ថ្ងៃទី២៧ ខែមករា ឆ្នាំ២០២១
គេហទំព័រកំពុងសាកល្បង
រថយន្ត​ម៉ាកព្រូស បើកបុក​ម៉ូតូ​ពីក្រោយ​ពេញ​ទំហឹង ​ធ្លាក់​ចូលប្រឡាយ​ ​បណ្ដាល​ឲ្យ​រងរបួស​ធ្ងន់
Fri,08 January 2021 (Time 08:52 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 16នាក់)


រាជធានីភ្នំពេញ៖ឧបទ្ទវហេតុគ្រោះថ្នាក់ចរាចរណ៍ រវាងរថយន្តម៉ាកព្រូស និងម៉ូតូ​ បណ្តាល​ឲ្យ​មធ្យោ​បាយ​ទាំ​ងពីធ្លាក់ចូលប្រឡាយ រីឯមនុស្សរ​ងរបួស​ធ្ងន់ បញ្ជូន​ទៅសង្គ្រោះ​នៅឯមន្ទីរពេទ្យ។

ហេតុការនេះបានកើត​ឡើងកាលពី​រំលងអធ្រាត្រ​ឈានចូល​ថ្ងៃ​ទី​៨ ខែមករា ឆ្នាំ​២០២១ ត្រង់ចំណុច ប្រ​ឡាយទឹក​មួយកន្លែង​តាម​បណ្ដោយ​ផ្លូវ​៥០​ម៉ែត្រ​ ស្ថិតនៅ​ក្នុងភូមិ​អន្លង់​គង់​ថ្មី សង្កាត់​ព្រៃ​ស ខណ្ឌ​ដង្កោ រាជធានីភ្នំពេញ។

បើតាម​ប្រភពព័ត៌មាន​ពីកន្លែង​កើតហេតុ​បាន​ឲ្យដឹងថា មុនពេលជួបគ្រោះថ្នាក់ចរាចរណ៍គេបាន​ឃើញ​បុរស​ម្នាក់​កំពុងតែ​ជិះ​ម៉ូតូ​សុខៗ ​ក៏​ស្រាប់​តែមាន​រថយន្ត​ម៉ាកព្រូស មួយគ្រឿង​បើក​មកពី​ក្រោយ​យ៉ាង​លឿនខ្វះការប្រុងប្រយ័ត្ន បាន​បុក​ពេញទំហឹង​បណ្ដាល​ឲ្យ​រថយន្ត និង​ម៉ូតូ ​ព្រមទាំង​មនុស្ស​ធ្លាក់ចូល​ទៅក្នុង​​​​​ប្រឡាយទឹក រងរបួស​ធ្ងន់បញ្ជូន​ទៅសង្គ្រោះនៅឯមន្ទីរពេទ្យ។​

ម៉ូតូ​របស់​ជនរងគ្រោះ​ម៉ាក​ឌ្រី​ម​សង់ ពណ៌​ខ្មៅ ពាក់​ស្លាក​លេខ កណ្តាល 1G.3398 ឯ​រថយន្តបង្ក​គឺ​ម៉ាក​ព្រូស ពណ៌​ទឹកប្រាក់ ពាក់​ស្លាក​លេខ ភ្នំពេញ 2AX. 2687​។ក្រោយ​កើតហេតុ អ្នកបើក រថយន្ត បាន​លូន​ចេញមក​ខាងក្រៅ​ក្នុង​សភាព​ស្រវឹងស្រា​ជោគជាំ ត្រូវ​ប្រជាពលរដ្ឋ​ឃាត់ទុក​ឲ្យ​សមត្ថកិច្ច​។​

បើតាម​ការពិនិត្យ​មើល​ស្នាម​នៅ​កន្លែងកើតហេតុ ម៉ូតូ​និង​រថយន្ត​បាន​បើក​ស្រប​ទិស​គ្នា តាម​បណ្ដោ​យ​ផ្លូវ​៥០​ម៉ែត្រ​ទិសដៅ​ពី​ជើង​មក​ត្បូង ដោយ​រថយន្ត​បើក​មកពី​ក្រោយ​យ៉ាង​លឿន​ដូច​ហោះ​បុក​ម៉ូតូ​ជនរង​គ្រោះ​ផ្លោងចូល​ទៅក្នុង​ប្រឡាយ​ទឹក​ទាំងអស់គ្នា​។

ប្រជាពលរដ្ឋ ជួយ​ទាញ​បុរស​រងគ្រោះ​ចេញពី​ប្រឡាយទឹក​រងរបួសធ្ងន់​ ត្រូវបាន​រថយន្ត​សង្គ្រោះ​ដឹក​យក​ទៅ​មន្ទីរ​ពេទ្យ ហើយ​ជនរ​ងគ្រោះបានប្រាប់គ្រូ​ពេទ្យថាឲ្យជួយ​​រកប្រពន្ធ​គាត់ផង រួចក៏​សន្លប់បាត់ស្មារតី៕

ព័ត៌មានគួរចាប់អារម្មណ៍

ឯកឧត្តម ជុំ ហាត ប្រធានក្រុមប្រឹក្សាខេត្តស្វាយរៀង ដឹកនាំកិច្ចប្រជុំសាម​ញ្ញលើកទី២០ ឆ្នាំទី២ អាណត្តិទី៣ របស់ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តមអភិបាលខេ​ត្តបន្ទាយមានជ័យ ទទួល​យកសំណូមពរ និងបញ្ហាប្រឈ​មរបស់​ប្រជាព​លរដ្ឋនៅក្នុងស្រុកថ្មពួក ដែល​បានលើកឡើង ក្នុងវេទិកា​ផ្សព្វផ្សាយ និងពិគ្រោះយោបល់ របស់​ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

បញ្ជូ​នខ្លួន​ថៅ​កែ​ដេប៉ូ​បូម​ខ្សាច់ នៅ​គល់​ស្ពាន​ព្រែក​សំ​រោងម្នាក់ ទៅតុលាការ​ភ្នំពេញ ពាក់ព័ន្ធ​បទ​ល្មើ​ស មិន​បំពេញ​កាតព្វកិច្ច​ ចំពោះ​ឧបករណ៍​​ដែល​អាច​ជួញដូរ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ២នាក់ ពាក់ព័ន្ធ​ករណីគ្រឿង​ញៀន (ឆន្ទៈកូនខ្មែរ)

ព័ត៌មានគួរចាប់អារម្មណ៍

គ្រឿងសម្អាងក្លែងក្លាយ និងសម្ភារបរិក្ខារពេទ្យគ្មានច្បាប់អនុញ្ញាតរាប់តោន ត្រូវបានសមត្ថកិច្ចចុះបង្ក្រាប (ឆន្ទះកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
7875 នាក់
ម្សិលមិញ :
12210 នាក់
សប្តាហ៍នេះ :
63562 នាក់
ខែនេះ :
279954 នាក់
3 ខែនេះ :
710381 នាក់
សរុប :
3792817 នាក់