ថ្ងៃMittwoch ទី០៨ ខែមេសា ឆ្នាំ២០២០
គេហទំព័រកំពុងសាកល្បង
ប្រកា​សចូល​កាន់មុខ​តំណែង មេបញ្ជាការ​-មេបញ្ជា​ការរង ​និងព​លទា​ហាន​ក្រុង​កោះរ៉ុង ចំនួន១៦នាក់
Sa,11 Januar 2020 (Time 04:43 )
ដោយ ៖ ឆន្ទៈកូនខ្មែរ (ចំនួនអ្នកអាន: 102នាក់)


ខេត្តព្រះសីហនុ​៖ឯ​កឧត្តម ឧត្តម​សេនីយ៍ឯក យឿង សុខុន មេបញ្ជាការ​រងកងទព័ជើង​គោក និង​ជា​មេបញ្ជា​ការយុទ្ធភូមិ​ភាគទី៣ ​ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ​ បាន​អញ្ជើញ​ជាអធិបតីក្នុងពិធី​ប្រកាសចូល​កាន់មុខតំណែង មេបញ្ជាការ-មេបញ្ជាការរង និងពលទាហាន ក្រុង​កោះ​រ៉ុង​ចំនួន១៦នាក់។

​ពិធីប្រព្រឹត្តទៅនាព្រឹកថ្ងៃទី១០ ខែមករា ឆ្នាំ២០២០ នៅទីបញ្ជាការតំបន់ប្រតិបត្តិការសឹ​ករង​ខេត្ត​ព្រះសីហនុ​ ដោយមានការអញ្ជើញចូលរួមពី​បណ្តាមន្ទីរ អង្គភាព នានា ជុំវិញខេត្ត។

លោកឧត្តមសេនីយ៍ត្រី នូវ សំអុល មេបញ្ជាការតំបន់ប្រតិបត្តិការសឹករងខេត្តព្រះសីហនុ បានអានរ​បាយកា​រណ៍​ស្វាគ​មន៍ចំពោះ​គណៈអធិបតីអំពី​ស្ថាន​ភាពភូមិ​សាស្ត្រនានារ​បស់តំបន់ប្រតិបត្តិ​ការ​សឹករងខេត្តព្រះសីហនុ ដែលបាន​ខិតខំ និងបំពេញតួនាទី​ក្នុងការកា​រពារជាតិមាតុភូមិ និងប្រជា​ពលរដ្ឋប្រ​កបដោយភាពជោគជ័យ និងបញ្ហាប្រឈម មួយចំនួនជាពិសេស នៅតំបន់​ក្រុងកោះរ៉ុង​ដែលជាតំបន់ថ្មី​នឹងត្រូវបាន បង្កើតទីបញ្ជាការតំ​បន់ប្រតិបត្តិការផ្នែកសឹករងក្រុង ហើយមិ​នទាន់មាន​ទីតាំង និង​ស្នាក់ការត្រឹមត្រូវនៅឡើយ ដើម្បីបម្រើការពារជូនជាតិ​មាតុភូមិប្រជាពរដ្ឋនៅលើដីកោះ​មាន​ភាពងាយស្រួល​និងទាន់ពេលវេលានៅ​ពេលមានសភាពការណ៍កើតឡើង។

ឯកឧត្តម គួច ចំរើន អភិបាលខេត្ត បានមានប្រសាសន៍ថា មានមោទនភា​ពចំ​ពោះវីរភាពរប​ស់នាយ​ទាហាន​នា​យទាហានរ​ងនិងពលទាហានទាំង​អស់ដែ​លបានលះបង់​កម្លាំ​ងកាយចិត្ត និងស្មារតីក្នុង​បុព្វហេតុ ដើម្បីបម្រើការពារជាតិមាតុភូមិនិងប្រជាជន ការពារជាតិសា​សនាព្រះមហាក្សត្រ​ និងរាជរ​ដ្ឋា​ភិបា​លស្របច្បាប់ដែល​បានប្រសូត្រចេញពីការបោះឆ្នោត ដោយសេរីត្រឹមត្រូវយុត្តិ​ធម៌ និង​តម្លាភាពដែលមានសម្ដេចតេជោ ហ៊ុន សែននាយករដ្ឋមន្ត្រី នៃព្រះរាជាណាចក្រកម្ពុជា ហើយរក្សា និងការពារ​សន្តិភាពដែលរកបានដោយ លំបាក និងសមិទ្ធិផ​លដែលមាននាពេលបច្ចុប្បន្ន ពង្រឹងកា​រអនុវត្តវិធានការច្បាប់ដ៏ម៉ឺងម៉ាត់ និងការអនុវត្តគោល​នយោបាយភូមិ​ឃុំមានសុវត្ថិភាពពង្រឹងការងារសន្តិសុខនិងសណ្ដាប់ធ្នាប់សាធារណៈ។

លោកបញ្ជាក់បន្ថែមថា សូមឲ្យមេបញ្ជាការមេបញ្ជា​ការរង និងពលទាហានដែលត្រូវទៅប​ម្រើការ​នៅលើ​ក្រុងកោះរ៉ុងត្រូវចេះសហការសាមគ្គី ភាពផ្ទៃក្នុង និងសហការជា​មួយអាជ្ញាធរគ្រប់លំដាប់​ថ្នាក់ក្នុងគោលដៅរួម ការពារជាតិ មាតុភូមិនឹង ប្រជាពលរដ្ឋ ធ្វើយ៉ាងណាឲ្យស្ថេរភាព នៅក្នុង​មូលដ្ឋាន ប្រព្រឹត្តទៅប្រកប​ដោយភាពជោគជ័យ និងជាពិសេស​ឯកឧត្តមបានលើកឡើងថា ត្រូវចៀស​ឲ្យឆ្ងាយអំពីការប្រើប្រាស់ ចែកចាយគ្រឿងញៀននៅក្នុងអង្គភាព ជាដាច់ខាត ព្រោះគ្រឿង​ញៀនធ្វើឱ្យ អាប់ឱនដល់សង្គម គ្រួសារនិងប្រទេសជាតិ៕

ព័ត៌មានគួរចាប់អារម្មណ៍

អភិបាលខេត្តស្វាយរៀង ដឹកនាំមន្ត្រីក្រោមឱវាទចុះពិនិត្យ​ទីតាំង ត្រៀមបម្រុងទុកបន្ថែម សម្រាប់​ទទួល​ព្យាបាល និងដាក់ឲ្យ​នៅដាច់​ដោយឡែកក្នុងករណី​មានអ្នកកើតជំងឺកូវីដ១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឧត្ដម​សេនីយ៍ត្រី អ៊ី ចំរើន នាំយកអំ​ណោយឯក​ឧត្ដម នាយឧត្ដម​សេនីយ៍ ​គៀត ច័ន្ទថារិទ្ធ ចែក​ជូន​មន្ត្រីប៉ុ​ស្តិ៍នគរបា​ល ច្រកទ្វារព្រំដែន​អន្តរជាតិ​ប៉ោយប៉ែត (ឆន្ទៈកូនខ្មែរ)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ស្នើសុំ​ឲ្យ​ធនាគារ​ និង​មីក្រូហិរញ្ញវត្ថុ​ ពន្យា​ការសង​ចំ​ណុល ​រួមទាំង​អត្រា​ការប្រាក់ ក្នុង​អំឡុង​ពេល​នៃវិបត្តិ​នៃជំងឺកូវីឌ-១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន សម្រេចផ្អាកពិធី​បុណ្យ​ចូលឆ្នាំប្រពៃណី​ជាតិខ្មែរ ដើម្បីទប់ស្កាត់ការឆ្លង​រីករាលដាលជំងឺ​កូវីឌ-១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

មេ​បញ្ជា​ការកង​ការពារព្រំដែន​លេខ៥០៣ យោធ​ភូមិ​ភាគ៥ ប្រកាស​បរិច្ចា​គ​ប្រាក់​បៀវត្ស រយៈ​ពេល០​៦ខែ ជូន​គណៈ​កម្មការ​ជាតិប្រយុទ្ធ​ប្រ​ឆាំង​នឹង​ជំងឺកូវីដ​១៩ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1005 នាក់
ម្សិលមិញ :
4599 នាក់
សប្តាហ៍នេះ :
46613 នាក់
ខែនេះ :
203721 នាក់
3 ខែនេះ :
606084 នាក់
សរុប :
1535235 នាក់