ថ្ងៃទី២៩ ខែវិច្ឆិការ ឆ្នាំ២០២១
គេហទំព័រកំពុងសាកល្បង
សាខាកាកបាទក្រហមកម្ពុជា សហការជាមួយមន្ទីរសាធារណការ ខេត្ត​ស្វាយរៀង ចុះអប់​រំផ្សព្វ​ផ្សាយ​ដល់ប្រជា​ពល​រដ្ឋ សិស្ស និស្សិត ​អាជីវករ និងសាធារណៈជន ឲ្យយល់ដឹង​ពីច្បាប់ច​រាចរណ៍​ផ្លូវគោក
Tue,09 February 2021 (Time 08:46 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 147នាក់)


ខេត្ត​ស្វាយរៀង៖លោកជំទាវ ដួង វណ្ណា ប្រធានកិត្តយ​សសាខាកាកបាទក្រហមកម្ពុជាខេត្ត​ស្វាយ​រៀង​ ឯកឧត្តម ម៉ែ​ន វិបុល ប្រធានគណៈក​ម្មាធិការសាខា លោកជំទាវ ​ហៅ ច័ន្ទសិរីទេពី ចៅ ភិរុណ អនុ​ប្រធានគណៈកម្មាធិការសាខា ព្រមទាំង​ឯកឧត្តម លោកជំទាវ ជា សមាជិក សមាជិ​ការគណៈ​កម្មាធិការសាខា ក្រុម​ប្រតិបត្តិសាខា ទីប្រឹក្សា និងយុវជនកាកបាទក្រហមកម្ពុជា អ្នកស្មគ្រ័ ចិត្តកា​កបាទក្រហម សហកា​រជាមួយ​មន្ទីរសា​ធារណការ និងដឹកជញ្ជូនខេត្ត និងសមត្ថកិច្ចន​គរបាលចរាចរ​ណ៍ផ្លូវ​គោក សរុបចំនួន៨០នាក់ ចុះអប់រំផ្សព្វផ្សាយដល់ប្រជាពលរដ្ឋ សិស្ស និស្សិត អាជីវករ និង​សា​ធារ​ណៈជន ឲ្យយល់ដឹងពីច្បាប់ចរាចរណ៍ផ្លូវគោក ត្រូវពាក់មួកសុវត្ថិភាពឲ្យបានត្រឹមត្រូវ រាល់​ពេល​ធ្វើដំណើរ បើកបរចេះអធ្យាស្រ័យគ្នា មិនបើកបរក្រោមឥ​ទ្ធិពលគ្រឿងស្រវឹង និងបើក​បរលើស​ល្បឿនកំណត់ ដើម្បីឈានទៅដ​ល់ការកាត់បន្ថយអត្រាពិការស្លាប់ និងរបួសធ្ងន់​ដោយ​សារគ្រោះ​ថ្នាក់ចរាចរណ៍។

យុទ្ធនាការនេះបានធ្វើឡើងនៅព្រឹកថ្ងៃទី៩ ខែកុម្ភៈ ឆ្នាំ២០២១ ដោយ​មានចែកជូន​នូវឯកសារ​ពាក់​ព័ន្ធ ខិតបណ្ណ័នានា ទាក់​ទងនឹងច្បាប់ស្តីពី​សុវត្ថិភាពចរាចរណ៍ ផ្លូវ​គោក បិទចំណាំងផ្លាត និងមាន​ការរៀបចំ​ជាកម្មវិធីសំនួរ ចម្លើយស្តីពីច្បាប់​ និងសុវត្ថិភាពចរាចរណ៍ផ្លូវគោក អ្នកដែលឆ្លើយ​ត្រូវទទួ​លបានមួ​កសុវត្ថិភាព អាវយឺត ពីក្រុមការងារសាខា និងមន្ទីរសាធារណការ និងដឹកជញ្ជូន។

ជាមួយគ្នានេះដែរក្រុ​មការងារក៏បានធ្វើកា​រផ្សព្វផ្សាយបញ្ជ្រាប​នូវសាររបស់​ក្រសួងសុខាភិ​បាលពា​ក់ព័ន្ធទៅ​នឹង វិធានការ ការពារពីជំងឺកូវីដ-១៩ ដល់សាធារណ​ជនទូទៅដែល​កំពុងធ្វើដំណើ​រលើដ​ងផ្លូវសា​ធារណៈត្រង់ចំណុច នៅភ្លើងស្តុប​សួនតាឌី នៅរង្វង់មូលមុខសាលាក្រុងស្វាយរៀង និងនៅ​ផ្លូវ​កែងទំនប់តាណេង។

មានប្រសាស​ន៍នាឱកាសនោះ លោកជំទាវ ដួង វណ្ណា ប្រធានកិត្តិយស សាខា បានបញ្ជាក់ថា បញ្ហាគ្រោះថ្នាក់ចរាចរណ៍ បានបង្កនូវផលលំបា​កដ៏ធ្ងន់ធ្ងរដល់សង្គមជាតិ ដោយបានបំផ្លាញ ទាំង ទ្រព្យស​ម្បត្តិ ទាំងអាយុជីវិត និងបន្សល់ទុកនូវជនរងគ្រោះ ជនពិការ ក្មេងកំព្រារ ស្ត្រីម៉េម៉ាយ គ្រួសា​រក្រីក្រ ។ ល ។ បញ្ហានេះបាន​ទាក់ទាញនូវការយកចិត្តទុកដាក់ ពីសំណាក់ រាជរដ្ឋាភិបា​លកម្ពុជាក្នុង​ការកាត់បន្ថ​យនូវ អត្រាគ្រោះថ្នាក់ ​ចរាចរណ៍តាមរយៈ​ការបង្កើតគណៈ​កម្មាធិការជាតិ សុវត្ថិភាព ចរាចរណ៍ផ្លូវគោក ប្រព័ន្ធព័ត៌​មានជនរងគ្រោះ និងគ្រោះថ្នាក់ចរាចរណ៌ផ្លូវគោក ច្បាប់ស្តីពីច​រាចរណ៌​ផ្លូវគោក គោលនយោបាយ និងផែនការ​សកម្មភាពជាតិ​ទស្សវត្ត​សុវត្ថិភាពចរាចរណ៌​ផ្លូវគោករយៈ​ពេល១០ឆ្នាំ ហើយ​ការ ផ្សព្វផ្សាយនាពេលនេះក្នុងគោលបំណងអំពាវនាវ ដល់ប្រជាពលរដ្ឋទាំ​ងអស់ ត្រូវពា​ក់មួកសុវត្ថិភាព ឲ្យបានគ្រប់ៗគ្នា ទាំង​អ្នកបើកបរ និង អ្នករួមដំ​ណើពីក្រោយគ្រប់ពេលវេ​លាដែលធ្វើចរាចរណ៍​តាមដងផ្លូវតាមរយៈ​ម៉ូតូ ដើម្បីធានាសុវត្ថិភាព កុំឲ្យមានរបួស​ក្បាលបណ្តា​លឲ្យស្លាប់ បើគ្មាន​មួកសុវត្ថិភាព កុំបើកបរ និងជិះពីក្រោយ។ត្រូវគោរពច្បាប់ ចរាចរណ៍​ឲ្យបានខ្ជាប់​ខ្ជួន កុំបើកបរហួសល្បឿន កំណត់ និងត្រូវបំពេញលក្ខខ​ណ្ឌយានជំនិះរបស់ខ្លួនឲ្យបានគ្រប់គ្រាន់ ដូចជាកញ្ចក់មើលក្រោយ ចង្កៀងបំភ្លឺភ្លើង សញ្ញាបត់ ។ល។

លោកជំទា​វបានបន្តទៀតថា ដោយមើល​ឃើញពីស្ថាន​ភាព នៃគ្រោះថ្នាក់ចរាចរណ៍ពីមួយឆ្នាំ ទៅ​មួយ​ឆ្នាំ មានការកើនឡើង សាខា​កាកបាទក្រហមកម្ពុជាខេត្ត បាន​នឹងជំរុញឲ្យមានអ្នកស្ម័គ្រចិត្ត និងយុ​វជ​នកាកបាទ​ក្រហមកម្ពុជា ចុះសហការ ជាមួយមន្ត្រីចរាចរផ្លូវគោក នៅតាមចំណុចគោលដៅ ដើម្បីផ្សព្វផ្សាយ ពីផលប៉ះ​ពាល់ ដោយសារ គ្រោះថ្នាក់ចរាចរណ៍ និងធ្វើកា​រណែ​នាំឲ្យអ្នក​បើកប​រទាំងអ​ស់ត្រូវពា​ក់មួកសុវត្ថិភាព ខ្សែក្រវាត់សុវត្ថិភាព និងការបើ​កបរ ក្រោមឥទ្ធិពល គ្រឿងស្រវឹង៕

ព័ត៌មានគួរចាប់អារម្មណ៍

លោក លី សារី ដឹកនាំកិ​ច្ចប្រជុំ​ណែ​នាំ ស្ដីពីដំ​ណើ​រការបោះឆ្នោត ស្ទាប​ស្ទង់ក្រុម​ប្រឹក្សាឃុំ អា​ណត្តិ​ទី៥​ ឆ្នាំ២​០២២ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តម គួច ចំរើន អញ្ជើញសំ​ណេះសំណាល និងនាំយកអំ​ណោយចែកជូនប្រជាពលរដ្ឋក្រីក្រ និងចាស់ជ​រាគ្មានទីពឹង នៅក្នុង​បរិវេណវត្តអូរចំណារ (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកជំទាវ បាន ស្រីមុំ ដឹកនាំក្រុមការងារ ចុះពិនិត្យការដ្ឋាន​សាងសង់ និង​ជួសជុលផ្លូវក្រាលកៅស៊ូ ២ខ្សែ​ស្ថិតក្នុង​ស្រុកសា​លាក្រៅ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពលរដ្ឋចំនួន​១៥គ្រួសារ មានទំនាស់​ដីធ្លីរ៉ាំរ៉ៃជា​ច្រើនឆ្នាំ ត្រូវបាន​អភិបាល​ខេត្តប៉ៃលិន ដោះស្រាយ​បញ្ចប់ឈ​រលើស្មារតីឈ្នះ​ឈ្នះទាំ​ងអស់គ្នា (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពិធីចែកមួកសុវត្ថិភា​ពដល់សិស្សានុសិស្ស និង​លោកគ្រូអ្នកគ្រូ សរុបចំនួន​៨៨៩មួក នៅសាលាប​ឋម​សិក្សា​អូរអំបិល (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
8557 នាក់
ម្សិលមិញ :
7294 នាក់
សប្តាហ៍នេះ :
47294 នាក់
ខែនេះ :
220897 នាក់
3 ខែនេះ :
683965 នាក់
សរុប :
6318776 នាក់