ឯកអគ្គរាជទូត ចក្រភពអង់គ្លេស ប្រចាំនៅក្រុងវ៉ាស៊ីនតោន លាលែងពីតំណែង បន្ទាប់ពីលេចធ្លាយ សារសំឡេងសំងាត់
អន្តរជាតិ៖ក្រោយពីលោក ដូ ណាលត្រាំ រិះគន់ឯកអគ្គរាជទូតចក្រភពអង់គ្លេសប្រចាំនៅក្រុងវ៉ាស៊ីនតោន រឿងបែកធ្លាយសារសំឡេង ក៏បានលាឈប់ពីតំណែងកាលពីថ្ងៃពុធ ៩កើត ខែអាសាឍ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១០ ខែកក្កដា ឆ្នាំ២០១៩។នេះបើយោងតាមការចុះផ្សាយនៅថ្ងៃទី១១ ខែកក្កដា ឆ្នាំ២០១៩ របស់ទីភ្នាក់ងារព័ត៌មាន រ៉យទើ។
សារសំឡេង ពីលោក Kim Darroch ដែលលោកបានរិះគន់លើរដ្ឋការរបស់លោក Trump ថា
ជាអ្នកអសកម្ម ត្រូវបានលេចធ្លាយទៅក្នុងកាសែតអង់គ្លេសកាលពីថ្ងៃអាទិត្យដែលធ្វើឱ្យលោកប្រធានាធិបតីអាមេរិកបានប្រតិកម្មតបវិញ ហើយបានរិះគន់ឯកអគ្គរាជទូតរូបនេះ តាមប្រព័ន្ធ Twitter ។
លោក Darroch ក៏បានមានប្រសាសន៍ លោកបានលាលែងចេញពីតំណែងពីព្រោះ «ស្ថានការណ៍បច្ចុប្បន្នមិនអាចធ្វើឱ្យលោកបំពេញមុខនាទីខ្ញុំបានទេ»។
ជាមួយគ្នានេះផងដែរ លោកស្រីនាយករដ្ឋមន្ត្រីអង់គ្លេស Theresa May ដែលជិតចាកចេញពីតំណែង បានសម្តែងការស្រងាកចិត្តរបស់លោកស្រីដល់ការលាលេងចេញពីតំណែង របស់លោក Darroch ដោយលោកស្រីបានមានប្រសាសន៍ថា វាជា «ការសោកស្តាយធំមួយ»។
លោកស្រីបាននិយាយថា «រដ្ឋាភិបាលល្អ» ពឹងពាក់លើពួកអ្នករដ្ឋការផ្តល់ «យោបល់ពេញលេញនិងដោយស្មោះត្រង់»៕
![]()
![]()
![]()