មនុស្ស២នាក់បានស្លាប់ ១នាក់របួសធ្ងន់ ដោយសាររថយន្តកែច្នៃដឹកដំឡូងមី ដាច់ហ្វ្រាំងជ្រុលទៅបុកដើមឈើ ក្រឡាប់សង្កត់លើ
ខេត្តត្បូងឃ្មុំ:ឧបទ្ទវហេតុគ្រោះថ្នាក់ចរាចរណ៍បង្កឡើងដោយរថយន្តកែច្នៃដឹកដំឡូងមីដាច់ហ្វ្រាំង ជ្រុលទៅបុកដើមឈើ ក្រឡាប់សង្កត់លើមនុស្ស៣នាក់ បណ្តាលឲ្យស្លាប់២ របួសធ្ងន់ម្នាក់ នៅស្រុកមេមត់ កាលពីវេលាម៉ោង១និង១០នាទីរសៀល ថ្ងៃទី ២៥ ខែវិច្ឆិកា ឆ្នាំ២០២០ នៅចំណុចមុខសាលាបុណ្យ ស្ថិតក្នុងភូមិកងកេង ឃុំដារ ស្រុកមេមត់ ខេត្តត្បូងឃ្មុំ។
បើតាមប្រភពព័ត៌មានបានឲ្យដឹងថាមូលហេតុដែលបង្កឲ្យមានគ្រោះថ្នាក់នេះកើតឡៀងដោយរថយន្តកែច្នៃដឹកដំឡូងមីដាច់ហ្វ្រាំង រួចទៅបុកនិងដើមឈើ ហើយក្រឡាប់ជះដំឡូងនិងមនុស្សដែលនៅលើនោះ ហើយដំឡូងសង្តត់ពីលើកម្មករបណ្តាលឲ្យស្លាប់២នាក់ភ្លាមតែម្តង។
ក្រោយកើតហេតុសមត្ថកិច្ចបានចុះពិនិត្យជាក់ស្តែងរួចទើបប្រគល់សពជនរងគ្រោះទាំងពីរយកទៅធ្វើបុណ្យតាមប្រពៃណី៕
