មន្ត្រីជំនាញសាខា ក.ប.ប. ខេត្តបន្ទាយមានជ័យ សហការជាមួយមន្ត្រីពាណិជ្ជកម្មខេត្ត ចុះត្រួតពិនិត្យផលិតផលម្ហូបអាហារ តាមបណ្តាម៉ាត និងតូបលក់ទំនិញ នៅក្រុងសិរីសោភ័ណ
ខេត្តបន្ទាយមានជ័យ៖ដើម្បីការពារសុត្ថិភាពសុខភាព ប្រជាពលរដ្ឋនៅព្រឹកថ្ងៃទី០១ ខែមីនា ឆ្នាំ២០២១ មន្ត្រីជំនាញសាខា ក.ប.ប. ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធានសាខា ក.ប.ប. ខេត្ត សហការជាមួយមន្ត្រីពាណិជ្ជកម្មខេត្ត បានចុះត្រួតពិនិត្យផលិតផលម្ហូបអាហារ នៅតាមបណ្តាម៉ាត និងតូបលក់ទំនិញ នៅក្នុងផ្សារទឹកថ្លា ក្រុងសិរីសោភ័ណ ខេត្តបន្ទាយមានជ័យ។
ក្នុងកិច្ចចុះប្រតិបត្តិការនោះដែរកម្លាំងជំនាញបានរកឃើញ រួចដកហូតនូវផលិតផលខូចគុណភាព និងហួសកាលបរិច្ឆេទប្រើប្រាស់ដែលមានដូចជា៖
-កាហ្វេ Nest café ចំនួន ១៨កំប៉ុង ស្មើ ៣.២៤គីឡូក្រាម
-ទឹកដោះគោ Dutch Mill ចំនួន ៤៤ប្រអប់ ស្មើ ៣.៩៦គីឡូក្រាម
-កូកាកូឡា ដបតូច ចំនួន ៦ដប ស្មើ ៣.៦០គីឡូក្រាម
-ភេសជ្ជៈ Samurai ចំនួន ២៩ដប ស្មើ ១៣.៩២គីឡូក្រាម
-មីកំប៉ុងម៉ាម៉ា ចំនួន ៦៥កំប៉ុង ស្មើ ៣.៩០គីឡូក្រាម
-មីកញ្ចប់ម៉ាម៉ា ចំនួន ៩៦កញ្ចប់ ស្មើ ៥.២៨គីឡូក្រាម
-ម្សៅស៊ុប រ៉តឌី ចំនួន ៨គីឡូក្រាម
-ទឹកដោះគោខាប់ Teapot ចំនួន ១២កំប៉ុង ស្មើ ៤.៤៣គីឡូក្រាម
-ទឹកម្ទេស ចំនួន ១០ដប ស្មើ ៣.៣០គីឡូក្រាម
-ទឹកក្រូចដបធំ Sprite ចំនួន ៨ដប ស្មើ ១០គីឡូក្រាម
-ទឹកក្រូចដបធំ Big ចំនួន ៦ដប ស្មើ ១៨.៦០គីឡូក្រាម
-ភេសជ្ជៈ Thunder ចំនួន ២៤ដប ស្មើ ១១.៥២គីឡូក្រាម
-ទឹកក្រូចដបតូច Big ចំនួន ១២ដប ស្មើ ៣.៨៤គីឡូក្រាម
-ភេសជ្ជៈ Energy ចំនួន ១២កំប៉ុង ស្មើ ៣គីឡូក្រាម សរុបមានចំនួន ៩៦.៥៩គីឡូក្រាម។
ជាមួយគ្នានោះដែរលោក សាន វិជ្ជាសារ៉ាវុធ ប្រធានសាខា ក.ប.ប. ខេត្ត បានអំពាវនាវដល់បងប្អូនប្រជាពលរដ្ឋ មុននិងទិញគ្រឿងឧបភោគ បរិភោគ យកទៅទទួលទានត្រូវពិនិត្យឲ្យបានច្បាស់លាស់អំពីថ្ងៃខែបរិច្ឆេទប្រើប្រាស់ ជៀសវាងទិញយកទៅជួបរបស់វិចខ្ជប់ ក្លាសេ រក្សាទុកគ្មានស្ទង់ដា ជាហេតុនាំឲ្យប៉ះពាល់ដល់សុខភាព។ចំណែកក្រុមអាជីវករដែលបានដាក់តាំងលក់ និងទិញចូលត្រូវពិនិត្យការវិចខ្ជប់ថ្ងៃខែបរិច្ឆេទប្រើប្រាស់ឲ្យបានត្រឹមត្រូវតាមស្ទង់ដាផងដែរ បើសិនជាម្ចាស់អាជីវកម្ម និងក្រុមអាជីវករ នៅតែបន្តល្មើសនាំចូលទំនិញគ្មានគុណភាព និងហួសថ្ងៃខែបរិច្ឆេទប្រើប្រាស់ ធ្វើឲ្យប៉ះពាល់សុខភាពប្រជាពលរដ្ឋនោះ លោកនឹងចាត់ការតាមនិតិវិធីច្បាប់៕