ឃាត់ខ្លួនជនសង្ស័យ១នាក់ ពាក់ពន្ធ័ករណីគ្រឿងញៀន
ខេត្តបាត់ដំបង៖ដោយអនុវត្តតាមការណែនាំរបស់លោកឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង និងលោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀននៃស្នងការដ្ឋាន កាលពីថ្ងៃ២០ ខែកុម្ភ: ឆ្នាំ២០២០ លោកវរសេនីយ៍ឯក ផង់ សុភាព អធិការនគរបាលស្រុកថ្មគោល ដឹកនាំបង្រ្កាបករណីគ្រឿងញៀនខុសច្បាប់ក្នុងមូលដ្ឋានភូមិគោកឃ្មុំ ឃុំគោកឃ្មុំ ស្រុកថ្មគោល ខេត្តបាត់ដំបង បានចំនួន០២ករណី ដោយធ្វើការឃាត់ខ្លួនជនសង័្សយចំនួន០១នាក់
១-ឈ្មោះ វង្ស បេឡា ភេទប្រុសអាយុ៣៧ឆ្នាំភូមិគោកឃ្មុំ ឃុំគោកឃ្មុំ ស្រុកថ្មគោល ខេត្តបាត់ដំបង។
វត្ថុតាងចាប់យកបានរួមមាន៖
-ថ្នាំគ្រាប់មានរាងមូលសំប៉ែតពណ៌ផ្កាឈូមានអក្សរ(WY)នៅចំហៀង ចំនួន០៨គ្រាប់សង័្សយជាគ្រឿងញៀនប្រភេទមេតំហ្វេតាម៉ីនយ៉ាម៉ា ។
-ម្សៅក្រាមពណ៌សថ្លាច្រកក្នុងថង់ប្លាស្ទិចសង័្សយជាគ្រឿងញៀនប្រភេទមេតំហ្វេតាម៉ីនម៉ាទឹកកកICE ចំនួន០១ថង់តូច។
សមត្ថកិច្ចបញ្ជាក់ថា ការចុះបង្ក្រាបនេះ បានធ្វើឡើងបន្ទាប់ពីកម្លាំងសមត្ថកិច្ចនគរបាលបានធ្វើការស្រាវជ្រាវជាបន្ទាន់រហូតឈានទៅរកបក្សពួកផ្សេងទៀតប៉ុន្តែ មុខសញ្ញាបានគេចខ្លួនបាត់ដោយបន្សល់ទុកវត្ថុតាងរួមមាន៖
-ម្សៅក្រាមពណ៌សថ្លាច្រកក្នុងថង់ប្លាស្ទិកចំនួន០៧ថង់ធំចំនួន០៥ថង់តូចចំនួន០២ថង់មានទម្ងន់សរុប២៧៧,៨៧ក្រាមដែលសង្ស័យជាសារធាតុញៀនប្រភេទមេតំហ្វេតាម៉ីនម៉ាទឹកកកICE ។
-ថ្នាំគ្រាប់មានរាងមូលសំប៉ែតពណ៌ផ្កាឈូកមានអក្សបរទេស(WY)នៅចំហៀងចំនួន១៤២គ្រាប់សង្ស័យ ជាគ្រឿងញៀនប្រភេទមេតាំហ្វេតាម៉ីនយ៉ាម៉ា។
-ម៉ូតូម៉ាកហុងដាឌ្រីមពណ៌ខ្មៅសេរីឆ្នាំ២០១៣ពាក់ផ្លាកលេខបាត់ដំ បង១F ១៨៣៥ចំនួន០១គ្រឿង
-កាំបិតចំនួន០១
-ជញ្ជីងថ្លឹងថ្នាំញៀនចំនួន០១។
បច្ចុប្បន្នជនសង្ស័យរួមជាមួយវត្ថុតាងនគរបាលស្រុក បញ្ជូនមកការិយាល័យជំនាញ ដើម្បីធ្វើការស្រាវជ្រាវបន្ត ក្នុងករណីការធ្វើកោសល្យវិច័យលើភស្តុតាងទាំងនោះថា ពិតជាគ្រឿងញៀនខុសច្បាប់មែននោះ សមត្ថកិច្ចនគរបាលនឹង រៀបចំសំណុំរឿងជនស័ង្សយនិងវត្ថុតាងទៅសាលាដំ បូងខេត្តបាត់ដំបង ចាត់ការតាមផ្លូវច្បាប់៕
