ថ្នាក់ដឹកនាំខេត្តសៀមរាប ចុះបិទអត្តសញ្ញាណរថយន្ដ អ្នករត់តាក់ស៊ី និងរថយន្ដស្នួល គ្រប់ប្រភេទនៅក្នុងខេត្ត
ខេត្តសៀមរាប៖នាព្រឹកថ្ងៃសៅរិ៍ ៦រោច ខែអស្សុជ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែតុលា ឆ្នាំ២០១៩ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប បានដឹកនាំមន្រ្តីក្រោមឱវាតចុះបិទអត្តសញ្ញាណរថយន្ដ អ្នករត់តាក់ស៊ី និងរថយន្ដស្នួលគ្រប់ប្រភេទក្នុងខេត្តសៀមរាប ដើម្បីសម្រាប់ការពារសន្តិសុខសុវត្ថិភាពជូនភ្ញៀវជាតិ អន្តរជាតិនៅពេលធ្វើដំណើរ ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
កាចុះបិទអត្តសញ្ញាណនេះ លោក អភិបាលរងខេត្តបានណែនាំដល់បងប្អូនដែលជាអ្នកប្រកបរបបនេះថា ការកំណត់របៀបនេះ គឺមានភាពងាយស្រួលដល់អាជ្ញាធរមានសមត្ថកិច្ចក្នុងការគ្រប់គ្រង ជាពិសេសងាយស្រួលដល់ភ្ញៀវទេសចរជាតិ អន្តរជាតិបានស្គាល់អត្តសញ្ញាណផងដែរ។
ទន្ទឹមនឹងនេះ លោកក៏បានបញ្ជាក់បន្ថែមដល់បងប្អូនថា នៅពេលបើកបរដឹកភ្ញៀវទេសចរ យើងត្រូវចូលរួមគោរពច្បាប់ចរាចរណ៍ ចេះមានការអធ្យាស្រ័យ និងមានការយោគយល់ខ្ពស់ឱ្យគ្នាទៅវិញទៅមក៕
