រថយន្តហាយឡែនឌ័រ ពន្លះគូថរថយន្តបាឡែនដែលបើកស្របទិសគ្នា បណ្តាលឲ្យរងការខូចខាតយ៉ាងដំណំ
រាជធានីភ្នំពេញ៖កាលពីវេលាម៉ោង១២ និង៣០នាទីយប់ឈានចូលថ្ងៃទី២០ ខែវិច្ឆិកា ឆ្នាំ២០១៩មានករណីគ្រោះថ្នាក់ចរាចរណ៍មួយបានកើតឡើងរវាង រថយន្តហាយឡេនឌ័រ បុកគូទរថយន្តបាឡែន បណ្តាលឲ្យខូចខាតយ៉ាងដំណំ សំណាងល្អគ្មាននាក់រងរបួស។
គ្រោះថ្នាក់ចរាចរណ៍នេះបានកើតឡើង នៅតាមបណ្តោយផ្លូវសហព័ន្ធរុស្ស៊ី ទល់មុខព្រលានយន្តហោះអន្តរជាតិភ្នំពេញ ស្ថិតនៅក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តម៉ាកកាមរីបាឡែន១គ្រឿងពណ៍ស្ករ ពាក់ស្លាកលេខភ្នំពេញ2V-3941 បើកបរដោយបុរសម្នាក់ ក្នុងទិសដៅពីលិចទៅកើត លុះមកដល់ចំណុចកើតហេតុខាងលើ ម្ចាស់រថយន្តសេញ៉ូអែបស្ដាំមិនទាន់ផុត ក៏មានរថយន្តមួយគ្រឿងទៀតម៉ាកហាយឡិនឌ័រពណ៍ទឹកប្រាក ពាក់ស្លាកលេខភ្នំពេញ2BA-3105បើកបរដោយបុរសម្នាក់ក្នុងទិសដៅស្របទិសគ្នាមកពីក្រោយបើកយ៉ាងលឿន លុះមកដល់ចំណុចកើតហេតុក៏រេចង្កូតជ្រុលទៅបុករថយន្តនៅខាងមុខពេញទំហឹង បណ្ដាលឲ្យរងកាខូចខាតទាំងសងខាង រថយន្តបាឡែនខូចខាតខាងក្រោយផ្នែកខាងឆ្វេង ចំណែករថយន្តហាយឡែនឌ័រខូចខាតពីមុខផ្នែកខាងស្ដាំ។
ក្រោយកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ ដោយភាគីទាំងសងខាងសូមធ្វើការចរចាគ្នា ដោយរថយន្តហាយឡិនឌ័រព្រមចេញថ្លៃខូចខាតទៅរថយន្តបាឡែនចំនួន៣០០ ដុល្លារ ដើម្បីបញ្ចប់រឿង៕
