កម្មការនីរោងចក្រហាត់ឌីស១នាក់ ត្រូវរថយន្តបុកបណ្តាលឲ្យរងរបួសជើងម្ខាង ដឹកបញ្ជូនទៅសង្គ្រោះនៅមន្ទីពេទ្យបង្អែកដីថ្មី
ខេត្តបន្ទាយមានជ័យ៖ឧបទ្ទវហេតុគ្រោះថ្នាក់ចរាចរណ៍ បង្កឡើងដោយរថយន្តរបស់សមត្ថកិច្ចក្រុងប៉ោយប៉ែត បានបើកប៉ះម៉ូតូ កម្មការនីរោងចក្រជិះគ្នាពីរនាក់ បណ្តាលឲ្យស្រ្តីម្នាក់រងរបួសជើងម្ខាង។
ហេតុការណ៍នេះបានកើតឡើង កាលពីវេលាម៉ោង០៧និង៤០នាទីព្រឹកថ្ងៃទី១៦ ខែធ្នូ ឆ្នាំ២០១៩ នៅលើផ្លូវជាតិលេខ៥ ស្ថិតក្នុងភូមិ/សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។
បើតាមប្រភពព័ត៌មានបានឲ្យដឹងថា៖មុនកើតហេតុមានស្រ្តីពីរនាក់ដែលជាកម្មការនីបម្រើការងារនៅរោងចក្រហាតឌីស បើកបរម៉ូតូ ស្លាកលេខ ភ្នំពេញ.1FK.5418 បើកបរក្នុងទិសដៅពីកើតទៅលិច លុះដល់ចំណុចកើតហេតុខាងលើ មានរថយន្តដែលគេស្គាល់ថា ជារបស់សមត្ថកិច្ចក្រុងប៉ោយប៉ែត ពាក់ស្លាកលេខ បន្ទាយមានជ័យ 2A.3907 បើកបរក្នុងទិសដៅពីលិចទៅកើត បានបត់ចូលកន្លែងហូបបាយ (បញ្ច្រាស់ទិសគ្នា) បានបុកម៉ូតូ បណ្តាលឲ្យស្ត្រីម្នាក់រងរបួសជើងឆ្វេង ត្រូវបានរថយន្តដឹកទៅសង្រ្គោះនៅមន្ទីរពេទ្យបង្អែកដីថ្មី២។
បើតាមលោកវរៈសេនីយ៍ទោ ឈឿន ប៊ុនថា អធិការរងទទួលផែនចរាចរណ៍ក្រុងប៉ោយប៉ែតបានប្រាប់តាមទូរស័ព្ទថា ករណីគ្រោះនេះភាគីទាំងសងខាងគឺខាងរថយន្ត និងខាងស្រ្តីរងគ្រោះបានធ្វើការសម្រួលគ្នារួចរាល់ហើយនូវអធិការរដ្ឋានក្រុងប៉ោយប៉ែត។ចំណែកស្រ្តីរងគ្រោះមិនបានបាក់ជើងនោះទេ៕
