សហរដ្ឋអាមេរិក សម្រេចបង្កកទ្រព្យសម្បត្តិ របស់រដ្ឋាភិបាលវេណេស៊ុយអេឡាហើយ
វ៉ាស៊ីនតោន៖ប្រធានាធិបតីអាមេរិក លោក ដូណាល់ ត្រាំ បានចុះហត្ថលេខាហើយលើបទបញ្ជា បង្កកទ្រព្យសម្បត្តិ នៃរដ្ឋាភិបាលវេណេស៊ុយអេឡា របស់លោក នីកូឡាស់ ម៉ាឌូរ៉ូ ដែល មាននៅក្នុងសហរដ្ឋអាមេរិកហើយ។នេះបើយោងតាមការចុះផ្សាយរបស់ទីភ្នាក់ងារព័ត៌មាន Sputnik នៅថ្ងៃទី០៦ ខែសីហា ឆ្នាំ២០១៩នេះ។
សេតវិមាន បានបញ្ជាក់ដូច្នេះថា៖ « រាល់ ទ្រព្យសម្បត្តិរបស់រដ្ឋាភិបាលវេណេស៊ុយអេឡាដែលមាននៅក្នុងសហរដ្ឋអាមេរិក ឬស្ថិតនៅក្រោម ដែនសមត្ថកិច្ចអាមេរិក នឹងត្រូវបានបង្កកទុកទាំងអស់ ហើយក៏មិនអាចផ្ទេរចេញបានទេ»។
គួរបញ្ជាក់ផងដែរថា បទបញ្ជាបង្កទ្រព្យសម្បត្តិរដ្ឋាភិបាលវេណេស៊ុយអេឡា បានចូលជាធរមាននៅ ថ្ងៃទី០៥ ខែសីហា ឆ្នាំ២០១៩នេះ (ម៉ោងនៅក្នុងទីក្រុងវ៉ាស៊ីនតោន) ហើយការរឹតត្បិតទាំងនេះត្រូវបាន គេរំពឹងថានឹងបង្កផលប៉ះពាល់យ៉ាងខ្លាំងដល់ក្រុមហ៊ុនប្រេងរដ្ឋ PDVSA និងធនាគារកណ្ដាល វេណេស៊ុយអេឡា៕
