ជនជាតិចិន បើករថយន្តស៊េរីទំនើប បុកម៉ូតូយុវជនជិះគ្នាពីរនាក់ បណ្តាលឲ្យស្លាប់យ៉ាងអាណោចអាធម៌
រាជធានីភ្នំពេញ៖បុរសជនជាតិពីរនាក់ស្រវឹងស្រាឡើងទន់ខ្លួនបើករថយន្តស៊េរីទំនើប ម៉ាករ៉េនរូវើមួយគ្រឿង វាជែងទៅបុកម៉ូតូចំពីមុខពេញទំហឹងផ្លោងទៅតាមចឹញ្ចើមផ្លូវផ្ងាជើងឡើងលើ បណ្តាលអោយយុវជនពីរនាក់ បានស្លាប់បាត់បង់ជីវិតភ្លាមៗ នៅនិងកន្លែងកើតហេតុៗ យ៉ាងអាណោចអាធម៌។
ករណីគ្រោះថ្នាក់ចរាចរណ៍នេះ បានកើតឡើងកាលពី វេលាម៉ោង១០និង៣០នាទីយប់ ថ្ងៃទី១៤ ខែមិថុនា ឆ្នាំ២០១៩ នៅតាមបណ្តោយផ្លូវ១៩៦២ កែងនិងផ្លូវប្រឡាយ ស្ថិតនៅភូមិអង្ក្រង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុឃើញបុរសជនជាតិម្នាក់ រួមនិងបុរសជនជាតចិនម្នាក់ទៀត ស្រវឹងស្រាឡើងទន់ខ្លួនបើករថយន្តស៊េរីទំនើប មួយគ្រឿងម៉ាក រ៉េនរូវើ ពណ៌ខ្មៅពាក់ស្លាកលេខភ្នំពេញ2R-0777 ធ្វើដំណើរទិសដៅពីលិចទៅកើតក្នុងល្បឿនលឿន លុះមកដល់ចំណុចកើតហេតុខាងលើ បានឡើងវ៉ាជែងមកខាងឆ្វេងដៃ ជ្រុលបុកម៉ូតូមួយគ្រឿងម៉ាកហុងដាឌ្រីមសង់ ស៊េរី២០១៩ ពណ៌ខ្មៅពាក់ស្លាកលេខភ្នំពេញ1HI-0788 ជិះដោយបុរសពីរនាក់បញ្ច្រាស់ទិសដៅគ្នាពីកើតទៅលិច ចំពីមុខពេញទំហឹង បណ្តាលឲ្យជនរងគ្រោះ និងម៉ូតូទៅតាមចិញ្ចើម ផ្លូវស្លាប់ភ្លាមៗ និងកន្លែងកើតហេតុ។
សមត្ថកិច្ចបានឲ្យដឹងថា ជនរងគ្រោះមានឈ្មោះ យឹម សំណាង ភេទប្រុស អាយុ២៤ មុខរបរជាងដែកនៅម្តុំផ្សារត្រពាំងថ្លឹង ស្នាក់នៅកន្លែងធ្វើការ មានស្រុកកំណើត ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ និងម្នាក់ទៀតមិនស្គាល់អត្តសញ្ញាណនោះ ទេ សមត្ថកិច្ចកំពុងធ្វើស្រាវជ្រាវ។
ចំណែកជនជាតិចិនបើករថយន្តបង្កទាំងពីរនាក់ត្រូវបានសមត្ថកិច្ចឃាត់ខ្លួនបញ្ជូនមកប៉ុស្តិ៍នគរបាលរដ្ឋបាលក្រាំងធ្នង់ភ្លាមៗ។
សមត្ថកិច្ចបន្តថា ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្ត និងម៉ូតូទៅរក្សាទុកនៅការិយាល័យចរាចរ
ណ៍ផ្លូវគោក ស្នងការរាជធានីភ្នំពេញរងចាំដោះស្រាយគ្នា ទៅតាមផ្លូវច្បាប់។
សាកសពជនរងគ្រោះសមត្ថកិច្ចធ្វើកំណត់ហេតុរួចប្រគល់ជូនសាច់ញាត្តិ យកទៅស្រុកកំណើត ធ្វើបុណ្យតាមប្រពៃណី៕
