ពិធីបិទបញ្ចប់យុទ្ធនាការចាក់វ៉ាក់សាំងការពារជំងឺកូវីដ១៩ ជុំទី១ ជូនប្រជាពលរដ្ឋ ដែលមានអាយុ១៨ឆ្នាំឡើងទៅ
ខេត្តបន្ទាយមានជ័យ៖យុទ្ធនាការចាក់វ៉ាក់សាំងការពារជំងឺកូវីដ ១៩ ជុំទី១ ជូនប្រជាពលរដ្ឋដែលមាន អាយុ ១៨ឆ្នាំ ឡើងទៅ នៅក្នុងភូមិសាស្ត្រខេត្តបន្ទាយមានជ័យ ត្រូវបានប្រកាសបិទបញ្ចប់ នៅព្រឹក ថ្ងៃទី១៤ ខែតុលា ឆ្នាំ២០២១ ក្រោមអធិបតីភាព លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខ័ណ្ឌ ទូទាំងប្រទេស និងឯកឧត្តម អ៊ុំ រាត្រី អភិបាលនៃគណៈអភិបាលខេត្ត។
នាឱកាសនោះដែរឯកឧត្តម អ៊ុំ រាត្រី អភិបាលខេត្តបានមានប្រសាសន៍ សង្ខេបស្ដីពីលទ្ធផលការងារ នៃគណៈកម្មការខេត្តប្រយុទ្ធជំងឺកូវីដ១៩ ក្នុងយុទ្ធនាការចាក់វ៉ាក់សាំងជូនដល់ប្រជាពលរដ្ឋអាយុ១៨ ឆ្នាំឡើងក្នុងផែនការ៥២៩,៦៨១នាក់ ចាក់បានចំនួន៤០៤ ,៤៨៤នាក់ ស្មើនឹង៧៦,៣៦% ចាក់ លើក ទី ២ បាន៣២៦ ,៨១៥នាក់ និងចាក់លើកទី3 ដូសជំរុ ញបានចំនួន ១៧,៥៣០នាក់ស្រី៧,១០៣ នាក់។
ឯកឧត្តម អភិបាលខេត្ត បញ្ជាក់ថា ចាប់ពីមានការផ្ទុះរីករាលដាលក្នុងព្រឹត្តិការណ៍សហគមន៍ ២០ កុម្ភៈ ខេត្តបន្ទាយមានជ័យ គិតត្រឹមថ្ងៃទី១២ ខែតុលា ឆ្នាំ២០២១ រកឃើញអ្នកវិជ្ជមានចំនួន ២៧ ,៨៩៥ នាក់ស្រី ១៣,៨១៩នាក់ ជាសះស្បើយ ២៦,២៥២នាក់ស្រី ១៣,១៨៤ នាក់ នៅសល់វិជ្ជមានចំនួន ៨៨៦នាក់ស្រី ៤៨៨នាក់ កំពុងសម្រាកព្យាបាលនៅក្នុងមណ្ឌល។ដោយឡែក សម្រាប់អ្នកស្លាប់ដោយសារជំងឺកូវីដ១៩ សរុបចំនួន២៥០នាក់ស្រី ១៣៨នាក់ (ខ្មែរ ២៤៤នាក់ស្រី ១៣៥នាក់ និង ជនបរទេស ៦នាក់ ស្រី៣នាក់)។
ជាមួយគ្នានោះដែរលោកជំទាវ ឱ វណ្ណឌីន បានសំដែងនូវការកោតសរសើរដោយស្មោះចំពោះ អាជ្ញាធរគ្រប់ លំដាប់ថ្នាក់ ពិសេសក្រុមគ្រូពេទ្យ គ្រូពេទ្យស្ម័គ្រចិត្ត និងក្រុមគ្រូពេទ្យកងយុទ្ធពលខេ មរភូមិន្ទ ទាំងអស់ដែ លបានខិតខំយកចិត្តទុក ដាក់លើបញ្ហាជំងឺកូវីដ១៩ នេះ ចំណាយ ទាំងកម្លាំ ងកាយចិត្ត ទាំងយប់ទាំងថ្ងៃ ដើម្បីចូល រួមជួយកាត់បន្ថយ នៃ ការរីករាលដាលជំងឺឆ្លងកូវីដ១៩។
ទន្ទឹមនោះលោកជំទាវក៏បានធ្វើការផ្តាំផ្ញើដ ល់អាជ្ញាធរគ្រប់លំដាប់ថ្នាក់ បន្តការយកចិត្តទុក ដាក់គ្រប់គ្រងស្ថាន ភាពជំងឺកូវីដ១៩ ឱ្យបានជាប្រចាំនិងធ្វើការចុះអប់រំផ្សព្វផ្សាយ ណែនាំដល់ប្រជាពលរដ្ឋគ្រប់ស្រទាប់វណ្ណៈ ឲ្យបានជ្រាបច្បាស់ពីបញ្ហាជំងឺកូវីដ១៩នេះ៕
