កម្លាំងកងរាជអាវុធហត្ថ ស្រុកឱរ៉ាល់ បន្តរុករកឡានប៉ាកុងបានចំនួន០២គ្រឿង បន្ថែមដែលលាក់ទុកក្នុងព្រៃ
ខេត្តកំពង់ស្ពឺ៖រថយន្តប៉ាកុងកែច្នៃចំនួន០២គ្រឿង ត្រូវបានកម្លាំងកងរាជអាវូធហត្ថមូលដ្ឋានស្រុកឱរ៉ាល់ ដឹកនាំដោយលោកវរសេនីយ៍ទោ សោម ពុទ្ធតារា មេបញ្ជាការស្រុក បានបន្តរុករកប្រទះឃើញកាលពីថ្ងៃទី១៨ ខែតុលា ឆ្នាំ២០១៩ នៅចំណុចក្នុងព្រៃឫស្សីមាត់អូរ ខាងលិចផ្លូវលេខ៤៤ ស្ថិតក្នុងភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
សមត្ថកិច្ចបានឲ្យដឹងថា៖ការចុះប្រតិបត្តិការននេះ ដោយមានការសហការជាមួយកម្លាំងកងរាជអាវុធហត្ថលើផ្ទៃប្រទេសផងដែរ រុករករហូតប្រទះឃើញរថយន្តកែច្នៃប៉ាកុងចំនួន០២គ្រឿង ដែលក្រុមឈ្មួញយកមកលាក់ក្នុងព្រៃ ក្នុងស្រុកឱរ៉ាល់។
បច្ចុប្បន្ន៖វត្ថុតាងទាំងនោះកម្លាំងកំពុងនៅការពារ និងរកមធ្យោបាយដឹកយកមករក្សាទុកនៅមូលដ្ឋានកងរាជអាវុធហត្ថមូលដ្ឋាន ស្រុកឱរ៉ាល់បណ្តោះអាសន្ន៕
