ថ្ងៃDonnerstag ទី០៩ ខែកក្កដា ឆ្នាំ២០២០
គេហទំព័រកំពុងសាកល្បង
សមត្ថកិច្ចពាក់ពន្ឋ ​ស្រុកវ៉ារិនបើកដៃឱ្យក្រុមឈ្មួញ ទន្ទ្រានកាប់ព្រៃយកដីរដ្ឋ យកធ្វើកម្មសិទ្ធិ​ផ្ទាល់ខ្លួន យ៉ាងអនាធិបតេយ្យបំផុត
Tue,27 August 2019 (Time 03:26 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 315នាក់)


ភ្នំពេញ៖ប្រភពព័ត៌មានពីប្រជាពលរដ្ឋមូលដ្ឋាន​បានលើកឡើងថា ដីរបស់រដ្ឋជាច្រើនហិតា ​ដែល​មាន​ទីតាំងនៅត្រង់ចំណុច​ស្ពានអូរបាយតាប់ ​ស្ថិតក្នុងភូមិវត្តឃុំស្រែណូយ​ស្រុកវ៉ារិន ខេត្តសៀមរាប ត្រូវបានក្រុមឈ្មួញ ​សហការជាមួយអាជ្ញាធរពា​ក់ព័ន្ធ ដើម្បីដាក់គ្រឿង​ចក្រឈូសឆាយ​ធ្វើជាកម្ម​សិទ្ធិផ្ទាល់ខ្លួន កើតមានឡើងយ៉ាងពេញបន្ទុក។
 
ប្រភពខាង​លើបានបន្តទៀតថា ក្រុមឈ្មួញតែងតែធ្វើសកម្មភាពកាប់ព្រៃ និងឈូសឆាយ ដើម្បីយក​ដីរដ្ឋធ្វើជាកម្មសិទ្ធិ ដើ​ម្បីចែកគ្នាធ្វើមានធ្វើបានយ៉ា​ងរលូន។សកម្មភាពទាំង​នេះត្រូវបាន​គេសង្កេត​ឃើញថា សមត្ថកិច្ចពាក់ព័ន្ធក្នុងមូលដ្ឋាន​បានរក្សាភាពស្ងៀមស្ងាត់ នឹងពុំមានចា​ត់វិធានការ​ទប់​ស្កាត់នោះឡើយ។
 
ជាក់ស្ដែ​ងនៅថ្ងៃទី ២៥និង២៦ ខែ​សីហា ឆ្នាំ២០១៩ ក្រុមជនខិលខូចបានប្រើគ្រឿង​ចក្រឈូស​ឆាយ​ដីព្រៃលិចទឹកដែលមានទីតាំងស្ថិតក្នុ​ងចំណុច​ស្ពានអូបៃ​តាប់និង ស្ថិតក្នុងភូមិវត្ត ឃុំស្រែណូយ​ស្រុក​វ៉ារិនខេត្តសៀមរាប។
ខណៈ​ពេលនោះ​ដែរអ្នកយ​កព័ត៌មានយើង​បានរាយការណ៍ និងធ្វើបទសម្ភាស​ទៅលោក ប៊ុត វិបុល អភិបាល​ស្ដីទីស្រុកវ៉ារិន ដោយគាត់​បានបំភ្លឺថាគាត់ពុំទាន់​បានដឹងរឿងឈូសឆាយ​ដីព្រៃខាង​លើនេះនៅឡើយទេ ហើយគាត់នឹងចាត់ចែងកម្លាំងឲ្យចុះស្រាវជ្រាវ។
 
ទោះយ៉ាងណា​លោក អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស​បានឲ្យដឹងតាមប្រព័ន្ធ​តេឡេក្រាមថា គាត់នឹងចាត់ចែងឲ្យមន្ត្រីថ្នាក់ក្រោម​ចុះស្រាវជ្រាវនៅពេលក្រោយ។
 
ប្រភពចេញពីសមត្ថកិច្ចម្នាក់ដែល​ធ្វើការនៅក្នុងស្រុកវ៉ារិន ​ដែលសុំមិន​បញ្ចេញឈ្មោះ​បានលើក​ឡើងថា ​ដីព្រៃលិចទឹកនិងដីរដ្ឋនិងរួមទាំង ដីបឹង បួរ អូ បូរាណ ជាច្រើនកន្លែងដែល​ស្ថិតក្នុងឃុំ​ស្រែណូយ ស្រុកវ៉ារិន ត្រូវបានក្រុមឈ្មួញ​ និងអាជ្ញាធរមូលដ្ឋាន​ឃុបឃិតគ្នាជាលក្ខណៈ​ប្រព័ន្ធ​លក់ឲ្យឈ្មួញយក​ប្រាក់ធ្វើមានធ្វើបានយ៉ាងសុខស្រួល។
 
ដូច្នេះហើយទើបមានសេចក្ដី​អំពាវនាវទៅដល់ថ្នាក់ដឹកនាំខេត្តសៀមរាប ​ក៏ដូចជាថ្នាក់​ដឹកនាំថ្នាក់​ជាតិ និងសមត្ថកិច្ចពាក់ព័ន្ធមេត្តាចុះស៊ើប​អង្កេតស្រាវជ្រាវ មកលើអាជ្ញាធរមូល​ដ្ឋានឲ្យមានភាពស៊ីជ​ម្រៅ ជាបន្ទាន់ផង៕ដោយឆន្ទៈកូនខ្មែរ

ព័ត៌មានគួរចាប់អារម្មណ៍

ឯកឧត្តម អភិ​បាលខេត្តកណ្ដាល ដឹកនាំមន្ត្រីក្រោមឱវ៉ាត នាំយកទៀនព្រះវស្សា បច្ច័យ និងទេយ្យ​ទាន ប្រគេនដល់ព្រះសង្ឃគង់ចាំព្រះវស្សា នៅក្រុងតាខ្មៅ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ក្រុមប្រឹក្សាខេត្ត​ព្រះសីហនុ បើកកិច្ចប្រជុំសាមញ្ញលើកទី១៣ អាណត្តិទី៣ ឆ្នាំ២០២០ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ប្រកាសបិទផ្សាយជាសា​ធារណៈនូវឯកសារ នៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ​ ស្រុក​សេសាន (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសជាជាងសំណង់ម្នាក់ ត្រូវបានឆក់​ខ្សែស្លាប់ភ្លាមៗ ​ខណ:កំពុងផ្សាដែកសង់រោង ​ដាក់លក់ទំនិញ (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសម្នាក់បានស្លាប់នៅក្នុងគំនរភ្លើង ដោយសារអគ្គីភ័យឆាបឆេះផ្ទះ ខណៈកំពុងដេកនៅក្នុងបន្ទប់ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1218 នាក់
ម្សិលមិញ :
3786 នាក់
សប្តាហ៍នេះ :
19411 នាក់
ខែនេះ :
158130 នាក់
3 ខែនេះ :
632955 នាក់
សរុប :
2177696 នាក់