ឃាត់ខ្លួនជនសង័្សយ០១នាក់ ពាក់ពន្ឋ័ករណីលួចម៉ូតូ នៅស្រុកថ្មគោល
ខេត្តបន្ទាយមានជ័យ៖ដោយអនុវត្តតាមមតិដឹកនាំរបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងអនុវត្តតាមយោបល់ណែនាំជំនាញពីលោកវរសេនីយ៍ទោ លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ កាលពីពីថ្ងៃពុធ ៩កើត ខែ ស្រពណ៍ ឆ្នាំជូតទោស័ក ព.ស.២៥៦៤ ត្រូវនឹងថ្ងៃទី២៩ ខែកក្កដា ឆ្នាំ២០២០ លោកវរសេនីយ៍ឯក ផង់ សុភាព អធិការនគរបាលស្រុកថ្មគោល ដឹកនាំសហការណ៍ជា មួយសមត្ថកិច្ចនគរបាលខេត្តបន្ទាយមានជ័យ ធ្វើការឃាត់ខ្លួនជនសង័្សយបាន០១នាក់ ពាក់ពន្ឋ័ករណីលួចម៉ូតូ មួយគ្រឿងពីមូលដ្ឋានស្រុកថ្មគោលកាលពីថ្ងៃទី២៨ ខែកក្កដា ឆ្នាំ២០២០។
កិច្ចប្រតិបត្តិការនេះធ្វើឡើង ក្រោយពីសមត្ថកិច្ចនគរបាលស្រុកថ្មគោល ទទួលបណ្តឹងពីជនរងគ្រោះឈ្មោះ គង់ សុខ ភេទស្រីអាយុ៤១ឆ្នាំរស់នៅភូមិថ្មី ឃុំបន្សាយត្រែង ស្រុកថ្មគោលខេត្តបាត់ដំបង ប្តឹងពីករណីចោរលួចយក ម៉ូតូរបស់ខ្លួនដែលទុកនៅខាងក្រោយផ្ទះ។
សមត្ថកិច្ចបានឲ្យដឹងថា ជនសង័្សយមានឈ្មោះ សន រដ្ឋា ហៅ តឿ ភេទប្រុស អាយុ២៩ឆ្នាំ រស់នៅក្នុងមូលដ្ឋានជាមួយគ្នា។ម៉ូតូដែលយកទៅនោះម៉ាកHonda C១២៥ ស៊េរីឆ្នាំ ២០១៣ពណ៌ខ្មៅពាក់ស្លាកលេខបាត់ដំបង 1O-5082លេខតួលេខ ម៉ាស៊ីន ND125 ME 8862559។
សមត្ថកិច្ចបញ្ជាក់ថា៖បន្ទាប់ពីទទួលបានពាក្យបណ្តឹងនេះ និងឆ្លងតាម រយៈកិច្ចប្រតិបត្តិការជាមួយសមត្ថកិច្ចនគរបាលខេត្តបន្ទាយ មានជ័យរួចមក នៅថ្ងៃទី២៩ ខែកក្កដា ឆ្នាំ២០២០ សមត្ថកិច្ចនគរបាលស្រុកថ្មពួក ខេត្តបន្ទាយមានជ័យបានធ្វើការឃាត់ខ្លួនជនស័ង្សយខាងលើក្នុងពេលដែលជនសង័្សយរូបនេះ កំពុងជិះម៉ូតូរបស់ជនរងគ្រោះ នៅចំណុចច្រកតំបន់បឹងត្រកួន ស្ថិតក្នុងភូមិបន្ទាយមានរិទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ ។
ជាមួយនឹងការឃាត់ខ្លួននេះសមត្ថកិច្ចនគរបាលដកហូតបាន ម៉ូតូម៉ាកHonda C១២៥ ស៊េរីឆ្នាំ ២០១៣ពណ៌ខ្មៅពាក់ស្លាកលេខ បាត់ដំបង 1O -5082 កាំបិតផ្លែដែកដងដែកចំនួន០១ដើមប្រវែ ង០,៧០សង់ទីម៉ែត្រ ថ្នាំញៀនប្រភេទម៉ាទឹក កកចំនួន០១កូនថង់តូច ។
បច្ចុប្បន្នជនសង័្សយ រួមនិងវត្ថុតាងប្រគល់ជូនសមត្ថកិច្ចនគរបាលខេត្តបាត់ដំបង ដើម្បីចាត់ការបន្តតាមផ្លូវច្បាប់។រីឯម៉ូតូបានប្រគល់ជូនទៅជនរងគ្រោះ ដើម្បីបានប្រើប្រាស់វិញ៕
