ថ្ងៃDonnerstag ទី០៩ ខែកក្កដា ឆ្នាំ២០២០
គេហទំព័រកំពុងសាកល្បង
លោកស្រី ម៉ែន នារី សោភ័គ ​តំណាងសម្តេចកិត្តិព្រឹទ្ធបណ្ឌិ​ត ប៊ុន រ៉ានី ហ៊ុនសែន ចុះសួរសុខទុក្ខ និង​ផ្តល់អំ​ណោយមនុស្សធម៌ សម្រាល​ការលំបាក​លើកទី៩​ ដល់អង្គការសកម្ម​ភាព​លើយុវវ័យពិកា​រ ដើ​ម្បីអភិវឌ្ឍន៍
Di,17 Dezember 2019 (Time 05:32 )
ដោយ ៖ ឆន្ទៈកូនខ្មែរ (ចំនួនអ្នកអាន: 203នាក់)


រាជធានីភ្នំពេ​ញ៖នៅព្រឹកថ្ងៃអង្គារ ៦រោច ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៧ ខែធ្នូ ឆ្នាំ២០១៩ លោកស្រី ម៉ែន នារី សោភ័គ អគ្គលេខាធិការស្តីទី និងសហការី តំណាង​ឲ្យ​សម្តេច​កិត្តិព្រឹទ្ធប​ណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចុះសួរសុខទុក្ខ និងផ្តល់​អំណោយមនុស្សធម៌សម្រាលការលំបាកលើកទី៩ (ឆ្នាំទី៥ គិតចាប់តាំងពីឆ្នាំ២០១៥រៀងមក) ដល់អង្គការ​សកម្មភាពលើយុវវ័យពិការដើម្បីអភិវឌ្ឍន៍ ដែលមានសមាជិកជាជនពិការ ចាស់ជរា​គ្មានទីពឹងចំនួន៧១នាក់ រស់នៅក្នុងផ្ទះជួលស្ថិតនៅភូមិសន្សំកុសល៣ សង្កាត់បឹងទំពុន១ ខណ្ឌមាន​ជ័យ រាជធានីភ្នំពេញ និងមកពីបណ្តាខេត្តមួយចំនួនទៀត។

ក្នុងឱកាសនោះលោកស្រីអគ្គលេខាធិការស្តីទី​បានពាំនាំប្រសាស​ន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ ក្តីអាណិតស្រឡាញ់ លើកទឹកចិត្ត និងការកោត​សរសើរចំ​ពោះ​ជនពិការទាំងអស់ ដែលតស៊ូជំនះគ្រប់ឧបសគ្គក្នុងជីវិតរស់នៅ ខិតខំតាមជំនា​ញរៀងៗ​ខ្លួនប្រកបដោយគុណធម៌ សីលធម៌ និងសេចក្តីថ្លៃថ្នូរ ដែលនេះជាផ្នែក​មួយ​នៃការចូលរួម​ជារាជ​រដ្ឋាភិបាលកម្ពុជា ក្នុងការអនុវត្តគោល​នយោបាយជាតិលើកកម្ពស់ជនពិការ ឱ្យរស់​នៅស្មើ​មុខស្មើមាត់ក្នុងសង្គមដែលមានសុខសន្តិភាព ស្ថិរភាព និងការអភិវឌ្ឍ។

ទន្ទឹមនឹងនេះ លោកស្រីក៏បានពាំនាំនូវការណែនាំរបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដល់ជនពិ​ការទាំងអស់ ឱ្យគួរបង្កើនទំនាក់ទំនងជាមួយស្ថាប័នពាក់ព័ន្ធ ឬសប្បុរស​ជន ដើម្បីសុំ​ការអនុញ្ញាតឬសហការរៀបចំការប្រគុំតន្ត្រីនៅក្នុងឱកាសនៃកម្មវិធី ឬពិធីបុណ្យប្រពៃណីនានា តាមរយៈ ​ក្រុមសិល្បៈតន្ត្រីរីករាយ របស់អង្គការ និងការពិព័រណ៌​បង្ហាញពីសមិទ្ធផ​លស្នាដៃលើវិស័យ​កាត់ដេរសំលៀកបំពា​ក់របស់ក្រុមស្ត្រីពិការឱ្យបានទូលំទូលាយ ដើម្បីទទួល​បានការគាំទ្រ​កាន់តែច្រើន​ពីសប្បុរសជន។

ជាមួយគ្នានេះដែរ ជនពិការទាំង៧១នាក់ បានសម្តែងនូវក្តីរំភើប និងដឹងគុណយ៉ាងជ្រាលជ្រៅចំពោះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលតែងតែផ្តល់ក្តីស្រឡាញ់ ភាពកក់ក្តៅ ក្តីមេត្តា ករុណា និងលើកទឹកចិត្ត និងជួយ​សម្រាលការលំ​បាកជនងាយរងគ្រោះ​ទាំងអស់ដោយគ្មានការរើសអើងអ្វីឡើយ។

សូមបញ្ជាក់ថា អំណោយដែលបានផ្តល់ជូនអង្គការសកម្មភាពលើយុវវ័យពិការ ដើម្បីអភិវឌ្ឍន៍ រួមមាន៖អង្ករ៥០០គីឡូក្រាម,មីយើង១០កេស,ត្រីខ៥កេស,ទឹកបរិសុទ្ធ១០កេស,ទឹកក្រូច១០កេស ,ទឹកត្រី២៤ដប,ទឹកស៊ីអ៊ីវ២៤ដបនិងថវិកាចំនួន៥លានរៀល។ដោយឡែក ជនពិការទាំង៧១នាក់ ម្នាក់ៗទទួលបាន៖អង្ករ៣០គីឡូក្រាម ,មី១កេស,ត្រីខ១០កំប៉ុង,មុង១,ភួយ១,សារុង១,ក្រមា១ ,អា​វយឺត១ និងថវិកាចំនួ​ន៥ម៉ឺនរៀលផងដែរ៕

ព័ត៌មានគួរចាប់អារម្មណ៍

ឯកឧត្តម អភិ​បាលខេត្តកណ្ដាល ដឹកនាំមន្ត្រីក្រោមឱវ៉ាត នាំយកទៀនព្រះវស្សា បច្ច័យ និងទេយ្យ​ទាន ប្រគេនដល់ព្រះសង្ឃគង់ចាំព្រះវស្សា នៅក្រុងតាខ្មៅ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ក្រុមប្រឹក្សាខេត្ត​ព្រះសីហនុ បើកកិច្ចប្រជុំសាមញ្ញលើកទី១៣ អាណត្តិទី៣ ឆ្នាំ២០២០ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ប្រកាសបិទផ្សាយជាសា​ធារណៈនូវឯកសារ នៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ​ ស្រុក​សេសាន (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសជាជាងសំណង់ម្នាក់ ត្រូវបានឆក់​ខ្សែស្លាប់ភ្លាមៗ ​ខណ:កំពុងផ្សាដែកសង់រោង ​ដាក់លក់ទំនិញ (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសម្នាក់បានស្លាប់នៅក្នុងគំនរភ្លើង ដោយសារអគ្គីភ័យឆាបឆេះផ្ទះ ខណៈកំពុងដេកនៅក្នុងបន្ទប់ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1425 នាក់
ម្សិលមិញ :
3786 នាក់
សប្តាហ៍នេះ :
19618 នាក់
ខែនេះ :
158337 នាក់
3 ខែនេះ :
633162 នាក់
សរុប :
2177903 នាក់