ពលរដ្ឋរស់នៅភូមិគគី ឃុំបិតត្រាំង ស្រុកព្រៃនប់ ដេកភ័យព្រួយ ព្រោះតែមានជនអនាធិបតេយ្យទៅអុកឡុក គោលបំណងរំលោភយកដីពួកគាត់
ខេត្តព្រះសីហនុ៖គួរអោយស្តាយការរស់ក្រោមដំបូល សន្តិភាពតែមួយយ៉ាងសុខសាន្ត ដែលសម្តេចពុកខំត្រួសត្រាយអោយប្រជាពលរដ្ឋ ត្រូវមន្ត្រីខិលខូចមួយចំនួន បានឃុបឃឹតគ្នាជាប្រពន្ធ័ បង្កើតរឿងមួលបង្កាច់ បង្ករបញ្ហាអោយប្រជាពលរដ្ឋដេកភ័យព្រួយ កើតទុក្ខក្តៅក្រហាយ មិនបានរស់សុខក្នុងតំបូល សន្តិភាពនេះទេ នៅចំណុចត្រពាំងព្រលឹតពយម៉ាចូវ ភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ ត្រូវបានមន្ត្រី យោធាម្នាក់ ឈ្មោះសុខ រដ្ឋថន រស់នៅភ្នំពេញ បានឃុបឃឹតគ្នាជាមួយ មេធាវីម្នាក់ ឈ្មោះ វីរៈ រស់នៅភ្នំពេញ ដែរកំពុងនាំគ្នាប្រឌិតរឿងមួលបង្កាច់ ធ្វើបាបប្រជាពលរដ្ឋជាង២០០គ្រួសារនៅចំណុចខាងលើ។
ក្នុងករណីនេះឈ្មោះទាំងពីរខាងលើបានប្រើរឯកសារសាលក្រម របស់តុលាការខេត្តព្រះសីហនុ នឹងសេចក្តីសំរេចរបស់រដ្ឋបាលខេត្តព្រះសីហនុ ដែលបានសម្រេចកាលពីថ្ងៃទី២៤ ខែមករា ឆ្នាំ២០១៩ យកមកគំរាមកំហែង កំរាមកំហែងពលរដ្ឋរស់នៅចំណុចខាងលើធ្វើអោយពួកគាត់ភ័យស្លន់ស្លោ កើតក្តីក្តៅក្រហាយ បាត់សេចក្តីសុខដែលរស់ក្នុងដំបូលសន្តិភាពអស់រលីង។
ដោយចាប់តាំងពីខែ០៣ ខែ០៤ ខែ៥ឆ្នាំ២០២០នេះ ក្រុមលោក សុខ រដ្ឋថន ជួលកំលាំងអាណាធិបតេយ្យ របស់ឈ្មោះសុខ សាន្ត ដែលនៅលក្ខខ្លួននៅចំណុចត្រពាំងព្រលឹត ពយម៉ាចូវ ភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុនេះ នឹងបានប្រម៉ូលមនុស្សមកពីខេត្តផ្សេងៗ សរុបប្រមាណជាង៣០០នាក់ ដែលសុទ្ធសឹងជាមនុស្សដែលប្រើប្រាស់គ្រឿងញៀន នឹងកាចសាហាវដូចចោរហារយ អោយមកធ្វើទុកបុកម្នេញប្រជាពលរដ្ឋរស់នៅក្នុងតំបន់នេះ អោយភ័យតក់ស្លុត គ្រួរសារខ្លះភ័យរហូរត់ចោលផ្ទះក៏មាន។
សកម្មភាពក្រុមអានាធិបតេយ្យ ដូចចោរហារយ ដែលប្រើប្រាស់គ្រឿងញៀនទាំងយប់ទាំងថ្ងៃនោះ ពួកគេបានយកតំបន់នោះជាតំបន់ពួកគេប្រើរប្រាស់គ្រឿងញៀនដោយសេរី ដោយគ្មានសមត្ថកិច្ចស្ថាប័ណ្ណណាអើពើរឡើយ។
ពួកគេបានធ្វើសកម្មភាពវាយ កំទេចលំនៅដ្ឋានប្រជាពលរដ្ឋនៅតំបន់នោះតាមការចង្អុលបង្ហាញរបស់ លោក សុខ រដ្ឋថន ដែលជួលពួកគេមកប្រចាំដើម្បីធ្វើសកម្មភាព វាយដី៧១ហិចតា ដែលលោក សុខ រដ្ឋថន បានកាងកន្លងមក ដែលកាលពីថ្ងៃទី២៤ ខែមករា ឆ្នាំ២០១៩ អាជ្ញាធរខេត្តព្រះសីហនុ បានបង្កើតគណកម្មការវាយកំទេចទីតាំងខាងលើ រួចម្តងមកហើយ ។ដែលកាលនោះធ្វើអោយ មានប៉ះទង្គិចគ្នារវាងប្រជាពលរដ្ឋ នឹង កងកំលាំងរបស់គណបញ្ជាការឯកភាពខេត្តព្រះសីហនុ បណ្តាលអោយខាងប្រជាពលរដ្ឋមានរបួសយ៉ាងធ្ងន់ធ្ងរ។
សូមបញ្ជាក់ថា ក្នុងកាធ្វើសកម្មភាពរបស់ក្រុមអាណាធិបតេយ្យដែលលោកសុខ រដ្ឋថន ជួលអោយវាយយកដីរបស់ប្រជាពករដ្ឋនៅចំណុខាងលើនេះ ក្នុងការធ្វើសកម្មភាព ពួកគេប្រើរប្រាស់ សម្ភារៈដូចជា កាំបិត ពូថៅ ដាវសាម៉ូរ៉ាយ បំពង់ទីប ចំពាវកៅស៊ូ នឹង អាវុធខ្លីប្រហែលជា១០ដើមក្នុងចំនួនមនុស្សជាង៣០០នាក់ ដែលដឹកនាំដោយលោកសុខសាន្តនេះ។
ហើយក្នុងនោះក៏មានគ្រឿងចក្រចំនួន៤គ្រឿង ដែលជារបស់ លោកសុខ រដ្ឋថន ឈរចាំឈូសឆាយដីនឹងផ្ទះដែលក្រោយពី ក្រុមអាណាធិបតេយ្យនោះវាយនឹងដេញម្ចាស់ផ្ទះអោយរត់ចេញអស់។
បច្ចុប្បន្ននេះក្នុងដី៧១ហិចតានេះ លោកសុខ រដ្ឋថន កំពង់ប្រើរកំលាំងអាណាធិបតេយ្យវាយ អ្នកណាដែលខ្លាំងដែលអាចប្រឆាំងនឹងក្រុមរបស់គេបាន នៅពេលអស់អ្នកដែលប្រឆាំងនឹង ពួកគេទៅ គឺក្រុមលោកសុខ រដ្ឋថន វាយយកទាំង៧១ហិចតាតាមគោលបំណងរបស់ពួកគេតែម្តង។
ក្រៅពីការវាយកដី របស់ក្រុមអាណាធិបតេយ្យទាំងនេះ រាល់យប់ក្រោយពីពួកគេប្រប្រាស់គ្រឿងញៀនអស់ចិត្ត ពួកគេបានដើរករកូរករកាយ លោតផ្លោះរបងចូលផ្ទះប្រជាពលរដ្ឋ សំឡុតគំរាមកំហែង លួចមាន់ ទា ឆ្កែ ររបស់ប្រជាពលរដ្ឋយកកាប់ស៊ីផឹកមួយយប់ៗទល់ភ្លឺ គ្មានអ្នកណាហ៊ានដេកពូនឡើយ។
កំលាំងអាណាធិបតេយ្យរបស់ សុខសាន្ត នោះសព្វថ្ងៃបានបែងចែកជាបីក្រុម បញ្ឈរជើងប្រចាំការ៣កន្លែងខុសៗគ្នា របៀបជាយុទ្ធសាស្ត្ររបស់គេ។ក្រុមទី១ដឹកនាំដោយឈ្មោះ ឈាង កូនចៅជំនិតរបស់ សុខសាន្ត មានសមាជិកប្រចាំរាល់ថ្ងៃប្រហែល៧០នាក់ ប្រចាំការនៅចំណុចត្រពាំងព្រលឹត។
ក្រុមទី២មានសមាជិកប្រហែលជិត១០០នាក់ចេញចូលៗដឹកនាំដោយ ឈ្មោះ ថន កូនចៅជំនិតរបស់សុខសាន្ត ប្រចាំការនៅចំណុចរោងគោពយម៉ាចូវ។ក្រុមទី៣ ដឹកនាំដោយឈ្មោះ កក្ដដា ប្អូនថ្លៃសុខសាន្ត មានសមាជិកប្រហែល៦០នាក់ប្រចាំការនៅចំណុចដើមចំបក់ក្រោមអង្គតែនទូរសព្ទ័០១២៕