រដ្ឋបាលខេត្តសៀមរាប បើកវគ្គបណ្ដុះបណ្ដាល ស្ដីពីការគ្រប់គ្រងនិង អភិបាលកិច្ចលើការងារព្យាបាល និងស្ដារនីតិសម្បទា អ្នកញៀនគ្រឿងញៀននៅកម្ពុជា
ខេត្តសៀមរាប៖នៅព្រឹកថ្ងៃពុធ៣រោច ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ លោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណ:អភិបាលខេត្តសៀមរាប និងឯកឧត្តម ឈុំ វណ្ណារិទ្ធ អនុរដ្ឋលេខាធិការក្រសួងសុខាភិបាល ចូលរួមក្នុងវគ្គបណ្ដុះបណ្ដាលស្ដីពីការគ្រប់គ្រងនិង អភិបាលកិច្ចលើការងារព្យាបាល និងស្ដារនីតិសម្បទាអ្នកញៀនគ្រឿងញៀននៅកម្ពុជា។
គ្រឿងញៀន គឺជាបញ្ហារួមរបស់យើង និងជាកាតព្វកិច្ចទទួលខុសត្រូវរបស់ក្រសួងស្ថាប័នពាក់ព័ន្ធគ្រប់លំដាប់ថ្នាក់ អង្គការសង្គមស៊ីវិលជាតិ អន្ដរជាតិ និងប្រជាពលរដ្ឋគ្រប់រូប ដែលចាំបាច់ត្រូវបន្ដសហការគ្នាឲ្យបានជិតស្និទ្ធ ដើម្បីបង្ការទប់ស្កាត់បញ្ហាគ្រឿងញៀន និងការពារកុំឲ្យបងប្អូនសាច់ញាតិ និងមិត្តភក្ដិរបស់យើងចាញ់ការបោកបញ្ឆោតក្រុមឧក្រិដ្ឋជនធ្លាក់ខ្លួនទៅជាអ្នកពាក់ព័ន្ធ និងប្រើប្រាស់គ្រឿងញៀនដោយខុសច្បាប់៕
