ថ្ងៃទី២៩ ខែមករា ឆ្នាំ២០៥០
គេហទំព័រកំពុងសាកល្បង
ឯកឧត្តម គួច ចំរើន អញ្ជើញសំ​ណេះសំណាល និងនាំយកអំ​ណោយចែកជូនប្រជាពលរដ្ឋក្រីក្រ និងចាស់ជ​រាគ្មានទីពឹង នៅក្នុង​បរិវេណវត្តអូរចំណារ
Sat,27 November 2021 (Time 02:56 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 29នាក់)


ខេត្តព្រះសីហនុ៖ឯកឧត្តម គួច ចំរើន អភិបា​ល នៃគណៈអភិបាលខេត្តព្រះសីហនុ កាលពី​រសៀ​លថ្ងៃ​ទី២៦ ខែវិច្ឆិកា ឆ្នាំ២០២១ បានដឹកនាំ​ក្រុមការងារ​អញ្ជើញសំណេះសំណាល និងនាំយកអំ​ណោយរប​ស់សម្តេចតេជោ នាយករដ្ឋមន្ត្រី នៃកម្ពុជា ចែកជូនប្រជាពលរដ្ឋក្រីក្រ និងចាស់​ជរាគ្មានទី​ពឹង ចំនួន១៨៤នាក់មកពី៧ឃុំ រួមមាន៖ឃុំបិតត្រាំង,ឃុំរាម,ឃុំអូរឧកញ៉ាហេង,ឃុំបឹងតាព្រហ្ម​,ឃុំអូរជ្រៅ,ឃុំព្រៃនប់និងឃុំទួលទទឹង។

នាឱកាសនោះឯកឧត្តម អភិបាលខេត្ត បានមានប្រសាសន៍ពាំនាំនូវការផ្តាំផ្ញើសួរសុខទុក្ខ និងសេ​ចក្តីនឹករលឹកពីសម្តេចតេជោ នាយករដ្ឋមន្ត្រី ជូនចំ​ពោះប្រជាប្រជាពលរដ្ឋក្រីក្រ និងចាស់​ជរាគ្មាន​ទីពឹងនៅស្រុកព្រៃនប់។សម្តេចតេជោ បានធ្វើការណែនាំឱ្យ​អាជ្ញាពិនិត្យមើ​លប្រជាពល​រដ្ឋដែលមា​នអាយុច្រើន និងមានជីវភាពខ្វះ​ខាត ដោយសា​រតែអា​កាសធាតុចុះត្រជាក់នៅដើមខែធ្នូខាងមុខ វាអា​ចជាការកំរាមកំ​ហែងដល់សុខភាព។ ជារៀ​ងរាល់ឆ្នាំ​នៅពេលចុះខ្យល់ត្រជា​ក់ប្រជាពលរដ្ឋ មានការឆ្លងនូវ​ជំងឺផ្តាសាយ ក៏ប៉ុន្តែនៅឆ្នាំ​កន្លងទៅ ក៏ដូចជាឆ្នាំនេះកម្ពុជា និងពិភព​លោកមា​នការគំរាម​កំហែងពីជំងឺកូវីដ-១៩ ជាពិ​សេសនៅពេលអាកា​សធាតុចុះត្រជាក់ គឺពិ​បាកក្នុង​ការគ្រប់​គ្រងជំងឺកូវីដ-១៩។ម្យ៉ាងឆ្នាំនេះ បើតាមកា​រព្យាករណ៍ មានការ​ចុះត្រជាក់ជាងឆ្នាំកន្លងមក ទើបស​ម្តេចតេជោ បានធ្វើការណែនាំដល់អាជ្ញាធ​រត្រូវយកអាវរងា និងភួយ ចែកជូនចាស់ជរា និងប្រជា​ពលរដ្ឋក្រី​ក្រនៅតាមមូលដ្ឋាន ដើម្បីប្រើប្រា​ស់រក្សាកំដៅ ទប់ទល់នឹងភាពត្រជាក់។

ក្នុងនោះឯកឧត្តមអភិបាលខេត្ត ក៏បានថ្លែងកោតសរសើរអាជ្ញាធរភូមិ ឃុំ ក្រុមប្រឹក្សាឃុំ គណៈអភិ​បាលស្រុក ដែលពួកគាត់​នៅ​ជាប់ជាមួយបងប្អូនប្រជា​ពលរដ្ឋ នៅក្នុងមូលដ្ឋាន និងស្វែ​ងយល់ពី​ការលំបាក និងភាពខ្វះខាតរប​ស់លោកតា លោកយាយគ្រប់ពេលវេលា សូមលោកតា លោកយា​យគាំទ្រដល់​ពួកគាត់ ដើម្បីគា​ត់មានលទ្ធភាពបម្រើបងប្អូនបន្តទៀត។ព្រមទាំងបា​នអំពា​វនាវ​លោកតា លោកយាយ ត្រូវថែទាំ​សុខភាព នៅពេ​លអាកាសធាតុចុះត្រជាក់ ដោយកុំ​ឱ្យឆ្លង​ជំងឺកូវីដ ,កុំឱ្យឆ្លងជំងឺ​ផ្តាសាយ និងត្រូវពា​ក់ម៉ាស លាងសម្អាតដៃឱ្យបានញឹ​កញាប់ជាមួយសាប៊ូ ជែល អាល់កុល រក្សាគម្លាតសុវត្ថិភាព ជាការសំខាន់ស​ម្រាប់ខ្លួនយើង ក្រុមគ្រួសារ កូន ចៅមាន​សុខភាពល្អ។

អំណោយស​ម្តេចតេជោផ្តល់ជូនប្រជាពល​រដ្ឋក្រីក្រ និងចាស់​ជរាគ្នានទីពឹងចំនួន១៨៤នាក់ មកពី​ឃុំទាំង៧ ក្នុងស្រុកព្រៃនប់ រួម​មាន៖ ​អាវរងា០១ ភួយ០១ ក្រម៉ា០១ ​តែ០៦កញ្ចប់ ស្កស​ ១គីឡូក្រាម ទឹកគោខាប់០៦កំប៉ុង នំ ០១ប្រអប់ និងថវិកា ៥ម៉ឺនរៀលផងដែរ៕

ព័ត៌មានគួរចាប់អារម្មណ៍

ឯកឧត្តម គួច ចំរើន ដឹកនាំកិច្ចប្រជុំពន្លឿនការផ្តល់សេវា នៅច្រកចេញចូលតែមួយខេត្ត ក្រុង ស្រុក (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពិធីសំណេះ​សំណាលជាមួយមន្ត្រីរាជការ នៃមន្ទីរ​សុខាភិបាលរ​ដ្ឋបាលខេត្តកំពង់ចាម (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តម សុខ លូ និងលោកជំទាវ អញ្ជើញសំណេះសំណាល និងនាំយក​អំណោយ​របស់​សាខាកា​កបាទក្រហ​មកម្ពុជាខេត្តបាត់​ដំបង ចែកជូនប្រជាពលរដ្ឋ​ដែលមានជីវភាពខ្វះខាតចំនួន២៥៤ នៅក្នុងស្រុកថ្មគោល (ឆន្ទៈកូនខ្មែរ)

ព័ត៌មានគួរចាប់អារម្មណ៍

នគរបាលប្រឆាំង​គ្រឿងញៀន បង្រ្កាបមុខ​សញ្ញាជួញដូរ និងប្រើប្រាស់គ្រឿងញៀន ដោយ​ឃាត់ជនសង្ស័​យប្រុស ស្រី០៣​នាក់ នៅក្រុងសិរីសោភ័ណ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ពិធីចែកប័ណ្ណ​សរសើរ និងប្រគល់រង្វា​ន់លើកទឹកចិត្តជូនដល់សិស្សានុ​សិស្ស ដែលបានប្រឡងជាប់ សញ្ញា​បត្រមធ្យមសិក្សាទុតិយភូមិ ក្នុងឆ្នាំសិក្សា ២០២០-២០២១ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
38606 នាក់
ម្សិលមិញ :
8046 នាក់
សប្តាហ៍នេះ :
90704 នាក់
ខែនេះ :
331985 នាក់
3 ខែនេះ :
885413 នាក់
សរុប :
6983889 នាក់