ថ្ងៃទី២៧ ខែមករា ឆ្នាំ២០២១
គេហទំព័រកំពុងសាកល្បង
បញ្ជូនខ្លួន​ជនសង្ស័យចំនួន២នាក់ ទៅកាន់តុលាការខេត្តបន្ទាយមានជ័យ ពាក់ព័ន្ធទៅ​នឹងករណី​គ្រឿងញៀន
Mon,30 November 2020 (Time 12:20 AM)
ដោយ ៖ ឆន្ទៈកូនខ្មែរ (ចំនួនអ្នកអាន: 42នាក់)


ខេត្តបន្ទាយមានជ័យ៖ជនសង្ស័យចំនួន២នាក់ ដែលជាប់ពាក់ព័ន្ធទៅនឹងករណីគ្រឿងញៀន ត្រូវបា​ន​អាវុធ​ហត្ថខេត្តបន្ទាយមានជ័យ បញ្ជូនខ្លួនទៅកាន់តុលាការខេត្ត នៅរសៀលថ្ងៃទី២៩ ខែវិច្ឆិកា ឆ្នាំ២០២០ ដើម្បីចាត់ការបន្តតាមនិតិវិធី ក្រោយពីអាវុធហត្ថក្រុងប៉ោយប៉ែត ចាប់ឃាត់ខ្លួន។

បើតាមលោ​កវរសេនីយ៍ត្រី នួន នីណារ៉ូ មេបញ្ជាការអាវុធហត្ថក្រុងបានឲ្យដឹងថា នៅវេលាម៉ោង១១ និង០០នាទីថ្ងៃទី២៨ ខែវិច្ឆិកា ឆ្នាំ២០២០ កម្លាំងមូលដ្ឋានអាវុធហត្ថក្រុងប៉ោយប៉ែត បានទទួលព័ត៌មា​នពីប្រជាពលរដ្ឋរាយការណ៍មកថា មានជនមិនស្គាល់អត្ត​សញ្ញាម្នាក់បានកំពុងចែក​ចាយគ្រឿង​ញៀន នៅចំណុចផ្សារយួន ស្ថិតក្នុងភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយ​មានជ័យ។

ក្រោយពីទទួលបានព័ត៌មាន​នេះភ្លាមលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានអាវុធ​ហត្ថក្រុង​ប៉ោយប៉ែត បានដឹកនាំកម្លាំងចុះទៅដល់គោលដៅ ហើយធ្វើការឃាត់ខ្លួន​បានជនសង្ស័យ​ម្នាក់ឈ្មោះ ទេព អ៊ូ ភេទប្រុស អាយុ៣២ឆ្នាំ និងដកហូតបានគ្រឿងញៀនប្រភេទម្សៅក្រាមពណ៌ស ចំនួន០៦កូនថង់តូច និងគ្រាប់ថ្នាំយ៉ាម៉ាពណ៌ក្រហមចំនួន០៣ថង់តូច ស្មើនឹង២១គ្រាប់ (ពណ៌ខ្មៅ​០១​គ្រាប់)។

លោកមេបញ្ជាការបន្តថា ភ្លាមៗនោះកម្លាំងបានសាកសួរជនសង្ស័យ ជនសង្ស័យបានឆ្លើយថា ខ្លួនគេបាន​ទិញថ្នាំញៀននេះពីឈ្មោះ ប៉ែន ដា ភេទប្រុស អាយុ៥៨ឆ្នាំ ពេលនោះកម្លាំងបន្ត​ឃាត់ខ្លួន​ជនសង្ស័យខាងលើបានម្នាក់ទៀត នៅចំណុចនាគទិព្វ ស្ថិតក្នុងភូមិក្បាលស្ពាន១ សង្កាត់/ក្រុងប៉ោ​យប៉ែត នៅវេលាម៉ោង១២ និង០០នាទី ថ្ងៃខែដដែល ហើយបញ្ជូនមកមូលដ្ឋានអាវុធក្រុង ដើម្បី​ធ្វើកា​រសាក​សួរចម្លើយ ក្រោយពីសាកសួរចម្លើយរួចជនសង្ស័យឈ្មោះ ទេព អ៊ូ (ហៅហេង) បានឆ្លើយសារភាពថា ខ្លួនគេពិតជាបានទិញគ្រឿងញៀនទាំងអស់នេះពីឈ្មោះ ប៉ែន ដា ដើម្បីយ​កមកលក់បន្តពិតប្រាកដមែន ចំណែកឈ្មោះ ប៉ែន ដា ឆ្លើយថាខ្លួនគេស្គាល់ឈ្មោះ ទេព អ៊ូ ហៅ​ហេង​មែន តែគេមិនដែលមានទំនាក់ទំនងការលក់ដូរគ្រឿងញៀននោះទេ។

ដោយផ្អែកលើចម្លើយសារភាពជនសង្ស័យឈ្មោះ ទេព អ៊ូ និងមានវត្ថុតាងផងនោះ ជនសង្ស័យទាំង​០២នាក់ត្រូវបានកម្លាំងជំនាញគ្រឿងញៀនអាវុធហត្ថក្រុង បានកសាងសំណុំរឿងបញ្ជូន​មក​បញ្ជា​ការ​ដ្ឋានអាវុធហត្ថខេត្តចាត់ការបន្ត។បច្ចុប្បន្ន ជនស្ស័យខាងលើ រួមនឹងវត្ថុតាង ត្រូវបានកម្លាំងជំ​នាញ​គ្រឿងញៀនខេត្ត បញ្ជូនទៅសាលាដំបូងខេត្ត ដើម្បីចាត់ការតាមនីតិវិធី៕

ព័ត៌មានគួរចាប់អារម្មណ៍

សិក្ខាសាលា ដកពិសោធន៍លើការងារសម្ព័ន្ធមេត្រីភាពរវាងអង្គភាព នៃកងយោធពលខេមរភូមិន្ទ ជាមួយស្ថាប័ន អង្គភាពស៊ីវិល នៅទិសយោធភូមិភាគទី៤ (ឆន្ទះកូនខ្មែរ)

ព័ត៌មានគួរចាប់អារម្មណ៍

ឯកឧត្តម ជុំ ហាត ប្រធានក្រុមប្រឹក្សាខេត្តស្វាយរៀង ដឹកនាំកិច្ចប្រជុំសាម​ញ្ញលើកទី២០ ឆ្នាំទី២ អាណត្តិទី៣ របស់ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឯកឧត្តមអភិបាលខេ​ត្តបន្ទាយមានជ័យ ទទួល​យកសំណូមពរ និងបញ្ហាប្រឈ​មរបស់​ប្រជាព​លរដ្ឋនៅក្នុងស្រុកថ្មពួក ដែល​បានលើកឡើង ក្នុងវេទិកា​ផ្សព្វផ្សាយ និងពិគ្រោះយោបល់ របស់​ក្រុម​ប្រឹក្សាខេត្ត (ឆន្ទៈកូនខ្មែរ)

ព័ត៌មានគួរចាប់អារម្មណ៍

បញ្ជូ​នខ្លួន​ថៅ​កែ​ដេប៉ូ​បូម​ខ្សាច់ នៅ​គល់​ស្ពាន​ព្រែក​សំ​រោងម្នាក់ ទៅតុលាការ​ភ្នំពេញ ពាក់ព័ន្ធ​បទ​ល្មើ​ស មិន​បំពេញ​កាតព្វកិច្ច​ ចំពោះ​ឧបករណ៍​​ដែល​អាច​ជួញដូរ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ចាប់ឃាត់ខ្លួនជនសង្ស័យ២នាក់ ពាក់ព័ន្ធ​ករណីគ្រឿង​ញៀន (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
9341 នាក់
ម្សិលមិញ :
12210 នាក់
សប្តាហ៍នេះ :
65028 នាក់
ខែនេះ :
281420 នាក់
3 ខែនេះ :
711847 នាក់
សរុប :
3794283 នាក់