ឧបទ្ទវហេតុគ្រោះថ្នាក់ចរាចរណ៍ រវាងរថយន្តធុនធំ និងអ្នកជិះម៉ូតូឌុបគ្នា បណ្តាលឲ្យកូនប្រុស និងម្តាយ ស្លាប់បាត់បង់ជីវិត យ៉ាងអាណោចអាធ័ម
ខេត្តពោធិ៍សាត់៖ដោយសារជួបឧបទ្ទវហេតុគ្រោះថ្នាក់ចរាចរណ៍ រវាងអ្នកបើកបររថយន្តធុនធំ និងអ្នកជិះម៉ូតូឌុបគ្នា បណ្តាលឲ្យអ្នកជិះម៉ូតូពីនាក់ទាំងម្តាយនិងកូនប្រុសស្លាប់បាត់បង់ជីវិត យ៉ាងអាណោចអាធ័ម កាលពីថ្ងៃទី១៣ ខែតុលា ឆ្នាំ២០២០ នៅលើកំណាត់ផ្លូវលំក្រាលក្រួសក្រហមមាត់ប្រឡាយ ស្ថិតនៅភូមិប៊ួស្រង៉ែ ឃុំត្រពាំងជង ស្រុកក្រគរ ខេត្តពោធិ៍សាត់។
ប្រភពព័ត៌មានកន្លែងកើតហេតុ បានឲ្យដឹងថា មុនកើតហេតុគេឃើញម្ចាស់រថយន្តម៉ាក ហ៊ីយ៉ាន់ដាយ ណ័ពស ពាក់ស្លាកលេខ ពោធិសាត់ 3A 1373 បានប្រាប់សមត្ថកិច្ចនគរបាលស្រុកបាកានថា អ្នកស៊ីឈ្នួលបើកបររបស់ខ្លួនឈ្មោះ ធឿន ភេទប្រុស អាយុ២៥ឆ្នាំ ជនជាតិខ្មែរ មានទីលំនៅភូមិស្ទឹងកុំត ឃុំ.ស្រុកកើតហេតុ។
ម្ចាស់រថយន្តបង្កហេតុបន្តប្រាប់សមត្ថកិច្ចនគរបាលទៀតថា រថយន្តបានធ្វើដំណើរក្នុងទិសដៅពីជើងឆ្ពោះទៅទិសខាងត្បូង លុះទៅដល់កន្លែងកើតហេតុ បានរួចរយែថយក្រោយ បណ្ដាលឲ្យកិនអ្នកជិះម៉ូតូកំពុងធ្វើដំណើរមកពីក្រោយស្របគ្នា(ជើង ត្បូង) បណ្ដាលឲ្យស្លាប់ម្ដាយ និងកូនប្រុសយ៉ាងសង្វេគបែបនេះតែម្ដង។
ជនរងគ្រោះស្រី្តជាម្ដាយបើកបរម៉ូតូឈ្មោះ ឌី សុខឡឹក អាយុ៣២ឆ្នាំ ជនជាតិខ្មែរ បច្ចុប្បន្ន រស់នៅភូមិស្ទឹងកំបុត ឃុំត្រពាំងជង ស្រុកបាកាន ជាមួយគ្នាតៃកុង បើកបររថយន្តបង្កស្លាប់នៅកន្លែងកើតហេតុ បានឌុកូនប្រុសឈ្មោះមួង ចាន់រ៉ា អាយុ១០ឆ្នាំ ស្លាប់នៅកន្លែងកើតហេតុ។ករណីគ្រោះថ្នាក់ចរាចរណ៍ដ៏មហារន្ធត់នេះ សពម្តាយនិងកូនប្រុសសមត្ថកិច្ចនគរបាល ធ្វើកំណត់ហេតុប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី។ចំណែកវត្ថុតាងម៉ូតូ និងរថយន្ត សមត្ថកិច្ចនគរបាលយកទៅរក្សាទុក ចំពោះតៃកុងបើកបររថយន្តបង្កគេចបាត់ សមត្ថកិច្ចកំពុងធ្វើការស្រាវជ្រាវ៕