បញ្ជូនជនសង្ស័យម្នាក់ ទៅតុលាការ ដើម្បីផ្តន្ទាទោសតាមច្បាប់ ពាក់ព័ន្ធករណី រំលោភទំនុកចិត្ត
រាជធានីភ្នំពេញ៖ជនសង្ស័យម្នាក់ ដែលជាប់ពាក់ព័ន្ធករណី រំលោភទំនុកចិត្ត ត្រូវបានសមត្ថកិច្ចជំនាញ នៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បញ្ជូនខ្លួនទៅតុលាការនៅថ្ងៃទី១០ ខែមករា ឆ្នាំ២០២០ ដើម្បីផ្តន្ទាទោសតាមច្បាប់។
បើតាមសមត្ថកិច្ចបានឲ្យដឹងថា៖ ជនសង្ស័យមានឈ្មោះ ឃិន ឆាយ អាយុ៣០ឆ្នាំ ត្រូវបានកម្លាំងមូលដ្ឋានអាវុធហត្ថខណ្ឌសែនសុខ ឃាត់ខ្លួន កាលពីថ្ងៃទី០៦ ខែមករា ឆ្នាំ២០២០ នៅចំណុចក្រុមហ៊ុន ជេវ៉ាយអេស៊ី ផ្លូវ១៩៨៤ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បន្ទាប់ពីម្ចាស់ក្រុមហ៊ុនដាក់ពាក្យបណ្តឹង។
នៅចំពោះសមត្ថកិច្ចជនសង្ស័យបានសារភាពឲ្យដឹងថា ខ្លួនបានចូលមកបំរើការងារ នៅក្រុមហ៊ុន ជេវ៉ាយអេស៊ី កាលអំឡុងឆ្នាំ២០១៣ ដោយមានតួនាទីជាអ្នកគ្រប់គ្រងជាងម៉ាស៊ីនត្រជាក់ និងទទួលបានប្រាក់ខែ៤០០ដុល្លារ ក្នុង១ខែ រហូតដល់អំឡុងខែវិច្ឆិកា ឆ្នាំ២០១៨ ខ្លួនក៏បានទៅដំឡើងម៉ាស៊ីនត្រជាក់ជូនអតិថិជនជាបន្តបន្ទាប់រហូត តែពុំដែលប្រគល់ប្រាក់ឲ្យក្រុមហ៊ុន ក្រោយពេលអតិថិជនបង់ប្រាក់ឲ្យថ្លៃដំឡើងម៉ាស៊ីនត្រជាក់ និងថ្លៃជួសជុសនោះទេ គឺរូបគេបានយកទៅចាយវាយជាប្រយោជន៍ផ្ទាល់ខ្លួន សរុបជាទឹកប្រាក់ចំនួន៣៣៣០ដុល្លារអាមេរិក ដោយមានការខាតបង់ច្រើន ខាងក្រុមហ៊ុន បានហៅរូបគេមកសាកសួរដឹងរឿង៕
![]()
![]()
![]()