រថយន្តដាច់ហ្វ្រាំធ្លាក់ចូលជម្រាលភ្នំ បណ្តាលឲ្យមនុស្សប្រុស ស្រីជិត១០នាក់ រងរបួសធ្ងន់ស្រាល
ខេត្តឧត្តរមានជ័យ៖ឧបទ្ទវហេតុគ្រោះថ្នាក់ចរាចរណ៍ដ៏រន្ធត់ លើកំណាត់ផ្លូវជាតិលេខ៦៧B ចន្លោះបង្គោលគីឡូម៉ែត្រលេខ១៣១-១៣២ ស្ថិតក្នុងភូមិជើងភ្នំ ឃុំត្រពាំងប្រីយ៍ ស្រុកអន្លង់វែង ខេត្តឧត្តរមានជ័យ កាលពីវេលាម៉ោង០៦និង១០នាទីព្រលប់ ថ្ងៃទី២១ ខែឧសភា ឆ្នាំ២០២០ ដោយសាររថយន្តដាច់ហ្វ្រាំធ្លាក់ចូលជម្រាលភ្នំ បណ្តាលឲ្យមនុស្សប្រុសស្រីជាច្រើននាក់ បានរងរបួសធ្ងន់ស្រាល និងរថយន្ត២គ្រឿងទៀតរងការខូចខាតធ្ងន់ធ្ងរ។
បើតាមមន្ត្រីនគរបាលចរាចរណ៍ស្រុកអន្លង់វែង បានឲ្យដឹងថា រថយន្តដែលរងការខូចខាតទាំងស្រុង ម៉ាកវីហ្គោ ពាក់ស្លាកលេខចង្កូតស្តាំ BB.0557 ពណ៌ខៀវ សេរីឆ្នាំ២០០៥ មានគ្នា៣នាក់រួមមាន៖
ទី១/ឈ្មោះ រុន ពូហេង ហៅឆុង ភេទប្រុស អាយុ២០ឆ្នាំ រងរបួសស្រាល
ទី២/ឈ្មោះ រុន លីនដា ភេទស្រី អាយុ៣០ឆ្នាំ រងរបួសធ្ងន់បែកប្រអប់ជើងខាងឆ្វេង
ទី៣/ឈ្មោះ យ៉េត ជ័យសេដ្ឋា ភេទប្រុស អាយុ១៨ឆ្នាំ មិនមានរបួសទេ អ្នកទាំង៣នេះ រស់នៅភូមិអ ណ្តូងថ្ម សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
ចំណែករថយន្តស្ទូចម៉ាកហ៊ីយ៉ាន់ដាយ ពណ៌ស សេរីឆ្នាំ១៩៩៩ ពាក់ស្លាកលេខភ្នំពេញ 3D.7408 ខូចខាតផ្នែកខាងមុខ មានគ្នាចំនួន៤នាក់ រួមមាន៖
ទី១-ឈ្មោះ ឆុន ចិន្តា ភេទប្រុស អាយុ៣២ឆ្នាំ ជាអ្នកបើកបរ រងរបួសស្រាល
ទី២-ឈ្មោះ ហ៊ីម ចន្ធូ ភេទប្រុស អាយុ៣០ឆ្នាំ (មិនមានរបួស)
ទី៣-ឈ្មោះ រុន ពូឈុន ភេទប្រុស អាយុ១៦ឆ្នាំ (មិនមានរបួស)
ទី៤-ឈ្មោះ ញិប ទូច ភេទប្រុស អាយុ២៨ឆ្នាំ (មិនមានរបួស)។
សមត្ថកិច្ចបានបញ្ជាក់ថា មុនពេលកើតហេតុគេបានឃើញរថយន្ត១គ្រឿង ម៉ាកវីហ្គោ បើកបរចុះពីលើភ្នំច្រកអន្តរជាតិជាំ លុះមកដល់កន្លែងកើតហេតុ ស្រាប់តែរថយន្តស្ទូចមួយគ្រឿង ដែលបើកពីក្រោយដាច់ហ្វ្រាំងក៏រុញរថយន្តវីហ្គោដែលបើកខាងមុខនោះ បណ្តាលឲ្យធ្លាក់ជម្រាលភ្នំទាំង២ បានធ្វើឲ្យរងរបួសធ្ងន់ស្រាល សំណាងល្អមិនមានអ្នកស្លាប់។
ក្រោយេពីកើតហេតុសមត្ថកិច្ចបានស្ទូចយកមធ្យោបាយទាំងអស់ ទៅរក្សាទុកដើម្បីរងចាំធ្វើការដោះស្រាយគ្នាជាក្រោយ៕
![]()
![]()
![]()