ប្រកាសចូលកាន់តំណែង ក្រុមប្រឹក្សាស្រុកស្រុក អាណត្តិទី៣ និង អភិបាលនៃគណៈអភិបាលស្រុកបរិបូណ៌
ខេត្តកំពង់ឆ្នាំង៖នាព្រឹក ថ្ងៃព្រហស្បតិ៍ ៣រោច ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២០ ខែមិថុនា ឆ្នាំ២០១៩ ឯកឧត្តម ឈួរ ច័ន្ទឌឿន អភិបាល នៃគណៈអភិបាលខេត្តកំពង់ឆ្នាំង បានអញ្ជើញជាអធិបតីក្នុងពិធីប្រកាសចូលកាន់តំណែង ក្រុមប្រឹក្សាស្រុក អាណត្តិទី៣ នៅសាលប្រជុំរដ្ឋបាលស្រុកបរិបូណ៌ណ៌។
ក្នុងពិិធីនោះដែរក៏មានការអញ្ជើញចូលរួមពីលោក អ៊ុក សារុន សមាជិកក្រុមប្រឹក្សាខេត្ត លោក លោកស្រីក្រុមការងារថ្នាក់ជាតិចុះមូលដ្ឋានខេត្តកំពង់ឆ្នាំង និងថ្នាក់ដឹកនាំប្រធានមន្ទីរ អង្គភាពខេត្ត លោក លោកស្រី អភិបាល អភិបាលរងស្រុក កងកម្លាំងទាំងបី ភូមិ/ឃុំ សរុបចំនួន១១៥នាក់។
ឆ្លៀតក្នុងឱកាសនោះដែរ ឯកឧត្តម ឈួរ ច័ន្ទឌឿន អភិបាលខេត្ត បានមានមតិសំណេះសំណាល និងធ្វើការផ្តាំផ្ញើដល់សមាជិកទាំងអស់ ត្រូវពង្រឹងសាមគ្គីភាព ឯកភាពផ្ទៃក្នុង ឱ្យបានល្អនៅក្នុងក្រុមប្រឹក្សា គណៈអភិបាលស្រុក មន្រ្តីរាជការ និងកងកម្លាំងមានសមត្ថកិច្ច គ្រប់លំដាប់ថ្នាក់ ដោយឈរលើមូលដ្ឋានលើកកម្ពស់ប្រសិទ្ធភាពការងារ ការគោរពច្បាប់ គោលការណ៍នានារបស់រដ្ឋ និងពង្រឹងរបៀបរបបធ្វើការដើម្បីលើកកម្ពស់ការ ទទួលខុសត្រូវ និងភាពជាម្ចាស់របស់មន្រ្តីនៅក្នុងការបំពេញតួនាទី ភារកិច្ចរបស់ខ្លួនសំដៅអភិវឌ្ឍន៍មូលដ្ឋាន និងឆ្លើយតបចំពោះតម្រូវការរបស់ប្រជាពលរដ្ឋ៕
