ចាប់ឃាត់ខ្លួនជនសង្ស័យម្នាក់ ពាក់ពន្ឋ័ករណីលួច មានស្ថានទម្ងន់ទោស(គាស់តូប)
ខេត្តបាត់ដំបង៖ជនសង្ស័យម្នាក់ត្រូវបានកម្លាំងសមត្ថកិច្ចចាប់ឃាត់ខ្លួន និងម្នាក់ទៀតរត់គេចខ្លួន បន្ទាប់ពីធ្វើសកម្មភាពលួចគាស់តូបគេ។
ករណីនេះបានកើតឡើងកាលពីវេលាម៉ោងប្រហែលជាង២៣ ថ្ងៃទី១៦ ខែសីហា ឆ្នាំ២០១៩ នៅចំណុចក្រុមទី១២ ភូមិព្រែកមហាទេព សង្កាត់ស្វាយប៉ោ ខេត្តបាត់ដំបង។
សមត្ថកិច្ចបានឲ្យដឹងថា៖ជនសង្ស័យមានឈ្មោះ ឆែម សីហា(អូន) ភេទប្រុស អាយុ២១ឆ្នាំ ស្នាក់នៅបណ្តោះអាសន្តភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង ចំណែកដៃគូរម្នាក់ទៀតរត់គេចខ្លួន។
សមត្ថកិច្ចបញ្ជាក់ថា៖មុនពេលកើតហេតុកម្លាំងសមត្ថកិច្ចទទួលបានសេចក្តីរាយការណ៍ថាមានករណីលួចគាស់តូមនៅត្រង់ចំណុចកើតហេតុខាងលើ ក៏បានចុះធ្វើការស៊ើអង្កេតស្រាវជ្រាវ រហូតឈានដល់ការឃាត់ខ្លួនជនសង្ស័យម្នាក់ រីឯបក្សពួកម្នាក់ទៀតរត់គេចខ្លួនបាត់។
ក្រោយពីឃាត់ខ្លួនសមត្ថកិច្ចបាននាំជនសង្ស័យមកកាន់អធិការដ្ឋាននគរបាល ក្រុងបាត់ដំបង ដើម្បីធ្វើការសាកសួរ។នៅចំពោះមុខសមត្ថកិច្ចជនសង្ស័យបានឆ្លើយសារភាពថា ខ្លួននិងបក្សពួកម្នាក់ទៀតពិតជាបានធ្វើសកម្មភាពលួចគាស់តូបពិតប្រាកដមែន។
ជនរងគ្រោះដែលត្រូវជនសង្ស័យលួចគាស់តូបមានឈ្មោះ អែម សារិទ្ធ ភេទប្រុស អាយុ៣៨ឆ្នាំ មានទីលំនៅភូមិកាប់គោថ្មី សង្កាត់អូរចារ ក្រុងបាត់ដំបង ខេត្តបាត់ដំបង។
សម្ភាៈដែលដកហូតបានរួមមានៈ
ម្សៅឆាចំនួន០៣កញ្ចប់,មីកំប៉ុងចំនួន១៦កំប៉ុង,ទឹកដោះគោឆៅចំនួន១១កំប៉ុង,ទឹកក្រូចចំនួន១ដប,កង្ហាតូចពណ៍ខៀវ០១,ចង្កានហ្គាសតូច០១ និងផ្លែផាស់សិន០១ថង់។
បច្ចុប្បន្ន ជនសង្ស័យផ្នែកជំនាញកំពុងរៀបចំសំណុំរឿង ដើម្បីចាត់ការតាមនិតិវិធី៕
