សម្រាប់ខេត្តបន្ទាយមានជ័យ ចាប់ពីថ្ងៃកើតជំងឺកូវីដ.១៩ ដល់ថ្ងៃទី១១ ខែតុលា ឆ្នាំ២០២១នេះមានអ្នកស្លាប់ដោយសារជំងឺនេះមានចំនួន២៤៥នាក់ ក្នុងនោះមានស្រី១៣៥នាក់
ខេត្តបន្ទាយមានជ័យ៖សម្រាប់ក្នុងខេត្តបន្ទាយមានជ័យ ចាប់ផ្តើមកើតជំងឺកូវីដ.១៩ រហូតមកដល់ ថ្ងៃទី១១ ខែតុលា ឆ្នាំ២០២១នេះ មានអ្នកស្លាប់ដោយសារជំងឺកូវីដ.១៩នេះមានចំនួន២៤៥នាក់ ក្នុងនោះមានស្រី១៣៥នាក់ ហើយក្នុងនោះមានខ្មែរចំនួន២៣៩នាក់ ស្រី១៣២នាក់ ជនជាតិថៃ៣នាក់ ស្រី២នាក់ ជនជាតិឥណ្ឌូនេស៊ី៣នាក់ ស្រី១នាក់។នេះបើតាមការអះអាងរបស់ លោកអោម ចន្ថា អភិបាលរងខេត្តបន្ទាយមានជ័យ និងជាប្រធាន អនុកម្មកាបូជាសពកូវីដ.១៩។
លោកអភិបាលរងខេត្ត បន្តថា ក្នុងនោះមានកន្លែងមណ្ឌលចត្តាឡីស័កមានចំនួន២២កន្លែង សំរាប់ព្យាអ្នកកើតជំងឺកូវីដ.១៩ ក្នុងព្រឹត្តិការណ៍ ២០កុម្ភះ និងពលករដែលបានវិលមកពីស្រុកថៃវិញកំពុងសំរាកព្យាបាលនៅក្នុងមណ្ឌលទាំងអស់នេះ។
លោកបញ្ជាក់ថា ក្នុងខេត្តបន្ទាយមានជ័យ មានមណ្ឌលសំរាប់ព្យាបាលអ្នកកើតជំងឺកូវីដ.១៩ ធំ មាន៣កន្លែង
ទី-១ ទីតាំងក្នុងភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ដែលជាអតីតគម្រោងរោងចក្រមួយមានផ្ទៃដី២ហិចតា ក្នុងនោះផ្ទៃអគារ ១,២ ហិចតា ដែលអាចដាក់ចំណុះអ្នកជំងឺបានចំនួន៣.០០០ នាក់។
ទី-២ នៅគម្រោងផ្សារ អ៊ឹង វណ្ណ ម៉ៅ ចម្ការតាដោក នៅភូមិចម្ការតាដោក ឃុំឬស្សី ក្រោក ស្រុកមង្គលបូរី ដែលអាចដាក់ ចំណុះអ្នកជំងឺបានចំនួន ៣.០០០ នាក់ដែរ និងទី-៣ កំពុងតែធ្វើជិតរួចហើយមណ្ឌលចត្តាឡីស័កសម្រាប់ដាក់បងប្អូនពលករ ៣.០០០នាក់ នៅទីតាំងភូមិកូបធំ សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។មណ្ឌលសំរាប់ព្យាបាលអ្នកកើតជំងឺកូវីដ.១៩ ធំទាំង៣កន្លែងខាងលើនេះនៅពេលខាងមុខ និងប្រមូលអ្នកកើតជំងឺកូវីដ.ទាំងអស់ដាក់ក្នុងមណ្ឌលទាំង៣នេះសំរាប់មើលថែទាំស្រួល ពិសេសយកសាលាប្រគល់ទៅឲ្យប្រធានមន្ទីរអប់វិញសំរាប់ឲ្យសិស្សានុសិស្សចូលរៀននៅពេលខាងមុខ ពិសេសក្នុងក្រុងសិរីសោភ័ណ និងស្រុកមង្គលបូរី។
លោកអភិបាលរងខេត្តបញ្ជាក់ទៀតថា អ្នកស្លាប់ដោយសារជំងឺកូវីដ .១៩ ទាំងអស់ត្រូវបានលោកអាចារ្យខេត្តធ្វើការបូជារួចរាល់អស់ហើយសព្វថ្ងៃនេះ សពអ្នកកើតជំងឺកូវីដ.១៩ ឯកឧត្តមអភិបាលខេត្តបានអនុញ្ញាតឲ្យរៀបចំបូជាសព ទៅតាមលក្ខណៈបច្ចេកទេសនៃការណែនាំរបស់ក្រសួងសុខាភិបាល និងការកំណត់របស់រដ្ឋ យកទៅបូជាដោយធ្វើការតម្កល់ធ្វើបុណ្យសពតាមប្រពៃណីក្នុងនោះក៏បាននិមន្តលោកសង្ឃធ្វើការសូត្រមន្ត បង្សុគោលឲ្យផងដែ នៅភ្នំបាក់ សង្កាត់ទឹកថ្លា ក្រុងសិរីសោភ័ណតែម្តង៕
.jpg)
.jpg)