ក្រុមគ្រួសារសព លោកអនុសេនីយ៍ត្រី សូរ សារ៉េត ទទួលថវិកាមហាគ្រួសារ កងរាជអាវុធហត្ថទូទាំង២៥ រាជធានីខេត្តចំនួន៤៤.២៧៥.៥០០រៀល
ខេត្តបន្ទាយមានជ័យ៖លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត រួមជាមួយសហការីជាច្រើនរូបនាព្រឹកថ្ងៃ២១ ខែឧសភា ឆ្នាំ២០១៩ បាននាំយកថវិកាមហាគ្រួសារកងរាជអាវុធហត្ថទូទាំង២៥ រាជធានី ខេត្ត យកទៅចូលរួមបុណ្យសពរបស់លោកអនុសេនីយ៍ត្រី សូរ សារ៉េត នាយក្រុមប្រតិបត្តិការទី១ មូលដ្ឋានកងរាជអាវុធហត្ថស្រុកថ្មពួក ដែលបានទទួលមរណៈភាពកាលពីថ្ងៃទី២១ ខែមេសា ឆ្នាំ២០១៩ ស្ថិតនៅភូមិថ្មដែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យចំនួន៤៤.២៧៥.៥០០រៀល ប្រគល់ជូនក្រុមគ្រួសារសព ដើម្បីយកទៅចាត់ចែងធ្វើបុណ្យសពតាមការគួរ។
ក្នុងនោះផងដែរ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានមានប្រសាសន៍ថា ដោយមានការយកចិត្តទុកដាក់ពីសំណាក់លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេសលោកបានឲ្យកម្លាំងអាវុធហត្ថគ្រប់រូបបង្កើតមូលនិធិមហាគ្រួសារអាវុធហត្ថឡើងដើម្បីរួមចំណែកដោះស្រាយរាល់ទុក្ខលំបាកដល់កម្លាំងអាវុធហត្ថក៏ដូចជាក្រុមគ្រួសាររបស់អាវុធហត្ថទូទាំងប្រទេស។
លោកឧត្ដមសេនីយ៍ត្រី បោន ប៊ិន បានបញ្ជាក់ឲ្យដឹងទៀតថា លោកអនុសេនីយ៍ត្រីសូរ សារ៉េត កាលនៅបំរើជាតិមាតុភូមិមានស្នាដៃយ៉ាងច្រើនជួយដល់ជាតិក្នុងការតស៊ូអង្អាចក្លាហានប្រកបដោយស្មារតីស្នេហាជាតិខ្ពស់ដើម្បីបុព្វហេតុជាតិសង្គ្រោះជាតិពីរបបប្រល័យពូជសាសន៍ដើម្បីសង្គ្រោះប្រជាពលរ្ឋឲ្យចេញភ្លើងសង្គ្រាមរហូតដល់ថ្ងៃនេះគាត់ស្លាប់។លោកបានបញ្ជាក់ឲ្យដឹងទៀតថា ដោយសាគុណបំណាច់លោកមានច្រើនលើប្រទេសជាតិយ៉ាងខ្លាំងដូច្នេះទើបអង្គភាពអាវុធហត្ថទូទាំងប្រទេសបានយកចិត្តទុកដាក់ធ្វើការឧបត្ថម្ភឋវិការដល់ក្រុមគ្រួសាររបស់លោកដើម្បីយកទៅធ្វើបុណ្យសពឲ្យបានសមរម្មណ៌និងដើម្បីយកទៅផ្គត់ផ្គង់គ្រួសារផង។
លោកបានបញ្ជាក់ឲ្យដឹងថា ក្នុងនាមនាយឧត្តមសេនីយ៍ សៅ សុខា លោកតែងតែណែនាំដល់ថ្នាក់ដឹកនាំអាវុធហត្ថទូទាំងប្រទេស ត្រូវយកចិត្តទុកដាក់រួមសុខរួមទុក្ខជាមួយប្រជាពលរដ្ឋរស់នៅតាមមូលដ្ឋានពិសេសគ្រួសារអាវុធហត្ថ និងអាវុធហត្ថដែលមានក្រុមគ្រួសារណាដែលមានមុស្សស្លាប់នៅក្នុងគ្រួសារដើម្បីចូលរួមចំណែកជួយដល់ពួកគាត់ដោយមិនប្រកាន់និន្នាការនយោបាយណាឡើយ៕
