ចាប់ខ្លួនមេខ្លោង ចែកចាយគ្រឿងញៀនម្នាក់ នៅក្រុងស្ទឹងត្រែង
ខេត្តស្ទឹងត្រែង៖នាថ្ងៃទី១៨ ខែមិថុនា ឆ្នាំ២០១៩នេះ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តស្ទឹងត្រែង បានចុះប្រតិបត្តិការបង្ក្រាបនិងចាប់ខ្លួនមេខ្លោងចែកចាយគ្រឿងញៀនម្នាក់ ដោយដកហូតបាននូវថ្នាំញៀនប្រភេទមេតំហ្វេតាមីន (WY) ចំនួន១២,០០០គ្រាប់ នៅភូមិខាំផាន់ សង្កាត់ស្ទឹងត្រែង ក្រុងស្ទឹងត្រែង។
សមត្ថកិច្ចបានឲ្យដឹងថា មេខ្លោងចែកចាយគ្រឿងញៀនដែលត្រូវបានកម្លាំងសមត្ថកិច្ចចាប់ឃាត់ខ្លួននោះមានឈ្មោះ ភូម្ម៉ា ដាំ អាយុ២៦ឆ្នាំ មានទីលំនៅភូមិសាំបៀង ស្រុកសុកុម៉ា ខេត្តចំប៉ាសាក់ ប្រទេសឡាវ។
សមត្ថកិច្ចបញ្ជាក់ថា ក្រោយពីឃាត់ខ្លួនសមត្ថកិច្ចដកហូតបានថ្នាំញៀនប្រភេទមេតំហ្វេតាមីនក្រាមពណ៌សថ្លា(WY) ចំនួន១២,០០០គ្រាប់។
បច្ចុប្បន្នជនសង្ស័យ រួមនិងវត្ថុតាងត្រូវបានការិយាល័យជំនាញ កំពុងកសាងសំណុំរឿង បញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី៕