ម្នាក់ស្លាប់និងម្នាក់ទៀតរងរបួស បញ្ជូនទៅសង្គ្រោះនៅមន្ទីពេទ្យ ក្នុងឧបទ្ទវហេតុគ្រោះថ្នាក់ចរាចរណ៍ បង្កឡើងដោយម៉ូតូឌុបគ្នា ជិះទៅបុកគោយន្តកន្ត្រៃ
ខេត្តសៀមរាប៖ក្មេងពីរនាក់ជិះម៉ូតូ ម៉ាក EXCITER ពណ៌លឿងគ្មានស្លាកលេខ ឌុបគ្នាបើកក្នុងទិសដៅពីកើតទៅលិច ទៅបុកជាមួយយគោយន្តកន្ត្រៃពេញទំហឹង បណ្តាលឱ្យភាគីខាងម៉ូតូស្លាប់ម្នាក់និងរបួសម្នាក់ រីឯខាងគោយន្តបានបើករត់គេចបាត់ស្រមោល។
ហេតុការណ៍នេះបានកើតឡើង កាលពីថ្ងៃទី១០ ខែធ្នូ ឆ្នាំ២០២០ នៅលើផ្លូវជាតិលេខ៦ ស្ថិតនោក្នុងភូមិសំរោងកញ្ចោច ឃុំឫស្សីលក ស្រុកជីក្រែង ខេត្តសៀមរាប។
បើតាមសមត្ថកិច្ចបានឲ្យដឹងថា ជនរងគ្រោះមានឈ្មោះ ជា ដា ភេទប្រុស អាយុ១៦ឆ្នាំ មានទីលំនៅ ភូមិប្រាសាទ ឃុំកំពង់ក្តី ស្រុកជីក្រែង ជាអ្នកបើកបរម៉ូតូ(ស្លាប់)នៅនឹងកន្លែងកើតហេតុ និង ឈ្មោះ ពៃ នុយ ភេទប្រុស អាយុ១៥ឆ្នាំ ទីលំនៅភូមិ ស្វាយតាដោក ឃុំអន្លង់សំណរ ស្រុកជីក្រែង អ្នករួមដំណើររបួស។ដោយឡែកអ្នកបើកបរគោយន្តកន្ត្រៃ បានបើកគេចខ្លួនបាត់សមត្ថកិច្ចកំពុងធ្វើការស្រាវជ្រាវ។ចំណែកម៉ូតូត្រូវបានដឹកយកមករក្សាទុកនៅប៉ុស្តិ៍នគរបាលរដ្ឋបាល ឃុំឫស្សីលក។រីឯសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕