ប្រធានស្តីទីសភាពាណិជ្ជកម្ម ខេត្តបន្ទាយមានជ័យ នឹងព្យាយាមរកមុខរបអ្វីដែលថ្មី ដែលរីកចំរើនឲ្យទាន់ប្រទេសជិតខាង នឹងគ្រោងបញ្ជូនសហក្រិនទៅរៀនបន្ថែមនៅតាមបណ្តាលប្រទេសជិតខាងដើម្បីយកបច្ចេកទេសថ្មីៗមកអនុវត្តបន្ថែម
ខេត្តបន្ទាយមានជ័យ៖ក្នុងឱកាសអញ្ជើជាអធិបតីក្នុងពិធីបើកសម្ភោធលក់ជាផ្លួវការរបស់ហាងឈ្មោះ«ធីមថមសាខាទី១១»នៅចំណុចខាងមុខឃ្លោងទ្វាវត្តត្រាច ស្ថិតនៅក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ នៅព្រឹកថ្ងៃទី២១ ខែមករា ឆ្នាំ២០២១ លោក ហ៊ុយ ឡេង ប្រធានស្តីទីសភាពាណិជ្ជកម្មខេត្តបន្ទាយមានជ័យ បានសម្តែងការកោតសសើរចំពោះក្រុមសហក្រិតវ័យក្មេង ដែលបានរួមគ្នាបង្កើតដូចជាៈអាហារដ្ឋាន ផ្នែកអចលនទ្រព្យ ផ្នែកខាងម៉ាត ខាងលក់ខោអាវ -ល- ដើម្បីឲ្យប្រជាពលរដ្ឋយើងមានការងារធ្វើមិនចំបាច់ចំណាក់ស្រុក។ជាក់ស្តែងដូចជាថ្ងៃនេះជាដើមសហក្រិនបានសហការគ្នាបង្កើតហាងសាខាទី១១នៅក្រុងប៉ោយប៉ែត ហើយលោកសង្ឃឹមថា ខេត្តបន្ទាយមានជ័យនឹងមានការរីចំរើនទាន់សម័យកាលប្រទេសជិតខាង ហើយក្នុងនាមលោកដំណាងឲ្យសភាពាណិជ្ជកម្មខេត្ត នឹងព្យាយាមរកមុខរបអ្វីដែលថ្មីនិងរីកចំរើនឲ្យទាន់ប្រទេសជិតខាងរបស់យើង ថែមទាំងមានឱកាស និងពេលវេលាបញ្ជូនសមាជិក សហក្រិនយើមួយចំនួនទៅរៀនបន្ថែមនៅតាបណ្តាលប្រទេសជិតខាង ដើម្បីយកបច្ចេកទេសថ្មីៗមកអនុវត្តនៅក្នុងប្រទេសយើងផងដែរ។
លោក ឈឿង ឈីវអៀន ប្រធាន សមាគមសហក្រិនវ័យក្មេងកម្ពុជា សាខាខេត្តបន្ទាយមានជ័យ បានមានប្រសាសន៍ថា សហក្រិនវ័យក្មេងខេត្តបន្ទាយមានជ័យបង្កើតឡើងក្នុងឆ្នាំ២០១៨ ដោយមានសមាជិកសរុបបច្ចុប្បន្ន៤៥នាក់ នៃការប្រមូលផ្ដុំគ្នាជាសហក្រិនទាំងអស់ក្នុងខេត្តបន្ទាយមានជ័យ ដើម្បី ធ្វើយ៉ាងឲ្យការរកស៊ីសម័យក្មេងៗជំនាន់ក្រោយឱ្យមានការចូលរួមសហការគ្នា និងឱ្យមានការចូលរួមពង្រីកអាជីវកម្មរួមគ្នា និងជាពិសេសឆ្លើយតបទៅនឹងការវិវត្តន៍សង្គមនៃការប្រកួតប្រជែង ដោយបច្ចុប្បន្នកាលការធ្វើអាជីវកម្មរបស់សហក្រិនវ័យក្មេងមានការផ្លាស់ប្ដូរពីលក្ខណៈគ្រួសារមកចងក្រងជាសមាជិក ហើយសហក្រិនវ័យក្មេងពង្រីកហាងសាខាបានចំនួន១២សាខា ក្នុងប្រទេស ព្រមទាំងមាននៅក្រៅប្រទេសទៀតផង។
លោកបញ្ជាក់ថា សហគ្រិននិងសភាពាណិជ្ជកម្ម ជាវិស័យឯកជនបានន័យថា យើងជាជ្រុងមួយនៃការអភិវឌ្ឍន៍សេដ្ឋកិច្ចជាតិ រាជរដ្ឋាភិបាលជាតំណាងវិស័យសាធារណៈជួយជំរុញក្នុងការលើកទឹកចិត្តចំពោះវិស័យឯកជនក្នុងការធ្វើអាជីវកម្ម។
លោកទូច សុខា ប្រធានក្រុមប្រឹក្សាភិបាលក្រុមហ៊ុន បានឲ្យដឹងដែរថា ក្នុងសម័យកូវីដនេះសហក្រិនត្រូវចំណាយកញ្ចប់ថវិកាបង្កើតអ្វីដែលថ្មីៗ ដើម្បីឲ្យប្រជាពលរដ្ឋយើងមានការងារធ្វើ។ចំពោះសមិទ្ធផលសមាជិកសហក្រិនខិតខំបង្កើតBrand Name ដែលផ្តោតសំខាន់ទៅលើស្តង់ដារ គុណភាព ការវិចខ្ចប់ និងសេវាកម្ម។លោកបញ្ជក់ទៀតថា នៅក្នុងហាងដែលកំពុងដាក់លក់នៅគ្រប់សាខាទាំងប្រទេសគឺមានផលិតផលច្រើនដូចជាៈភេទជ្ជៈ មីហឹរ ភីហ្សា បឺហ្គឺ -ល- និងមានរៀបចំពិធីខួបកំណើត ព្រមទាំងមានបន្ទប់ប្រជុំ បន្ទប់ពិភាក្សា ហើយគ្រោងនឹងបន្ថែមនូវផលិតផលផ្សេងៗជាច្រើនទៀតផងដែរ៕
