ថ្ងៃMontag ទី២៥ ខែឧសភា ឆ្នាំ២០២០
គេហទំព័រកំពុងសាកល្បង
អភិបាលខេត្តស្វាយរៀង ដឹកនាំមន្ត្រីក្រោមឱវាទចុះពិនិត្យ​ទីតាំង ត្រៀមបម្រុងទុកបន្ថែម សម្រាប់​ទទួល​ព្យាបាល និងដាក់ឲ្យ​នៅដាច់​ដោយឡែកក្នុងករណី​មានអ្នកកើតជំងឺកូវីដ១៩
Di,07 April 2020 (Time 07:51 )
ដោយ ៖ ឆន្ទៈកូនខ្មែរ (ចំនួនអ្នកអាន: 39នាក់)


ខេត្តស្វាយរៀង៖ដើម្បីទប់ស្កាត់ បង្ការនិងប្រយុទ្ធប្រឆាំងនឹងជំងឺកូវីត-១៩ នាព្រឹកថ្ងៃអង្គារ ១៥កើត ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៧ ខែមេសា ឆ្នាំ២០២០នេះ ឯកឧត្តម ម៉ែន វិបុ​ល អភិបាល នៃគណៈអភិបាលខេត្ត និងជាប្រធាន​គណៈកម្មការ​ប្រយុទ្ធប្រឆាំ​ងនឹងជំងឺកូវីត​-១៩ ខេត្តស្វាយរៀង បានអញ្ជើញដឹកនាំក្រុមកា​រងារ ដោយមានការចូលរួមពីឯកឧត្ដមអភិបាលរងខេត្ត លោក​ប្រធានមន្ទីរ-អង្គភាពពាក់ព័ន្ធ បានអញ្ជើញចុះពិនិត្យទីតាំងផ្ទះសំណាក់គ្រូបង្រៀន ស្ថិត​នៅក្នុង​ក្រុង​ស្វាយរៀង​ដែលរដ្ឋបាលខេត្ត ជ្រើសរើសជា​ទីតាំងត្រៀមបម្រុង​ទុកបន្ថែមសម្រាប់​ទទួល​ព្យាបាល និងដាក់ឲ្យនៅដាច់ដោយឡែកក្នុងករណីមានអ្នកកើតជំងឺកូវីដ១៩ នៅក្នុងខេត្តស្វាយរៀង ។
ឯកឧត្ដមអភិបាលខេត្តបានបញ្ជាក់ថា នាពេលបច្ចុប្បន្ននេះ ក្រោមការយក​ចិត្តទុកដាក់អនុវត្ត​យ៉ាង​ម៉ឺងម៉ាត់ស្រប​តាមការណែនាំរបស់រាជរដ្ឋាភិបាល ក្រសួងស្ថាប័នពាក់ព័ន្ធ ជាពិសេសមាន​ការចូល​រួមគាំទ្រ​ពីគ្រប់សមាសភាពភា​ពទាំងឯកឧត្ដម លោកជំទាវអ្នក​តំណាងរាស្ត្រ សមាជិកព្រឹទ្ធសភា ក្រុមកា​រងាររាជរដ្ឋាភិបាលចុះមូលដ្ឋាន កងកម្លាំង មន្ត្រីរាជការ និងអាជ្ញាធរគ្រប់លំដាប់ថ្នាក់ បាន​ធ្វើ​ឲ្យ​ស្ថានភាពនៃការប្រយុទ្ធប្រឆាំងជំងឺកូវីដ១៩នៅក្នុងខេត្តដំណើរការយ៉ាងល្អប្រសើរ ហើយអាចទប់​ស្កាត់បាននូវ​ការឆ្លងជំងឺដ៏កាចសាហាវនេះ។

ឯកឧត្ដមបន្តថា បើទោះបីជា​យ៉ាងណាក៏ដោយ ការប្រុងប្រយ័ត្នក៏នៅតែមាន ហើយការ​សម្រេច​ជ្រើស​រើសទីតាំងផ្ទះសំណាក់គ្រូបង្រៀននេះ គឺជាវិធានការបន្ថែម​ដើម្បីចូលរួមចំ​ណែកឲ្យបានគ​ត់មត់​ថែមទៀតក្នុង​កិច្ចការបង្ការ ទប់ស្កាត់ការរីករាលនៃជំងឺកូវីដ១៩ ព្រោះថាស្ថានភាព​ជារួម​នៃការវិវត្តន៍របស់​ជំងឺកូវីដ១៩ នៅក្នុងប្រទេសរ​បស់យើង គឺនៅតែជាប្រឈម​នៅឡើយ។
ក្នុងឱកាសនោះ ឯកឧត្ដមអភិបាលខេត្ត បានស្នើដល់អង្គភាពពាក់ព័ន្ធ ជាពិសេសអង្គភាពរដ្ឋាករទឹក និងអគ្គិ​សនី ជាបឋមត្រូវរៀប​ចំកែលម្អ និងត្រួតពិនិត្យឡើងវិញនូវប្រព័ន្ធទឹក និងប្រព័ន្ធ​ភ្លើងនៅទី​តាំងនេះ ដើម្បី​បំពេញបន្ថែមក្នុងករណី​ចាំបាច់ សម្រាប់ផ្គត់ផ្គង់ឲ្យបានគ្រប់គ្រាន់ ឆ្លើយតបត​ម្រូវការដែ​លអាចប្រើប្រាស់នាពេលខាងមុខ៕

ព័ត៌មានគួរចាប់អារម្មណ៍

លោកជំទាវកិត្តិ​សង្គហបណ្ឌិត ម៉ែន សំអន អញ្ជើញចូល​រួមក្នុងពិធីបួងសួ​ងសុំសេចក្តីសុខ ចូលមាន​ដល់ប្រជាព​លរដ្ឋទូទាំងប្រទេស និងបញ្ជៀសជម្ងឺកូវីដ១៩ ចេញពីកម្ពុជា និងពិភពលោក (ឆន្ទៈកូនខ្មែរ)

ព័ត៌មានគួរចាប់អារម្មណ៍

រដ្ឋបាលខេត្ត​កំពង់ឆ្នាំ នាំយកអំណោយចែកជូនពលរដ្ឋ ងាយរងគ្រោះចំនួន០៨គ្រួសារ រស់នៅក្នុង​សង្កាត់ខ្សាម (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឃាត់​រថយន្តដឹ​កឈើ១គ្រឿង​ នៅសង្កាត់​ស្លក្រាម ក្រុងសៀមរាប អ្នកបើកបរ​រត់គេចខ្លួន​បាត់​ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តម​ឧត្តមសេនីយ៍ឯក ហ៊ុន ​សំណាង ចុះសួ​រសុខទុក្ខគ្រួសារ​លោកវរសេនីយ៍ត្រី​ អេម ពៅ ដែល​រ​ងគ្រោះ​ដោយភ្លើងឆេះផ្ទះ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យចំនួន២នាក់​ ពាក់ពន្ធ័ករណីរក្សាទុក ដោយខុស​ច្បាប់ នូវសារធាតុញៀន (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1018 នាក់
ម្សិលមិញ :
8780 នាក់
សប្តាហ៍នេះ :
52321 នាក់
ខែនេះ :
276596 នាក់
3 ខែនេះ :
691096 នាក់
សរុប :
1927447 នាក់