ឆ្លងចរន្តពីអាគុយ ឆក់ធ្លាក់ពីលើទូក លក់ទឹកស្លាប់ នៅស្រុកខ្សាច់កណ្តាល
ខេត្តកណ្ដាល៖សពបុរសម្នាក់ ដែលស្លាប់ដោយសារឆ្លងចរន្តពីអាគុយឆក់ធ្លាក់ពីលើទូកលក់ទឹកស្លាប់យ៉ាងអាណោចអធម៌ បន្ទាប់ពីនាំក្មួយទៅរាវខ្ចៅកាលពីវេលាម៉ោង១៥និង០០នាទី ថ្ងៃព្រហស្បត្តិ៍ ១២កើត ខែ អាសាឍ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី០២ ខែកក្កដា ឆ្នាំ២០២០នោះបានរកឃើញហើយ នៅដងទន្លេមេគង្គ ស្ថិតនៅភូមិព្រែកក្របៅទី១ ឃុំព្រែកអំពិល ស្រុងខ្សាច់កណ្តាល ខែត្តកណ្តាល។
បើតាមសមត្ថកិច្ចបានឲ្យដឹងថា ជនរងគ្រោះមានឈ្មោះ ហេង បញ្ញារ៉ុង ភេទប្រុស អាយុ៣៣ឆ្នាំ ជនជាតិខ្មែរ មុខរបរ រកខ្ចៅ មានទីលំនៅ ភូមិ២ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ(ស្លាប់)។
សមត្ថកិច្ចបញ្ចាក់ថា នៅក្នុងអំឡុងខែ៤ឆ្នាំ២០២០ ឈ្មោះ ហេង បញ្ញារ៉ុង និងភរិយា រួមជាមួយកូន០២នាក់មកស្នាក់នៅភូមិឃ្លាំងមឿងជើង ឃុំព្រែកអំពិល មកនៅផ្ទះរបស់ខ្លួនដែលទើបតែទិញ។លុះដល់ថ្ងៃទី០២ ខែកក្កដា ឆ្នាំ២០២០ វេលាម៉ោង១៣និង០០នាទីឈ្មោះ ហេង បញ្ញារ៉ុង និងក្មួយខ្លួនឈ្មោះ ឈឿន ឆេង ភេទ ប្រុសអាយុ១៩ឆ្នាំ និងឈ្មោះ ឈឿន ហេង ភេទប្រុស អាយុ១៥ឆ្នាំ នៅភូមិឃ្លាំងមឿងជើង ឃុំព្រែកអំពិល បាននាំគ្នាទៅវាវរកខ្ចៅ និងលៀសនៅចំណុច ចុងកោះតាង ភូមិព្រែកអំពិលរហូតដល់វេលាម៉ោង១៤និង៣០នាទីដល់ម៉ោង១៥និង០០នាទី ដោយឃើញមេឃមានសភាពងងឹតរកភ្លៀងបានាំគ្នា បើកទូកមកផ្ទះវិញ ពេលបើកមកត្រឹមភូមិព្រែកក្របៅទី១ ឃុំព្រែកំពិល ស្រាប់តែមានខ្យល់រលកខ្លាំង ដោយទូកជនរងមានអាគុយ១គ្រឿងសំរាបដេបញ្ឆេះម៉ាស៊ីន ពេលត្រូវទឹកភ្លៀងមានចរនភ្លើងឆ្លងពីអាគុយទៅដុំដេ បណ្តាលឲ្យឆក់ជនរងគ្រោះ ពេលនោះជនរងគ្រោះយកដៃទះដង្គៀបអាគុយ ដង្កៀបខ្ទៀតត្រូវដើមទ្រូងជនរងគ្រោះ ពេលនោះជនរងគ្រោះក៏ធ្លាក់លើទូកចូលក្នុងទឹកលេចបាត់តែម្តង។
បន្ទាប់មកក្មួយៗនាំគ្នារកមិនឃើញ ក៏បើកទូកមកផ្ទះប្រាប់ក្រុមគ្រួសារជួយរក រហូតដល់វេលាម៉ោង១៨និង១៥នាទីរកមិនឃើញទើបមកប្តឹងសមត្ថកិច្ចឲ្យជួយរក។លុះដល់វេលាម៉ោង១៨និង៣០នាទី ថ្ងៃទី០៣ ខែកក្កដា ឆ្នាំ២០២០ បានរកឃើញសពជនរងគ្រោះ។
សមត្ថកិច្ចជំនាញការិយាល័យបច្ចកទេសវិទ្យាសាស្ត្រ ខេត្តសហការជាមួយកម្លាំងជំនាញស្រុក ប៉ុស្តិ៍ ក្រុមប្រឹក្សាឃុំ មេភូមិ គ្រូពេទ្យ ក្រុមគ្រួសាសពពិនិត្យឃើញថា សាកសព ហើមធុមខ្លិនស្អុយពោះតឹង មានទឹក និងឈាមហូរចេញតាមមាត់ ក្រចុះធ្មេញខាំអណ្ដាត ក្រៅពីនេះពុំមានស្លាកស្នាមអ្វីគួរឲ្យកត់សម្គាល់ទេ។
ពាក់ពន្ធ័បញ្ហានេះសមត្ថកិច្ចសន្និដ្ឋានថា សាកសពជនរងគ្រោះស្លាប់ដោយសារលង់ទឹក ក្រោយពេលពិនិត្យរួច បានប្រគល់សាកសពឲ្យ ក្រុមគ្រួសារយកទៅធ្វើបុណ្យតាមប្រពៃណី៕
