ បណ្តាលឲ្យប៉ើងរោងត្រួតពិនិត្យរបស់កងកម្លាំង ដែលកំពុងឈេជើងនៅកន្លែងបិតខ្ទប់ចេញ-ចូលក្នុងភូមិសាស្ត្រក្រុងប៉ោយប៉ែត បង្កឲ្យខូចខាតសម្ភារៈមួយចំនួន ចំណែកឯកងកម្លាំងសើមជ្រោកជាំងពេញខ្លួន។
បើតាមសមត្ថកិច្ចបានឲ្យដឹងថា នៅវេលាម៉ោងខាងលើមានភ្លៀងធ្លាក់បន្តិចបន្តួចនោះទេ ប៉ុន្តែខ្យល់កន្ត្រាក់ខ្លាំង បណ្តាលឲ្យប៉ើងរោងនាំគ្នាឈរទប់ដោយកន្លែងខ្លះបានប្រជាពលរដ្ឋនៅក្បែជួយ កន្លែងខ្លះឈរទប់ដោយខ្លួនឯងសឹងពុំបាន បណ្តាលឲ្យដួលបក់បោកសើមពេញខ្លួន និងខូចខាតសម្ភារៈមួយចំនួន ទាំងអ្នកខ្លះមិនទាន់បានទទួលទាន់អាហារទៀតផង។
ដោយឡែង ផ្សារមង្គល ស្ថិតនៅក្នុងភូមិប៉ោយប៉ែត សង្កាត់ប៉ោយប៉ែត ខេត្តបន្ទាយមានជ័យ ឯណ្ណោះវិញដួលរលំរាបដល់ដី បណ្តាលឲ្យរថយន្តដែលប្រជាពលរដ្ឋយកទៅផ្ញើរងការខួចខាតយ៉ាងធ្ងន់ធ្ងរ។
បើតាមអាជ្ញាធរមូលដ្ឋានដែលកំពុងបំពេញការងារនៅក្បែរនោះបានឲ្យដឹងថា ផ្សារមង្គលនេះសាងសង់ដោយសសរដែក ប្រក់ស័ង្កសី កាលពីមុនអាជីវករនាំគ្នាទៅលក់ដូរនៅក្នុងផ្សារមួយនេះ តែដោយមិនមានអ្នកចូលទៅទិញ ដ៏បានរំសាយដោយបច្ចុប្បន្នម្ចាស់ផ្សារខាងលើបានយកកន្លែងខាងលើធ្វើជាកន្លែងផ្ញើម៉ូតូ និងរថយន្ត ដោយមានសំបុត្រស្នាមបញ្ជាក់ត្រឹមត្រូវ។
ក្រោយពីទទួលបានព័ត៌មានជុំវិញការដួលរលំផ្សារនេះដែរ អ្នកសារព័ត៌មានយើងមិនអាចចូលទៅថតយករូបភាពជាក់ស្តែងបាននោះទេ បានត្រឹមតែឈរមើលពីចំងាយតែប៉ុណ្ណោះ ដោយសារម្ចាស់ផ្សារមិនអនុញ្ញាត ចាក់សោរបងជិតតែម្តង។តែទោះយ៉ាងនេះក្តីបុរសម្នាក់ដែលបានអះអាងថា ខ្លួនមានឡានមួយគ្រឿងម៉ាកឡុចស៊ីស RX 300 យកទៅផ្ញើ បានបញ្ជាក់ថា ខ្លួនទើបតែចេញមកពីមើលឡានរបស់ខ្លួន ដោយផ្សាររលំសង្កត់ពីលើរងការខូចខាតស្ទើតែទាំងស្រុងទៅហើយ។ម្ចាស់ឡានខាងលើបញ្ជាក់ថា ខ្លួនបានត្រឹមតែទៅអើតមើលមួយភ្លែតតែប៉ុណ្ណោះ ដោយម្ចាស់ផ្សារបានដេញចេញមិនអនុញ្ញាតឲ្យមើលឬចូលនោះឡើយ។
ម្ចាស់ឡានខាងលើរួមនឹងប្រជាពលរដ្ឋនៅក្បែនោះបញ្ជាក់ទៀតថា កន្លងមកមានម៉ូតូ និងឡានយកទៅដាក់ផ្ញើច្រើន តែមួយរយះកាលនេះនៅសល់ប្រហែលជា១០ឡានតែប៉ុណ្ណោះ តែនៅពេលកំពុងកើតហេតុនេះមិនដឹងថា មានប៉ុន្មានពិតប្រាកដនោះដែរ៕
