ប្រេស៊ីលយកឈ្នះបេរ៉ូ ៣-១ លើកពានCopa America លើកទី៩ ដោយប្រមូលខ្ទេចគ្មានសល់សូម្បីតែមួយពាន
(កីឡា)៖ក្រុមបាល់ទាត់ជម្រើសជាតិប្រេស៊ីល បានលើកពានរង្វាន់ Copa America ហើយ ក្រោយពីយកឈ្នះលើក្រុមប៉េរ៉ូ ៣-១ ក្នុងការប្រកួតវគ្គផ្ដាច់ព្រ័ត្រនៅលើទឹកដីរបស់ខ្លួន។
ការប្រកួតផ្ដាច់ព្រ័ត្រនេះ ធ្វើបានយ៉ាងល្អ ពោលគឺពួកគេរកគ្រាប់បាល់បានដល់ទៅ៣គ្រាប់ និងធ្លាយតែ១គ្រាប់វិញប៉ុណ្ណោះ។៣គ្រាប់ក្នុងការប្រកួតសំខាន់នេះធ្វើបានដោយ Everton ១គ្រាប់នៅនាទី១៥ Jesus ១គ្រាប់នៅនាទី៤៥+៣ និង Richarlison ១គ្រាប់នៅនាទី៩០។
នេះជាការលើកពានរង្វាន់ Copa America ជាថ្មី ក្រោយពីខកខានតាំងពីឆ្នាំ២០០៧មករបស់ក្រុមប្រេស៊ីល។មិនតែប៉ុណ្ណោះ ពានរង្វាន់ទាំងអស់ដែលមាននៅក្នុង Copa America គឺ ប្រេស៊ីលយកបានទាំងអស់ដែលក្នុងនោះរួមមាន ៖
-កីឡាករល្អបំផុតបានទៅលើកីឡាករ Dani Alves
-អ្នកចាំទីល្អបំផុតបានទៅលើកីឡាករ Alisson Becker
-កីឡាករស៊ុតចូលច្រើនជាងគេបានទៅលើកីឡាករ Everton Soares
-ម្ចាស់ជើងឯក Copa America គឺជាក្រុមជម្រើសជាតិប្រេស៊ីល
-ក្រុមលេងស្លូត (Fair Play) បានលើប្រេស៊ីល
ដូច្នោះបានសេចក្តីថាម្ចាស់ផ្ទះប្រេស៊ីល ប្រមូលខ្ទេចគ្មានសល់សូម្បីតែមួយពាន៕