បញ្ជូនខ្លួនលោកឧកញ៉ា គង់ ក្រឹង និងកូនប្រសា ទៅកាន់តុលាការ
ខេត្តក្រចេះ៖លោកឧកញ៉ាគង់ ក្រឹង និងកូនប្រសារ ត្រូវបានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បញ្ជូនខ្លួនទៅកាន់តុលាការហើយនារសៀលថ្ងៃទី១៧ ខែសីហា ឆ្នាំ២០១៩ ក្រោយពីឃាត់ខ្លួនពាក់ព័ន្ធនឹងបទល្មើសព្រៃឈើ។
បើតាមឧត្តមសេនីយ៍ត្រី អេង ហ៊ី អ្នកនាំពាក្យគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិបានឲ្យដឹងថា៖លោកឧកញ៉ា គង់ ក្រឹង និងកូនប្រសាឈ្មោះ ម៉ាត់ ណាស៊ាត ត្រូវគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ សម្រេចឃាត់ខ្លួនកាលពីល្ងាចថ្ងៃទី១៥ ខែសីហា ឆ្នាំ២០១៩ នៅបញ្ជាការដ្ឋានអាវុធហត្ថខេត្តក្រចេះ បន្ទាប់ពីសួរនាំពាក់ព័ន្ធនឹងបទល្មើសព្រៃឈើ។ក្រោយពីឃាត់ខ្លួនពេញមួយលុះព្រឹកថ្ងៃទី១៦ ខែសីហា ឆ្នាំ២០១៩ កម្លាំងគណៈកម្មការជាតិដើម្បីទប់ស្កាត់ និងបង្ក្រាបបទល្មើសធនធានធម្មជាតិ បាននាំខ្លួនលោកឧកញ៉ា គង់ ក្រឹង នាំមកឆែកឆេរផ្ទះនៅស្រុកស្នួល ខេត្តក្រចេះ។
ការឃាត់ខ្លួនឧកញ៉ា គង់ ក្រឹង និងកូនប្រសារ បានធ្វើឡើងក្រោមការដឹកនាំបញ្ជាផ្ទាល់របស់ នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិ និងមានការសម្របសម្រួលពីអយ្យការ កម្លាំងអាវុធហត្ថខេត្តក្រចេះ៕
