ថ្ងៃDonnerstag ទី០៩ ខែកក្កដា ឆ្នាំ២០២០
គេហទំព័រកំពុងសាកល្បង
កិច្ចប្រជុំបូក​សរុបលទ្ធផលផែន​ការប្រលងប្រណាំង កសាងខ្សែ​បន្ទាត់​ព្រំដែ​នវៀតណាម-កម្ពុជា រវាង​ខេត្តគៀនយ៉ាង ខេត្តកែ​ប និងខេត្តកំពត
Di,17 Dezember 2019 (Time 03:33 )
ដោយ ៖ ឆន្ទៈកូនខ្មែរ (ចំនួនអ្នកអាន: 202នាក់)


ខេត្តកែប៖នៅព្រឹកថ្ងៃទី១៧ ខែធ្នូ ឆ្នាំ២០១៩នេះ រដ្ឋបាលខេត្តកែប ​បានបើកកិច្ចប្រជុំ បូកសរុបលទ្ធ​ផល ស្តីពីការប្រ​លងប្រណាំងកសាងខ្សែបន្ទាត់ព្រំដែន វៀតណាម-កម្ពុជា សន្តិភាព មិត្តភាព សហ​ប្រតិបតិ្តការលើគ្រប់វិ​ស័យរួមគ្នាអភិវឌ្ឍន៍ រវាងគណៈកម្មាធិការរណសិរ្សមាតុភូមិវៀតណាម ខេត្ត​គៀនយ៉ាង ជាមួយគណៈកម្មាធិការរណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកែប និងខេត្តកំពត សម្រាប់ឆ្នាំ២០១៧-២០១៩។

កិច្ចប្រជុំនេះប្រព្រឹត្តទៅ ក្រោមអ​ធិបតីភាពដ៏ខ្ពង់ខ្ពស់ ឯកឧត្តម​ កែន សត្ថា ប្រធានគណៈកម្មាធិកា​ររណសិរ្សសាមគ្គី អភិវឌ្ឍន៍មាតុភូមិកម្ពុជាខេត្តកែប លោកស្រី ឡេ ធីវ៉េ ប្រធានគណៈ​កម្មាធិការរ​ណសិរ្សមាតុភូមិវៀតណាម ខេត្តគៀនយ៉ាង និងលោក ដួង សាវណ្ណ អនុប្រធានគ​ណៈកម្មាធិកា​ររណសិរ្សសាមគ្គីអភិវឌ្ឍន៍មាតុភូមិកម្ពុជាខេត្តកំពត ព្រមទាំងមានការចូលរួមពីសំណាក់ប្រតិភូ មកពីខេត្តគៀនយ៉ាង និងប្រតិភូនៃខេត្តទាំងពីរ (ខេត្តកែប និងខេត្តកំពត)។

ក្នុងកិច្ចប្រជុំនេះ ឯ​កឧត្តម កែន សត្ថា ប្រធានគណៈកម្មា​ធិការរណសិរ្សសាមគ្គី​អភិវឌ្ឍ៍មាតុភូមិកម្ពុជា​ខេត្តកែប បានបញ្ជាក់ថា ​ដោយអនុវត្តផែនកា​រប្រលងប្រណាំង កសាងខ្សែបន្ទាត់ព្រំដែនវៀតណាម-កម្ពុជា(គៀនយ៉ា​ង ខេត្តកែប និងខេត្តកំពត) ឆ្នាំ២០១៧-២០១៩  គណៈកម្មាធិការរ​ណសិរ្សមាតុ​ភូមិវៀត​ណាម ខេត្តគៀនយ៉ាង(វៀតណាម) និងគណៈ​កម្មាធិការរណ​សិរ្សសាមគ្គីអភិវឌ្ឍន៍​មាតុភូមិ​កម្ពុជា ខេត្តកែប ខេត្តកំពត (កម្ពុជា) នឹងធ្វើឱ្យកិច្ចសហប្រតិបតិ្តការ និងចំណងមិត្តភាព​កាន់តែរឹងនាំ​ជា​លំ​ដា​ប់។

ឯកឧត្តម កែន សត្ថា បានបញ្ជាក់ទៀតថា វៀតណាម-កម្ពុជា ជាប្រទេសភូមិផងរបងជាមួយគ្នា ដែល​មា​នការទំនាក់ទំនងជាប្រពៃណី ដ៏យូរលង់ណាស់មកហើយ មានចំណងសាមគ្គីភាពដ៏ពិសេស និង​កិច្ចសហ​ប្រតិបតិ្តការលើគ្រប់វិស័យ។​ខេត្តគៀនយ៉ាងជាខេត្តមួយក្នុងចំណោមខេត្តរបស់វៀតណាម ដែលមាន​ខ្សែបន្ទាត់ព្រំដែនផ្លូវគោក និងផ្លូវសមុទ្រ ជា​ប់ជាមួយខេត្តកំពត ខេត្តកែប នៃព្រះរាជាណា​ចក្រកម្ពុជា ដោយមានច្រកទ្វារអន្តរជាតិហាទៀន និងច្រកទ្វារទ្វេភាគីយ៉ាងថាញ់។

ឯកឧត្តម កែន សត្ថា បានឱ្យដឹង​ទៀតថា ក្នុងឆ្នាំកន្លងមក ប្រជាជនខេត្តគៀនយ៉ាង(វៀតណាម) ជា​មួយ​ខេត្តកែប និងខេត្តកំពត (នៃព្រះ​រាជាណាចក្រកម្ពុជា)មានការទំនាក់ទំនងប្រពៃណី សាមគ្គីភាព មិត្តភា​ព និងសហ​ប្រតិបត្តិការល្អ កសាងយន្តកា​រសហប្រតិបតិ្តការ ជំនួប និងផ្លាស់ប្តូរជាញឹក​ញាប់​លើបណ្តាវិស័យដូចជា៖ ការពារសន្តិសុខព្រំដែន ពាណិជ្ជកម្ម ទេសចរណ៍ ជលផល និងកសិកម្ម ជាដើម។

គណៈកម្មាធិការអចិន្ត្រៃយ៍ គណៈ​កម្មាធិការរណសិរ្សមាតុភូមិវៀតណាម និងគណៈកម្មាធិ​ការរណ​សិរ្ស​សាមគ្គីអភិវឌ្ឍន៍កម្ពុជា ខេត្តកែប-ខេត្តកំពត តែងតែមានការទំនាក់ទំនងសហការល្អ នូវស្មារតី ផែនកា​រប្រល​ងប្រណាំង កសាងខ្សែបន្ទាត់ព្រំដែន វៀតណាម-កម្ពុជា សន្តិភាព មិត្តភាព កិច្ចសហ​ប្រតិបត្តិការលើគ្រប់វិស័យ ដើម្បីរួមគ្នាអភិវឌ្ឍន៍។

នាឱកាស​នោះ ឯកឧត្តម​ កែន សត្ថា ក៏បានសម្តែងនូវការអបអរសាទរយ៉ាងជ្រាវជ្រៅបំផុត រាល់ខ្លឹម​សារនិងលទ្ធផលដែលអង្គប្រជុំទាំងមូលសម្រេចបាន ដែលជាសក្ខីភាពបង្ហាញនូវ​ផលប្រយោជន៍​ក្នុងការពូនជ្រុំ នៃចំណងសាមគ្គីភាព មិត្តភាព រវាងប្រទេសយើងទាំងពីរ គឺព្រះរាជាណាចក្រកម្ពុជា និងសាធារណរដ្ឋសង្គម​និយមវៀតណាម សម្រាប់ការកសាងខ្សែបន្ទាត់ព្រំដែនសន្តិភាព មិត្តភាព និងកិច្ចសហប្រតិបតិ្តការកាន់តែល្អប្រសើរថែមទៀត៕

ព័ត៌មានគួរចាប់អារម្មណ៍

ឯកឧត្តម អភិ​បាលខេត្តកណ្ដាល ដឹកនាំមន្ត្រីក្រោមឱវ៉ាត នាំយកទៀនព្រះវស្សា បច្ច័យ និងទេយ្យ​ទាន ប្រគេនដល់ព្រះសង្ឃគង់ចាំព្រះវស្សា នៅក្រុងតាខ្មៅ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ក្រុមប្រឹក្សាខេត្ត​ព្រះសីហនុ បើកកិច្ចប្រជុំសាមញ្ញលើកទី១៣ អាណត្តិទី៣ ឆ្នាំ២០២០ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ប្រកាសបិទផ្សាយជាសា​ធារណៈនូវឯកសារ នៃការវិនិច្ឆ័យចុះបញ្ជីដីធ្លីមានលក្ខណៈជាប្រព័ន្ធ​ ស្រុក​សេសាន (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសជាជាងសំណង់ម្នាក់ ត្រូវបានឆក់​ខ្សែស្លាប់ភ្លាមៗ ​ខណ:កំពុងផ្សាដែកសង់រោង ​ដាក់លក់ទំនិញ (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសម្នាក់បានស្លាប់នៅក្នុងគំនរភ្លើង ដោយសារអគ្គីភ័យឆាបឆេះផ្ទះ ខណៈកំពុងដេកនៅក្នុងបន្ទប់ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1062 នាក់
ម្សិលមិញ :
3786 នាក់
សប្តាហ៍នេះ :
19255 នាក់
ខែនេះ :
157974 នាក់
3 ខែនេះ :
632799 នាក់
សរុប :
2177540 នាក់