ក្រសួងធនធានទឹក និងឧតុនិយម៖ចាប់ពីថ្ងៃទី១៦-១៨ ខែសីហានឹងអាចមានភ្លៀងធ្លាក់ ពីតិចទៅមធ្យម
រាជធានីភ្នំពេញ៖នាថ្ងៃទី១៦ ខែសីហា ឆ្នាំ២០១៩ ក្រសួងធនធានទឹក និងឧតុនិយម បានចេញសេចក្តីប្រកាសព័ត៌មាន ស្តីពីបញ្ហាអាកាសធាតុនៅកម្ពុជា ដោយបង្ហាញឲ្យឃើញថា ជ្រលងសម្ពាធទាបអូសបន្លាយលើកម្ពុជា ទន្ទឹមនឹងខ្យល់មូសុងនិរតីខ្សោយ តែចាប់ពីថ្ងៃទី២០ ខែសីហា ខ្យល់មូសុងនារតីបង្កើតឥទ្ធិពលរបស់ខ្លួនឡើងវិញ
ស្ថានភាពបែបនេះធ្វើឲ្យ៖
១-បណ្តាខេត្តនៅភាគខាងក្រោម នឹងអាចមានភ្លៀងធ្លាក់ពីតិចទៅមធ្យម។
២-ចាប់ពីថ្ងៃទី១៦-១៨ ខែសីហា បណ្តាខេត្តនៅភាគខាងកើតជាប់នឹងប្រទេសវៀតណាម នឹងអាចមានភ្លៀងធ្លាក់នៅក្នុងកម្រិតពីតិចទៅមធ្យម និងចាប់ពីថ្ងៃទី១៩-២២ ខែសីហា ភ្លៀងនឹងធ្លាក់ក្នុងកម្រិតពីមធ្យមទៅបង្គួរ និងផ្នែកខ្លះមានភ្លៀងធ្លាក់ច្រើន។
៣-បណ្តាខេត្តចាប់ពីភាគកណ្តាល ទៅភាគខាងលើ ចាប់ពីថ្ងៃទី១៦-១៨ ខែសីហា នឹងអាចមានភ្លៀងធ្លាក់ក្នុងកម្រិតពីតិចទៅមធ្យម និងចាប់ពីថ្ងៃទី១៩ ដល់ ២២ ខែសីហា ភ្លៀងនឹងធ្លាក់ពីមធ្យមទៅបង្គួរ។
៤-បណ្តាខេត្តនៅតំបន់មាត់សមុទ្រ មានខេត្តកោះកុង និងព្រះសីហនុ ចាប់ពីថ្ងៃទី១៦-១៨ ខែសីហា អាចនឹងមានភ្លៀងធ្លាក់ពីតិចទៅមធ្យម និងចាប់ពីថ្ងៃទី១៩ ដល់ ២២ ភ្លៀងនឹងធ្លាក់ពីមធ្យមទៅបង្គួរ៕
