គួរឲ្យសង្វេកណាស់ គ្រួសារក្រីក្រ នៅភូមិព្រៃឫស្សី សង្កាត់ព្រះពន្លា មានកូន៣នាក់ឈឺទៅជា ស្វិតដៃជើង ស្នើសុំជូយពីសប្បរសជន
ខេត្តបន្ទាយមានជ័យ៖បើមើលតាមស្ថានភាពជីវភាពគ្រួសារមួយនេះក្រីក្រ ខ្វះខាតជាខ្លាំងវាអាចជាកត្តាឲ្យស្ត្រីជាម្តាយខ្វះជីវជាតិឬមិនអាចទៅគិតពីសុខភាព មិនបានទៅពេទ្យពិនិត្យ ពិគ្រោះសុខភាព គិតតែពីជីវភាព ចឹងហើយបានជានាំឲ្យកូនៗ៣នាក់ របស់ពួកគាត់ទៅជាឈឺហើយស្វិតដៃជើង។
លោកឈរ ស៊ីលាភ មេភូមិព្រៃឬស្សីសង្កាត់ព្រះពន្លាប្រាប់សារព័ត៌មានព្រឹកថ្ងៃទី២២ ខែឧសភា ឆ្នាំ២០១៩ថា នៅភូមិលោកពិតជមានករណីគ្រួសារវ័យក្មេងមួយគ្រួសារគ្រួសារក្រីក្រ ខ្វះខាត ខ្វះជីវជាតិ បណ្តាលឲ្យកូនៗឈឺទៅជាស្វិតដៃជើងដល់ទៅ៣នាក់ពិតប្រាកដ។
លោកឈរ ស៊ីលាភ បានបញ្ជាក់ឲ្យដឹងទៀតថា ក្រុមគ្រួសារដែលមានកូនខ្វិនដល់ទៅ៣នាក់មានប្តីឈ្មោះសារិន សាយ ប្រុសអាយុ៣២ឆ្នាំមុនបបររកស៊ីជាកម្មករស៊ីឈ្នួលដឹកទឹកសុទ្ធលក់ ចំណែកប្រព័ន្ធមានឈ្មោះ សុងផា អាយុ៣០ឆ្នាំជាមេផ្ទះ មានកូននៅក្នុងបន្ទុក៤នាក់ប្រុសទាំង៤ចំណែក៣នាក់ពិការអវៈយវៈកូនប្រុសម្នាក់មានរូបរាងល្អហើយរៀនពូកែរៀនទៀត។
ចំណែកក្រុមគ្រួសារមានកូនពិការបានប្រាប់អ្នកយកព៍ត័មានថា គាត់ការបាន១៣ឆ្នាំមកហើយមានកូន៤នាក់តែអកុសល់កូនទី១ កូនទី២និងកូនទី៤កើតមកស្រាប់តែទន់ដៃទន់ជើងពិការទាំង៣តែម្តង ចំណែកកូនទី៣មានរូបរាងល្អហើយរៀនពូកែទៀត។
កូនទាំង៣នាក់មានទី១.ឈ្មោះសាយ សុវុធ អាយុ១២ឆ្នាំ កូនបងពិការ។
ទី២ឈ្មោះសាយ វិសាល អាយុ១១ឆ្នាំពិការ។
កូនទី៣.ឈ្មោះ សាយ វិសា អាយុ១០ឆ្នាំរូបរាងល្អចំណែកកូនពៅមានឈ្មោះ សាយសំណាងអាយុ២ឆ្នាំពិការ៕