ការប្រមូលផលស្រូវ របស់ប្រជាកសិករឆ្នាំនេះ បានល្អប្រសើរជាងឆ្នាំទៅមិញ ប៉ុន្តែទាស់តម្លៃជី និងការជួលម៉ាស៊ីនច្រូតថ្លៃ ដោយសាកត្តាប្រេងឡើងថ្លៃ
ខេត្តបន្ទាយមានជ័យ៖ការប្រមូលផលស្រូវរបស់ប្រជាកសិករ សម្រាប់ខេត្តបន្ទាយមានជ័យ ពិសេសស្រុកម៉ាឡៃតែម្តង បានល្អប្រសើរជាងឆ្នាំទៅមិញ បើទោះបីទឹកជំនន់បានវាយប្រហាបណ្តាល ឲ្យជនលិចយ៉ាងណាក្តី រីឯតម្លៃវិញបើប្រៀបធៀបឆ្នាំទៅមិញ គឺមិនជាងគ្នាប៉ុន្មាននោះដែល។
ប្រជាកសិករ បានឲ្យដឹងថា សម្រាប់ទិន្នផលស្រូវដែលប្រមូលបានឆ្នាំនេះ បានផលច្រើនជាងឆ្នាំទៅមិញ ដោយសារទឹកជំនន់ជនលិចមិនបានយូ ដោយលិចបន្តិចក៏ថយទៅវិញ ប៉ុន្តែទាស់តែតម្លៃជី និងការជួលម៉ាស៊ីនច្រូតថ្លៃ ដោយសាកត្តាប្រេងឡើងថ្លៃ។
ពួកគាត់បញ្ជាក់ថា ទោះបីជាឆ្នាំនេះ ការប្រមូលផលបានច្រើន ជាងឆ្នាំទៅមិញក៏ពិតមែន ក៏ប៉ុន្តែការចំណាយទៅលើជី ,ឈ្នួលភ្ជួរ រាស់ គឺថ្លៃជាងឆ្នាំទៅមិញ សម្រាប់ជីក្នុងមួយការរ៉ុង១១០០បាត(ប្រាក់ថៃ) គិតជាប្រាក់រៀល ស្មើ១៣៦,៤០០រៀល ឯឆ្នាំទៅមិញត្រឹមតែ៩០០បាត តែប៉ុណ្ណោះក្នុងមួយការរ៉ុង។ដោយឡែកសម្រាប់ ឈ្នួលច្រូតវិញថ្លៃជាងឆ្នាំទៅមិញ ដោយសារតែប្រេងឡើងថ្លៃ។
ចំពោះតម្លៃវិញ បើតាមឈ្មួញកណ្តាលបានឲ្យដឹងថា តម្លៃស្រូវមិនជាងឆ្នាំទៅមិញនោះទេ គ្រាន់តែឆ្នាំទៅមិញមិនសូវមានស្រូវទិញ ឯឆ្នាំនេះប្រជាកសិករដាំដុះប្រមូលផលបានច្រើនជាងឆ្នាំទៅមិញ ដោយដើមដៃស្រូវប្រភេទរំដួលល្អ និងម្លិស ស្រូវស្រស់ប្រភេទលេខ១ ក្នុងមួយតោន ៨៥០០បាត(ប្រាក់ ថៃ) គិតជាប្រាក់រៀល ស្មើនឹង១,០៥៤,០០០រៀល,លេខ២ ក្នុងមួយតោន ៧៨០០បាត និងលេខ៣ ក្នុង មួយតោន៦៥០០បាត។ដោយឡែក សម្រាប់ស្រូវដែលហាលស្ងួតវិញប្រភេទលេខ ១ ក្នុងមួយតោនតម្លៃ ១០៥០០បាត ,ប្រភេទលេខ២ ក្នុងមួយតោន ៩៥០០ បាត និងប្រភេទលេខ៣ ក្នុងមួយតោន ត្រឹមតែ៧០០ ០បាតចុះក្រោម៕
.jpg)
.jpg)
.jpg)