ឧបទ្ទវហេតុគ្រោះថ្នាក់ចរាចរណ៍ បង្កឡើងដោយរថយន្ត និងរថយន្ត បណាត់ឱ្យមនុស្ស២នាក់ស្លាប់ និង៦នាក់ទៀតរងរបួសធ្ងន់ស្រាល បញ្ជូនទៅសង្គ្រោះនៅមន្ទីពេទ្យ
ខេត្តកោះកុង៖យ៉ាងហោចណាស់មានមនុស្សចំនួន២នាក់បានស្លាប់ និង៦នាក់ទៀត រងរបួសធ្ងន់ស្រាល ដឹងបញ្ជូនទៅសង្គ្រោះនៅមន្ទីពេទ្យ ដោយសារឧបទ្ទវហេតុគ្រោះថ្នាក់ចរាចរណ៍រវាងរថយន្ត និងរថយន្ត កាលពីយប់ថ្ងៃទី២៥ ខែមីនា ឆ្នាំ២០២០ នៅចំណុចភូមិតាធង ឃុំដងពែង ស្រុកស្រែអំបិល ខេត្តកោះកុង។
បើតាមសមត្ថកិច្ចបានឱ្យដឹងថា ជនរងគ្រោះដែលស្លាប់មានឈ្មោះ គី ភ្លីសុខគ្រី ប្រុសនិងឈ្មោះ គី ភ្លីសុខហាំមីសាស់ ភេទប្រុស។
សមត្ថកិច្ចបញ្ជាក់ថា មូលហេតុដែលបង្កឱ្យមានគ្រោះថ្នាក់ចរាចរណ៍នេះ គឺដោយសាររថយន្តធំ បើកបរក្នុងស្ថានភាពល្បឿនលឿន ទៅបុកសត្វក្របី រួចរេចង្កូតទៅបុករថយន្តតូច២គ្រឿងទៀតដែលបើកបរក្នុងទិសដៅបញ្ច្រាសគ្នា។
ក្រោយកើតហេតុ វត្ថុតាងរថយន្តទាំង៣គ្រឿង ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុកស្រែអំបិល រងចាំការដោះស្រាយតាមផ្លូវច្បាប់នាពេលក្រោយ។ចំណែកសពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
