ថ្ងៃទី២៧ ខែមករា ឆ្នាំ២០២១
គេហទំព័រកំពុងសាកល្បង
សម្តេចតេជោ បន្តអំពាវនាវ​ឲ្យប្រជាពលរដ្ឋ ចូលរួមដោយស្ម័គ្រចិត្ត ក្នុងការមកធ្វើតេស្ត និងអនុវត្តឲ្យ​បានខ្ជាប់ខ្ជួន តាមការណែនាំ​របស់ក្រសួង​សុខាភិបាល
Mon,30 November 2020 (Time 01:35 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 45នាក់)


ខេត្តសៀមរាប៖ក្នុងឱកា​សអញ្ជើញជាអ​ធិបតីដ៏ខ្ពង់ខ្ពស់​ក្នុងពិធីបើក​ការដ្ឋានសាងសង់ និងកែ​លំអរ​ផ្លូវ​ទាំង៣៨ខ្សែ មានប្រវែងសរុប១០៨.៧៤គីឡូម៉ែត្រ ដោយគ្រោងប្រើប្រាស់ថវិកាជាតិ​សរុបប្រ​មាណ១៤០លានដុល្លារអាមេរិក និងថវិកាជាង៩លានដុល្លារអា​មេរិកទៀត សម្រាប់ការងារចាំបាច់ ក្នុងការរៀបចំស្ថាបនាប្រព័ន្ធបង្ហូរ​ទឹកភ្លៀង​និងទឹកកខ្វក់ ដែលនៅក្រៅគម្រោងសាងសង់​ខ្សែផ្លូវទាំង ៣៨ក្នុងក្រុង​សៀមរាប ខេត្តសៀមរាប ​នៅព្រឹកថ្ងៃចន្ទ ទី៣០ ខែវិច្ឆិកា ឆ្នាំ២០២០នេះ សម្ដេច​អគ្គម​ហា​សេនាបតីតេជោ ហ៊ុន សែន នាយករដ្ឋមន្ត្រីនៃព្រះរា​ជាណាចក្រកម្ពុជា បាន​មានប្រ​សាសន៍​បញ្ជាក់​និងដាក់ចេញនូវចំនុចសំខាន់ៗមួយចំនួនទាក់ទងទៅ​នឹងការចូលរួម​ទប់ស្កាត់បង្ការ​ការពា​រការចម្លងជំ​ងឺកូវីដ​-១៩ ដែលមានដូចជា៖

១)ត្រូវមា​នវិធានការការពារខ្លួនជា​និច្ច ដោយត្រូវគិតថា ខ្លួនឯងមានកូវីដ-១៩ ប្រសើរជាងគិតថាគ្មាន សុខ​ចិត្តធ្វើតេស្ត ឬធ្វើចត្ថាឡីស័ក១៤ថ្ងៃ ប្រសើរជាងមិនបានធ្វើ។
២)ត្រូវរៀបចំមជ្ឈមណ្ឌល​ចាត្តាឡីស័កសំរាប់អ្នក​ដែលគ្មានលទ្ធភាព​ទៅរកចត្តាឡីស័កនៅតាមផ្ទះ ហើយ​ទីកន្លែងដែលត្រូវ​ធ្វើចត្តាឡីស័កនោះ​គឺជាទីកន្លែង​ដែលផ្ដល់​ឱកាសឲ្យក្រុមគ្រូ​ពេទ្យ​ទៅយក​សំណាក ដើម្បីយកសំណា​កនោះមកធ្វើតេស្តអោយបានត្រឹមត្រូវ។
៣)សម្តេចតេជោ​នាយករដ្ឋមន្ត្រី បានសម្រេចអោយក្រសួងអប់រំយុវជន និងកីឡា បិទការសិក្សា​សម្រាប់ឆ្នាំ​សិក្សា២០១៩ -២០២០ ហើយប្រល​ងមធ្យមសិក្សា​បឋមភូមិតែម្ដង នៅថ្ងៃនេះ ហើយ​សម្រាប់អ្នក​ដែល​បន្តគឺមានសិស្សថ្នាក់ទី១២ ដើម្បីត្រៀម​ប្រលងក្នុងអំឡុងខែធ្នូខាងមុខ ហើយយើង​នឹងត្រៀមបើ​កបវេសនកាលឡើងវិញ នៅខែមករា ឆ្នាំ២០២១។
៤) សម្តេចតេជោ​នាយករដ្ឋមន្ត្រី បានអំពាវនាវអោយ​ប្រជាពលរដ្ឋចូលរួម​ដោយស្ម័គ្រចិត្តក្នុង​ការមក​ធ្វើតេស្ត និងអនុវត្តឲ្យបានខ្ជាប់ខ្ជួនតាម​ការណែនាំរបស់ក្រសួងសុខាភិបាល។ អាជ្ញាធរ​ត្រូវជួយ​ផ្គត់ផ្គង់ចំណីអាហារដល់​បងប្អូនដែលត្រូវ​ធ្វើចត្តាឡីស័ក​អោយបាន​ត្រឹមត្រូវបើបងប្អូន​មានការសង្ស័យ សូមទៅមន្ទីរពេទ្យជាបន្ទាន់ ហើយត្រូវដាក់​ខ្លួនឲ្យនៅដា​ច់ជាមួយ​នឹងគ្រួសារ​១៤ថ្ងៃសិន។

ជាមួយគ្នានោះ សម្តេចតេជោបានអំ​ពាវនាវអោយបងប្អូន​ប្រជាពលរដ្ឋណា​ដែលគិតថាខ្លួន​បានប៉ះ​ពាល់ ឬ​ពាក់ព័ន្ធជាមួយអ្នកជំងឺកូវីដ-១៩ សូមមកធ្វើតេស្ត និងធ្វើចត្តាឡីស័កជាបន្ទាន់ ដើម្បីចៀសវា​ងការចម្លងចូល​សហគមន៍។

ជាមួយគ្នានោះ ដើម្បីការពារជំងឺកូវីដ-១៩នោះ សម្តេចតេជោ​នាយករដ្ឋមន្ត្រី​បានជំរុញអោ​យប្រជាព​លរដ្ឋ ត្រូវតាំ​ងខ្លួន​ជាអ្នកចុះចាញ់ និងជាអ្នក​ខ្លាចកូវីដ ​តែមិនត្រូវ​ភ័យតក់ស្លុតទេ ដោយភ្លេចការ​បង្ការកា​រពារនោះទេ គឺយើងត្រូវ​ការពារជាប់ជានិច្ច ជាពិសេស​អនុវត្តតាមការ​ណែនាំរបស់​ក្រសួងសុខា​ភិបាល។ ​

សូមបញ្ចាក់ផងដែរថា តាមរយៈគម្រោង​សាងសង់ផ្លូវទាំង៣៨ខ្សែនេះ នឹងធ្វើឲ្យទី​ក្រុង​សៀមរាប ប្រែក្លាយ​រូបរាងជាទីក្រុងទំនើប និងទេសចរណ៍ ដ៏មានសក្តានុពល ដែលត្រូវបាន​រាជរដ្ឋាភិបាល​កម្ពុជាកំ​ណត់ជា​តំបន់ស្នូលនៃប៉ូលអភិវឌ្ឍជាតិជាគោលដៅទេសចរណ៍ វប្បធម៌ ប្រវត្តិសាស្រ្ត និងធម្មជាតិ ស្របតាមរូបសាស្ត្រទីក្រុង រួមជាមួយកា​រគិតគូរ ដល់ការពារ និងកែលម្អបរិស្ថាន ផា​សុខ​ភាពរបស់​ប្រជាពលរដ្ឋ និងការរៀបចំអភិវឌ្ឍទីក្រុងឆ្លាតវៃ (Smart City)ផងដែរ​។ ក្រោយពី​បញ្ចប់ការ​សាងសង់ទៅគម្រោងនេះនឹងដើរតួ ជាហេដ្ឋារចនាសម្ព័ន្ធប្រទាក់ក្រឡាគ្នាតភ្ជាប់ទីប្រ​ជុំជន ទៅជាយក្រុង និងតភ្ជាប់ទៅកាន់តំបន់ទេសចរណ៍សំខាន់ៗ និងបណ្តាញ ខ្សែផ្លូវជាតិនានា សំដៅ​កាត់ បន្ថយការកកស្ទះចរាចរណ៍ ក្នុងទីក្រុងជំរុញកំណើនដឹកជញ្ជូនទាក់ទាញវិនិយោគិន ធុរជន និងភ្ញៀវទេសចរជាតិ -អន្តរជាតិ ដែលជាការរួមចំណែកក្នុងការជំរុញកំណើនសេដ្ឋកិច្ចជាតិឱ្យ កាន់​តែ​រីកចម្រើននៅក្រោយវិបត្តិនៃជំងឺកូវីដ-១៩៕

ព័ត៌មានគួរចាប់អារម្មណ៍

ឯកឧត្តម ជុំ ហាត ប្រធានក្រុមប្រឹក្សាខេត្តស្វាយរៀង ដឹកនាំកិច្ចប្រជុំសាម​ញ្ញលើកទី២០ ឆ្នាំទី២ អាណត្តិទី៣ របស់ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តមអភិបាលខេ​ត្តបន្ទាយមានជ័យ ទទួល​យកសំណូមពរ និងបញ្ហាប្រឈ​មរបស់​ប្រជាព​លរដ្ឋនៅក្នុងស្រុកថ្មពួក ដែល​បានលើកឡើង ក្នុងវេទិកា​ផ្សព្វផ្សាយ និងពិគ្រោះយោបល់ របស់​ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

បញ្ជូ​នខ្លួន​ថៅ​កែ​ដេប៉ូ​បូម​ខ្សាច់ នៅ​គល់​ស្ពាន​ព្រែក​សំ​រោងម្នាក់ ទៅតុលាការ​ភ្នំពេញ ពាក់ព័ន្ធ​បទ​ល្មើ​ស មិន​បំពេញ​កាតព្វកិច្ច​ ចំពោះ​ឧបករណ៍​​ដែល​អាច​ជួញដូរ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ២នាក់ ពាក់ព័ន្ធ​ករណីគ្រឿង​ញៀន (ឆន្ទៈកូនខ្មែរ)

ព័ត៌មានគួរចាប់អារម្មណ៍

គ្រឿងសម្អាងក្លែងក្លាយ និងសម្ភារបរិក្ខារពេទ្យគ្មានច្បាប់អនុញ្ញាតរាប់តោន ត្រូវបានសមត្ថកិច្ចចុះបង្ក្រាប (ឆន្ទះកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
7767 នាក់
ម្សិលមិញ :
12210 នាក់
សប្តាហ៍នេះ :
63454 នាក់
ខែនេះ :
279846 នាក់
3 ខែនេះ :
710273 នាក់
សរុប :
3792709 នាក់