សមត្ថកិច្ចចាប់ឃាត់ខ្លួន ជនល្មើសជាប្ដី ដែលបានកាប់សម្លាប់ប្រពន្ធខ្លួន យ៉ាងឃោឃៅបានហើយ
ខេត្តត្បូងឃ្មុំ៖ដោយក្រោមការដឹកបញ្ជាផ្ទាល់ពីលោកឧត្តមសេនីយ៍ទោ បែនរ័ត្ន ស្នងកាដ្ឋាននគរបាលខេត្តត្បូងឃ្មុំកម្លាំងសមត្ថកិច្នគរបាលជំនាញបានចាប់ឃាត់ខ្លួនបានហើយនាវេលាម៉ោង៦និង២០ព្រឹកថ្ងៃទី១៥ ខែមិថុនា ឆ្នាំ២០១៩ បន្ទាប់ពីជនល្មើសបានធ្វើកម្មកាប់សម្លាប់ប្រពន្ធខ្លួនឯងយ៉ាងឃោឃៅជាច្រើនកាំបិទបណ្ដាលឲ្យស្លាប់បាត់បង់ជីវិត។
សូមបញ្ជាក់ដែរថា៖ករណីប្តី កាប់សម្លាប់ប្រពន្ឋយ៉ាងព្រៃផ្សៃនេះបានកើតឡើងកាលពីវេលាម៉ោង០២និង៣០នាទីរសៀលថ្ងៃទី១៤ ខែមិថុនា ឆ្នាំ២០១៩ នៅចំណុចមុខមន្ទីបក្សប្រជាជនកម្ពុជា ស្ថិតនៅភូមិទួលវិហារ ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំ។
បើតាមប្រភពព័ត៌មានបានឲ្យដឹងថា៖ជនល្មើសជាប្តីមានឈ្មោះ ព្រាប ម៉ាយ ភេទប្រុស អាយុ ២៣ឆ្នាំ។ចំណែកប្រពន្ឋមានឈ្មោះ ជុំ ធារី ភេទស្រី អាយុ១៧ឆ្នាំជាច្រើនកាំបិទបណ្ដាលអោយស្លាប់នៅនឹងថ្លុកឈាមយ៉ាងអាណោចអធម័បំផុតនៅនឹងកន្លែងកើតហេតុ។
បើតាមការអះអាងពីឪពុកជនរងគ្រោះបានឲ្យដឹងថា ប្ដី ប្រពន្ធខាងលើក្នុងមួយរយះក្រោយនេះតែងតែមានជម្លោះពាក្យសំដីជាមួយគ្នាជាញឹកញាប់ហើយប្រពន្ធក៏បានចុះចេញពីឪពុក ម្ដាយខាងប្រុសដែលនៅជិតគ្នាមករស់នៅជាមួយម្ដាយឪពុក ម្ដាយរបស់ខ្លួន លុះដល់រសៀលកើតហេតុប្ដីបានទៅរករឿងប្រពន្ធបង្កជម្លោះរហូតឈានដល់ការដេញកាប់សម្លាប់ប្រពន្ធយ៉ាងសារហាវព្រៃផ្សៃបំផុត មូលហេតុជនល្មើសជាប្ដីឈានទៅកាប់សម្លាប់ជនរងគ្រោះជាប្រពន្ធបណ្តាលឲ្យស្លាប់បែបនេះព្រោះតែរឿងប្រចណ្ឌ។
ក្រោយពេលកើតហេតុសមត្ថកិច្ចមូលដ្ឋានបានមកដល់កន្លែងកើតហេតុបានពិនិត្យមើលជនរងគ្រោះដោយឃើងថាជនរងគ្រោះពិតជាស្លាប់ដោយសារជនល្មើសជាប្ដីសម្លាប់ពិតប្រាកដមែន ហើយក៏ប្រគល់ជូនសាកសពទៅឲ្យក្រុមគ្រួសារយកទៅធ្វើបុណ្យតាមប្រពៃណី។
បច្ចុប្បន្នជនសង្ស័យត្រូវបានសមត្ថកិច្ច កំពុងឃាត់ខ្លួននៅអរធិកាដ្ឋាននគរបាលស្រុកត្បូងឃុំ ដើម្បីកសាងសំណុំរឿង ទៅតុលាការចាត់ការតាមនិតិវិធីច្បាប់៕