មន្ត្រីសាខា ក.ប.ប. ខេត្តបន្ទាយមានជ័យ បន្តចុះពិនិត្យ និងដកហូតបានផលិតផលខូចគុណភាព និងហួសកាលបរិច្ឆេទប្រើប្រាស់ នៅតាមបណ្តាគេហដ្ឋាន និងតូបលក់ទំនិញ នៅក្រុងប៉ោយប៉ែត
ខេត្តបន្ទាយមានជ័យ៖នាព្រឹកថ្ងៃទី១៤ ខែតុលា ឆ្នាំ២០២១ មន្ត្រីសាខា ក.ប.ប. ខេត្តបន្ទាយមានជ័យ ដឹកនាំដោយលោក សាន វិជ្ជាសារ៉ាវុធ ប្រធាន សាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប)ខេត្តបន្ទាយមានជ័យ បានចុះត្រួតពិនិត្យនៅតាមបណ្តាគេហដ្ឋាន និងតូបលក់ទំនិញ ស្ថិតនៅផ្សារដើមពុទ្រា សង្កាត់/ក្រុងប៉ោយប៉ែត ខេត្តបន្ទាយមានជ័យ។
ជាលទ្ធផលមន្ត្រីជំនាញសាខា ក.ប.ប. ខេត្ត បានរកឃើញនិងដកហូតផលិតផល មិនអនុលោម ប្រែប្រួលខូចគុណភាព និងគ្មានកាលបរិច្ឆេទប្រើប្រាស់មានដូចជា៖
- មីកញ្ចប់តូចចម្រុះ ចំនួន ៨៧កញ្ចប់ ស្មើ ៧.៣៩គីឡូក្រាម
- មីកំប៉ុងចម្រុះ ចំនួន ៣៣០កំប៉ុង ស្មើ ១៩.៨គីឡូក្រាម
- មីកញ្ចប់ធំចម្រុះ ចំនួន ៩១កញ្ចប់ ស្មើ ១១.៨៣គីឡូក្រាម
- ទឹកផ្លែឈើកញ្ចប់ចម្រុះ ចំនួន ១៦កញ្ចប់ ស្មើ ២.៤គីឡូក្រាម
- ស្រាបៀ Black Panther ចំនួន ១កំប៉ុង ស្មើ ០.៣៣លីត្រ
- នំប្រៃតូច ចំនួន ១៤កញ្ចប់ ស្មើ ១.៥៤គីឡូក្រាម
- នំប្រៃធំ ចំនួន ០៧កញ្ចប់ ស្មើ ២.៥៧៦គីឡូក្រាម
- សណ្តែកដីបំពង ២១កញ្ចប់ ស្មើ ១.៥៤គីឡូក្រាម
- នំពោត ចំនួន ០៥កញ្ចប់ ស្មើ ០.២៨គីឡូក្រាម
- នំសូឡៃត៍ ចំនួន ១៩កញ្ចប់ ស្មើ ០.៣៤គីឡូក្រាម
- ភេសជ្ជៈ Vita Mill ចំនួន ០៥ដប ស្មើ ១.៦៥លីត្រ
- ទឹកដោះគោជូ ចំនួន ១៤ដប ស្មើ ១.៩៦លីត្រ
- ទឹកដោះគោក្រហម ចំនួន ០៤ប្រអប់ ស្មើ ១លីត្រ
- ទឹកដោះគោ Hi Q1 ចំនួន ០៥ដប ស្មើ ០.៩លីត្រ
- ទឹកដោះគោ Omega ចំនួន ០៣ដប ស្មើ ០.២៧លីត្រ
- ទឹកដោះគោ Dutch Mill ចំនួន ០១ដប ស្មើ ០.៥៣លីត្រ
- ទឹកបូទើយ ចំនួន ០៣ដប ស្មើ ០.៦លីត្រ សរុបមានចំនួន ៥៣.៤០១គីឡូក្រាម។
ជាមួយគ្នានោះដែរលោក សាន វិជ្ជាសារ៉ាវុធ បានអំពាវនាវដល់ក្រុមអាជីវករ នៅពេលទិញទំនិញយកមកដាក់តាំងលក់ ត្រូវពិនិត្យគុណភាព និងកាលបរិច្ឆេទប្រើប្រាសឲ្យបានត្រឹមត្រូវ ជៀសវាងប្រជាពលរដ្ឋទិញយកទៅបើប្រាសមិនបានពិនិត្យប៉ះចំទំនិញ ពិសេសចំណីអាហារខួចគុណភាព និងហួសកាលបរិច្ឆេទប្រើប្រាសជាហេតុធ្វើឲ្យប៉ះពាល់ដល់សុខភាព ព្រមទាំងខាតបង់នូវថវិការផងដែរ៕