បុរសទំពួនម្នាក់ សម្រេចចិត្តធ្វើអត្តឃាតខ្លួនឯង ខណ:ជំពាក់លុយធនាគារច្រើន ពុំមានលទ្ធភាពសង
ខេត្តរតនគិរី៖បុរសជនជាតិទំពួនម្នាក់ បានសម្រេចចិត្តធ្វើអត្តឃាតខ្លួនឯងដោយចង.ក សម្លាប់ នៅក្រោមដើមស្វាយចន្ទី កាលពីវេលាម៉ោង៣និង៣០នាទីរសៀល ថ្ងៃទី១៤ ខែមិថុនា ឆ្នាំ២០១៩ ត្រង់ចំណុចចម្ការស្វាយចន្ទីរបស់ខ្លួនខាងក្រោយ សាលាបឋមសិក្សាឃុំស៊ើង ស្ថិតនៅក្នុងភូមិស៊ើង ឃុំស៊ើង ស្រុបរកែវ ខេត្តរតនគិរី។
សមត្ថកិច្ចនគរបាលស្រុកបរកែវបានឲ្យដឹងថា ជនរងគ្រោះមានឈ្មោះ ទីង ម៉ុញ ភេទប្រុស អាយុ៣៥ឆ្នាំ ជនជាតិទំពួន រស់នៅភូមិ/ឃុំកើតហេតុខាងលើ។
សមត្ថកិច្ចនគរបាលបានបន្តថា មុនពេលកើតហេតុជនរងគ្រោះបានទៅផឹកស្រាស្រវឹងនៅផ្ទះប្អូនថ្លៃរួចមកបែកគំនិតគិតខ្លី ក៏បានដើរទៅចម្ការស្វាយចន្ទីចង.ក សម្លាប់ខ្លួនឯងដោយសារជំពាក់លុយធនាគារច្រើនពុំមានលុយសង។
ក្រោយកើតហេតុភ្លាមកម្លាំងនគរបាលជំនាញ បានចុះទៅធ្វើកោសល្យវិច័យលើសាកសព ជាលទ្ធផលឃើញថា ជនរងគ្រោះពិតជាធ្វើអត្តឃាតខ្លួនឯងពិតប្រាកដមែន ហើយក៏បានប្រគល់ទៅឲ្យសាច់ញាតិយកទៅ ធ្វើបុណ្យតាមប្រពៃណី បងប្អូនជនជាតិដើមភាគតិចតែម្តងទៅ៕